لا عنوان

نحن لانعيش في المدينة الفاضلة

ولكن باستطاعتنا أن نكون من سكانها

الجميلة والوحش

حالي معاه

مع الحزن

القلوب الضعيفه قلوب رقيقه

لابد ان تعيش في جزيرة القمر

لكن لا يوجد شيء اسمه جزيرة القمر

نور الشمس

نحن لانشعر بقيمة الأشياء إلا عندما نفقدها

كنا في رحله
وفجأة سمعت بنت صاحبتنا بتقول الله شوفوا منظر الشمس وهي بتغرب

التفت وشاهدت المنظر
فعلا سبحان الله
وبدأت كل واحدة تصور المنظر بموبايلها
والشمس بتختفي..بتختفي وهما بيحاولوا بسرعة يلتقطوا اكبر قدر من الصور لمنظر الغروب

واستغربت وسألت نفسي
طيب ماهي الشمس في السما من الصبح
ليه ما أخدناش بالنا إنها جميله أوي غير لما بدأت تغرب وتغيب عننا

ساعتها افتكرت رساله كانت جايالي علي الايميل
وكانت بتحكي عن حوار مع احد المعتقلين
سأله الصحفي:إيه اكتر حاجه افتقدتها بعد مادخلت المعتقل
الجميع توقعوا انه هايقول زوجته وأولاده والناس اللي بيحبهم وبيحبوه
انما اجابته ادهشت الناس كلها
قال انه بيفتقد لنور الشمس
يالله مش معقول

إحنا كل يوم بيحضنا نور الشمس
ايوا بيحضنا
علشان هو بيحبنا
بس واضح انه حب من طرف واحد
واحنا مش واخدين بالنا بالنعمه الكبيرة دي
وان لو جواك هم الدنيا كله
كفايه اوي البوسه اللي علي خدك كل يوم من الشمس
وحضنها الكبير الدافي ليك
وان الحمد لله اللي بيقولها لسانك علي النعمه دي
بالدنيا ومافيها

أستغفر الله العظيم

أكيد كل واحد مننا بتمر عليه لحظات بيكون فيها مدايئ وزعلان
ومش قادر يتنفس
يئعد لوحده يفكر هو ليه كدا؟
يكتشف أن قلبه بيوجعه ومش قادر حتي يفكر
وفجأة يلائي لسانه بيقول يارب....يارب
وبعدين ربنا يهديه انه يقول
"أستغفر الله العظيم"
"أستغفر الله العظيم"
"أستغفر الله العظيم"
يبدأ يردد
"أستغفر الله العظيم"
"أستغفر الله العظيم"
"أستغفر الله العظيم"
"أستغفر الله العظيم"
"أستغفر الله العظيم"
"أستغفر الله العظيم"
قلبك يهدي شويه وترتاح
وتفضل تردد
"أستغفر الله العظيم"
"أستغفر الله العظيم"
صحيح الهم زال والوجع راح
بس لسانك مابطلش "أستغفر الله العظيم"
ساعتها بس أفتكرت حديث الرسول_صلي الله عليه وسلم_
"من لزم الاستغفار جعل الله له من كل هم مخرجا ومن كل ضيق مفرجا ورزقه من حيث لايحتسب"

وتقرر انك مش هاتستني تاني هم وألم علشان تستغفر ربنا
إنما علي طول هاتقول
"أستغفر الله العظيم"
"أستغفر الله العظيم"
"أستغفر الله العظيم"
"أستغفر الله العظيم"

أصدق ابتسامه

شيء جميل انك تحس إن في حد بيحبك
حد يهمه أمرك
حد انت بتمثل حاجه في حياته
انك مرة واحدة تعرف ان في حد لسه بيحتاجلك
نفسه يكمل عمره معاك
تبتسم
وتبص للسما تدور علي القمر أو تنادي علي الشمس

وتقولهم أنا لسه عايش وفي ناس بتحبني
قلبي صحيح قلب حزين
بس مش عاجز
قادر يحب
وعارف يحلم ويكون قلب جميل
ولسه القلوب التانيه بتتمناه لأنه بينبض لله

تقولهم ان الحزن مش راضي يسيب قلبك لأنه مليان حب
علشان حتي الحزن محتاج للحب

وان الدموع بتتلكك علشان تنزل علي خدودك
وان مش بس لسه في ناس هناك بعيد بتحبك
دي كمان دموعك وجرحك
ولان برغم الجرح والحزن اللي جواك
انت صاحب أصدق ابتسامه

ماكنتش أعرف

ماكنتش اعرف إن أنا برتبط بالأشياء غير لما ضاعت مني الاله الحاسبة في 3 ثانوي
يومها زعلت اوي ومر علي يوم مش ها أنساه في حياتي
لان كان بعد كل ادان بدعي ربنا أنها ترجعلي
مش عاوزة اشتري واحده جديدة
أنا عاوزة اللي ضاعت
والحمد لله ربنا استجاب لدعائي ولائيتها

وماكنتش اعرف إن قلبي جواه كل مشاعر الدنيا

الحزينه

غير لما استقبل حزن جديد هيج وصحي الأحزان القديمة

وماكنتش اعرف إني عايشه حالة حب رائعة مع نفسي ومع قلبي ومع جرحي وفرحي وحلمي وحزني

غير لما ما حسيتش بالفرق

بين إني أكون وحيدة

واني أكون مع الناس لان في الحالتين أنا باكون مع نفسي

ما كنتش اعرف اني ممكن أتخلي عن حلمي القديم في لحظه غير لما واجهت أول تحدي

وماكنتش أعرف إني فيلسوفه غير لما اتناقشت مع مدرس الفلسفة بتاعي في قضيه الحرية والجبريه

وسمعته تاني يوم بيقول تحليلي والامثله اللي أوردتها في كلامي لطلابه في الفصل

وماكنتش اعرف إني ممكن أقول كلام حلو عني بالشكل دا غير لما كتبت الكلام اللي فات

إحنا دايما كدا
حاجات كتيير مابنبئاش عارفينها عن نفسنا
وبتفاجئنا المواقف والظروف بيها

امنح قلبك الحياة

لاتستسلم للألم
لاتستسلم للوهم
ابتسم للحياة
تحدي الظروف
انظر إلي السماء ستجدها صافيه زرقاء
رغم أنها كانت بالأمس ملبدة بالغيوم
تأمل البحر ستجده هادئ
موجاته تداعب بعضها البعض
رغم انه غضب وهاج وثار منذ قليل
احزن وتألم
ولكن لاتدع قلبك لهم
لاتسمح لهم أن يسكنوه
اعلم أنها حياة واحده
واترك روحك تطير في الفضاء
ولا تبكي لان حلمك قد ضاع
فالأحلام كثيرة
احلم من جديد
بداخلك قلب حزين ولكنه رقيق
قلب يفيض مشاعر جميله
قلب اجمل مافيه انه قلبك
فامنحه الحياة لأنه يستحق الحياة

ياااااااااااارب

حلمك واتكسر جواك وقبلت الوضع
وعرفت ان اللي اتكسر مش هايتصلح ومش ينفع يتصلح
بس لميت الكسر ورميته بعيد
وقولت تحلم من جديد وتعيش من تاني حياتك
وفي حياتك الجديده تكتشف انك فقدت حاجت جميله كانت جواك
حاجات جميله اتكسرت وماعرفتش تلائيلها بديل
حاجات جميله ضاعت
ومش هاترجع غير لما تتحدي نفسك وتتحدي الظروف وتهزم ضعفك وخوفك
و ترجع تاني تعيش مع الناس
وقلبك يملاه يقين انه طول ماهو بينبض لله
ربنا هايفرجها عليها
بس قول ياااااااااااارب

ليل طويل

قررت مرة تكون وحيد

جربت مرة تعيش حزين

جربت مرة يضيع حلمك منك ويسافر بعيد

حسيت بقلبك مرة تاه وسط زحمة الحياة

وضحكة علي شفايفك شايله ألم وأه

صاحبت جرحك وعاش معاك وعيشت معاه

يبئي انت ودعت نهار جميل واستقبلت ليل طويل

ألم وأمل

جوايا خوف جوايا الم

جوايا حلم وكمان أمل

جوايا شمس وكمان قمر

نفسي أسافر عند النجوم

أطير في السما وأتحدي الهموم

وأجمع ورود من البساتين

وأهديها لكل قلب حزين

أغنية عجباني

الدنيا دي صغيره
ليها ساعات وايام
ويابخت مين كان ورا
وجابه الزمن أدام
ان كنت في الاول
او كنت في الاخر
مهما الطريق طول
ماهو برده ليه اخر
علي ايه بتحسبها دا الكل هايسيبها
ويتوه وسط الزحام
ويابخت مين كان ورا وجابه الزمن أدام

أغنيه لتامر حسني

أروع شخص في حياتك

اوقات كتير بنكون محتاجين حد يسمعنا

يشاركنا حزننا واوجاعنا

حد نفضفضله ونشكيله

حد نرتاحله ونحكيله

عن مشاكلنا وهمومنا

بس مابنلائيش ...بندور كتيير وبننتهي لمفيش

وبنحس اننا وحدنا اصحابنا كتير وحبايبنا ....بس مش فاضينلنا

الشعور بالوحده قاسي ومؤلم خصوصا لما تكون محتاج حد جمبك يسندك حد جمبك يشيل عنك ويسعدك

بس رغم كدا بنتجاوز احزانا والامنا واوهامنا

وبنرجع تاني نعيش اصل الدنيا مش بتقف ولا هاتقف غير بس لما القيامه تقوم

واوقات تانيه بنكون محتاجين نقعد لوحدنا نصالح نفسنا نبعد عن الناس ولو شويه صغيره

بس ما بنعرفش الدنيا زحمة وكلهم حواليك

مش عارف حتي تمشي تبعد وتسيبهم انت المرادي مش عاوزهم ..عاوز حد تاني يشاركك همومك واحزانك

الحد دا جوه في وجدانك

الحد دا هو انت

لما الشعور بالوحده يلح عليك وبقوه والرغبه في اعتزال الحياه والناس هو اقوي احساس

انك تكتشف فجاه انك عيشت مع ناس كتيير وساعدت ناس اكتر واتعرفت علي ناس اكتر واكتر

بس في شخص واحد تجاهلته وبكل الغرور والاهمال عاملته

شخص رائع

طلب كتير انه يقرب منك وانت بتبعد عنه حتي الكلمة الحلوة حرمتها منه

شخص حاول اكتر من مره يقولك "انا اهم واحد في حياتك "

لو عمل حاجه غلط بيئي العقاب هو الحل الوحيد ولو عمل حاجه حلوة يبئي صدفه

ومايستاهلش حتي كلمة برافوالشخص دا هو انت

ولما تقرر انك انت وهو تسافروا لبعيد ...بعيد عن الناس والمشاكل

بس تكتشف انه صعب ..صعب تبعد ..صعب تسافر

لان لسه في ناس بتحبهم وما ينفعش تبعد عنهم لانهم محتاجينلك

تقف قدام نفسك وتبتسم وتقولها "صعب نبعد ..ميعادنا في الاحلام ...ها استناكي كل يوم"

انت اروع شخص في حياتك
--------------------

وداعا

وداعا أيها الحلم الجميل

وداعا في طريق المستحيل

ربما يجمعنا الدهر يوما

في ذلك الزمن البعيد

عندما تغيب الالوان جميعها

وتصبح أنت اللون الوحيد

مشاعر حزينه

جوايا كل مشاعر الدنيا الحزينه

قلبي الصغير اتجرح

والعين بتبكي بئالها ييجي سنين طويله

حلمي اللي كان جوايا وبين ايديا اتسرق

وانا وحدي عايشه في دنيتي ويا مشاعري وأزمتي

واحساس قريب بأني ها اوصل للنهايه

تاهت مني بهجتي وراحت مني ضحكتي

بحلم بيوم ييجي ويكون معاه الهدايه

وترجعلي تاني الابتسامه

قلوب مليانه خير

في حياتنا بنقابل ناس كتيير
بنتعرف عليهم وبيتعرفوا علينا
وبنرسملهم في عقلنا وقلبنا صورة
صورة حلوة ...صورة وحشه
مش كفاية إننا نعرف الناس
المهم إن تحصل بينا مواقف
تبين كل واحد للتاني
وزي مابيقولوا:الظروف لاتغير الناس إنها فقط تظهرهم علي حقيقتهم
المؤلم ان حقيقتهم دي تطلع غير الصورة اللي رسمتها عنهم
خصوصا لما تكون الصورة حلوة
وتبدأ تتعرف عليهم من جديد بس المرادي بتتعرف عليهم بينك وبين نفسك ومن خلال المواقف
وتقع الاقنعه من علي الوجوه
بس رغم سوء التقدير اللي بنشوفه من الناس اللي بنتعرف عليهم
مش هانبطل نتعرف علي ناس تانيه وتالته ورابعة
يمكن نقابل ناس لسه جواها خير
لان فعلا في ناس لسه قلوبها مليانه حب وخير وصدق
وزي ما احنا بندور علي الناس دول
لازم نكون من الناس دول
وجوانا قلوب مليانه خير

اوقات صعبه

لما بيحصلنا مكروه
ومشكله في حياتنا
أو الم و وجع يعرف طريقه لقلبك
ردود أفعالنا بتختلف
تجاه الوجع والألم
واسئله كتيير تدور في خيالنا
وخوف كبيير بيظهر في أحلامنا
وتبدأ تسأل نفسك هو اللي حصلي دا عقاب من ربنا
يارب إن ذنوبي اليوم قد عظمت
تبدأ ترجع لربنا من تاني
وتدعيه انه يرضي عنك
ويحبك
ومش مهم الوجع والألم اللي في قلبك بدال هو راضي عنك
وان قلبك مستعد يشيل وجع الدنيا كله بس شرطه ان ربنا يرضي عنه
تبدأ تتوب لربنا وتستغفره
وتبكي كأنك اول مرة تبكي
واحساس جديد ومختلف بيعرف طريقه لقلبك
وتبدأ تعيش بطريقه مختلفة
وتتكلم بطريقه مختلفة
وتضحك وتزعل و......
بشكل مختلف
وتنسي وجعك وفي نفس الوقت تفتكره
وتقرب من الناس مع انك بتبعد عنهم
وتدرك في النهاية انك بتعيش أوقات صعبه
أوقات صعبه رجعت فيها لربنا
أوقات صعبه قلبك فيها رجع ينبض لله
أوقات صعبه خليت حياتك كلها لله
علشان كدا أنت مش عاوز تنسي الأوقات الصعبة دي
ولا عاوزها تنتهي
علشان تفضل مع ربنا
تفضل محتاج له

حياتي كلها لله

حياتي كلها لله
فلا مولي لنا الاه
أحب الله جل علاه ومن حبي له أخشاه
حياتي كلها لله

أصون النفس احميها
بنور الله اهديها
بحب الله اسقيها لتفرح عندما تلقاه
حياتي كلها لله
حياتي كلها لله

حياتي كلها لله
فلا مولي لنا الاه
أحب الله جل علاه ومن حبي له أخشاه
حياتي كلها لله

إذا ما الحب لم يسمي فؤاد المؤمن الصلب
فوا أسفاه علي القلب لان الزيف قد غشاه
حياااااااااااااااتي كلها لله
حياتي كلها لله
فلا مولي لنا الاه
أحب الله جل علاه ومن حبي له أخشاه
حياتي كلها لله

يقيني بين جنبيا واسعي بالهدي سعيا
كفاني أنني أحيا وامضي في سبيل الله
حياتي كلها لله
حياتي كلها لله

إذا جاءت ليا الدنيا واسقتني المنا ليا
ستبقي بين كفيا ويبقي خافقي لله
حياتي كلها لله

حياتي كلها لله
فلا مولي لنا الاه
أحب الله جل علاه ومن حبي له أخشاه
حياتي كلها لله

حلم قلب

قلب مجروح
وبيداري وجعه
مش عاوز حد يعرف ولا يحس ولايشوف ألمه
ليقينه بأنه "قد يري الناس الجرح الذي في رأسك ولكنهم لن يشعروا بالألم الذي تعانيه"
مابئاش له في الدنيا غير ربنا
ومابيتمناش غير حب ربنا
يدعي في الليل ويقول يارب
ارزقني الإخلاص
قلب خلاص
ندم علي ذنوبه
الجرح اللي جواه
رجعه لله
قلب لسه جواه خير
حلمه في الحياة
انه يكون" قلب ينبض لله"

انت كنز

حينما يتحدث الاخرون عن انفسهم ..حياتهم ..انجازاتهم ونجاحاتهم ..

.ماضيهم وذكرياتهم ..احبابهم واعدائهم ...افراحهم واحزانهم..

فلا تقاطعهم فقط استمع اليهم ..استمع اليهم بشوق ...

ولاتحكي لهم عن انجازاتك بينما هم يتحدثون عن انجازاتهم

ولاتتباهي بنفسك امامهم بل اشعرهم ان مافي حياتهم يهمك لذلك انت الان معهم تستمع اليهم

وعندما تتركهم وتقابلهم مره اخري ستجدهم فرحين بك كأنما يبحثون عنك

وانت لهم فرصه حان موعدها حينما التقوا بك

فهم يريدون ان يحكوا لك كثيرا كما حكوا لك من قبل

وشعروا براحه كبيره

كن للاخرين كنز حتي يحافظوا عليك

وحتي تصبح كنزا فريدا

استمع اليهم جيدا

واعطهم فرصه

كي يخرجوا مابعقولهم وقلوبهم

انك تكتشف فجأه ان الألم اللي في قلبك لسه موجود
وانك مانسيتهوش زى ماكنت متصور
وتبدأ تفكر في نفسك وتندهش أزاي طول الوقت دا مش قادر ومش عارف تنسي؟ رغم محاولات كتير جدا منك بالنسيان
بيقولوا ان الظروف لاتغير الناس إنها فقط تظهرهم علي حقيقتهم
يعني لما بتحصلك حاجه مؤلمة أو مصيبة أو لما بتقع بتبدأ تعرف مين بيحبك بجد ومين مابيحبكش
مين بيقف جمبك ومين بيساعدك
ومين كان بيعرفك لمصلحته هو
وكمان بتعرف وضعك ومكانتك عند اللي حواليك
دا كله مش مهم خصوصا لما ماتكونش منتظر حاجه من حد
وهي دي المشكلة
إننا دايما منتظرين حاجات كتيراوي من الآخرين
المهم انك في حزنك ووجعك بتتعرف علي نفسك وتكتشف حاجات كتير جواك ماكونتش متصور إنها تكون عندك
تكتشف مثلا انك إنسان بتميل للوحده رغم اقتناعك بانك اجتماعي
وانك حساس وبتتأثر بأقل كلمة بتسمعها
وانك شخصيه بتميل للحزن
وبعد مابتتعرف علي الناس وعلي نفسك
تفتكر انه مهما حاولت مش هاتقدر تنسي
وان دا قدرك ونصيبك
لكن حتي لو مانسيتش لازم تقول الحمد لله
وتشكر الوجع والالم اللي خلاك تقول" الحمد لله"

قمة الرومانسيه

ان يصفك احد بالرومانسي فقد اطربك واسعدك

ذلك انه يريد ان يقول لك ان هناك احاسيس متدفقه بداخلك

وان قلبك رقيق به مشاعر فياضه ومتوهجه

واول مايتبادر لاذهاننا حين نسمع كلمة الرومانسيه ان هناك حب بينها وبينه

وترسخ لدينا بأن الرومانسيه تكون بين المحبين

ولكننا لو فكرنا مليا لماذا لانسمع هذه الكلمه الا في حالات الحب والعشق

سنجد ان ذلك سببه هو ان المحبين يغالون في كل شيء فالحب اعمي وانتم جميعا تعرفون

تري الحبيب يبالغ في وصف حبيبته

وهي تبالغ في وصف مشاعرها تجاهه

المعني الحقيقي للرومانسيه:هي المغالاة أو الزياده في مشاعرنا تجاه الاخرين وتجاه الاشياء والاحداث التي تمر بنا

انت انسان رومانسي تعني انك حساس

حينما تري الجميل في اشياء قبيحه فأنت رومانسي

حينما تعيش حالة من الود والنقاء مع نفسك وانت مهموم وحزين فانت رومانسي

حينما تستقبل نسمة الهواء المنعشه وتفتح لها قلبك وصدرك فانت رومانسي

حينما تحب الاخرين وتسامحهم فانت رومانسي

حينما تتقرب الي الله وتطلب عفوه ورضاه فانت رومانسي

حينما تبتسم في وجه اخيك فانت رومانسي

واخيرا حينما تصادق نفسك وتزكيها بذكر الله فقد بلغت قمة الرومانسيه

شوفت بئي!!!

otv قناة otv الفضائيه المصريه بييجي عليها برنامج اسمه عيون
كنت بقلب في القنوات ولائيت البرنامج دا شغال
وكانوا بيتكلموا عن فندق للكلاب وان الفندق دا مش نجمه واحده ولا نجمتين ولا 3 نجمات دول 5 نجمات زي ماقال مذيع الحلقه
واو!!!
ووضحوا ازاي الكلاب بتلائي عنايه فائقه في النضافه والاستحمام والترفيه
وجابوا صورة شاب _زي الورد_ بيحمي الكلب
ياي!!
وشرحوا ازاي ماء الاستحمام دا فريد من نوعه لانه بيحتوي علي
عطور ومواد بتحمي الكلب من الجراثيم والميكروبات
حاجه لطيفه جدا!!!
وبعدين الشاب اللي كان بيحمي الكلب
كان بيتكلم عن الخدمات الطبيه الفظيعه اللي بتلائيها الكلاب في الفندق
وان في دكتور علي اتصال دائم بالفندق للاطمئنان علي صحة الكلاب
دا كله وانا لسه ما اعرفش الفندق دا فين _في أي بلد يعني_
وزي ما توقعت طلع في مصر
للاسف الشديد!!
الحاجه الحلوة جدا ان في اخر البرنامج تلائي المذيع يقولك وبينصحك
لو عاوز الكلب بتاعك يكون في عناية وايدين تطمن وهو معاهم
يبئي لازم توديه الفندق دا

كان علي عيني بس انا ما عنديش كلاب
بس كويس انك عرفتني علشان بعد كدا

في اخر الحلقه وجملة البرنامج المشهورة تلائي صوت عريض يقول بتهكم

شوفت بئي

فرصة أخيرة

كان يحبها حبا كثيرا ولا يتصور حياته بدونها
ولكنها سافرت بعيدا وتركته يعاني جراح الهوي
تصور أنها كانت هي الاخري تحبه
واستيقظ علي واقع غير مؤلم إلا بالنسبة له فقد كان الألم كله
كلماتها نظراتها ..كل شيء عندها كان يقول أنها تحبه
لكنه أدرك مؤخرا انه الوهم ولا شيء غير الوهم الذي صور له ذلك الحب اللاموجود
قرر أن ينسي أو يتناسى
اعتزل هو وقلبه ذلك النوع من الحب
قلبه الذي أغلق أبوابه أمام هذا النوع من المشاعر
تلك المشاعر التي تكون بين رجل وأمراه
وقضوا فترة من الزمن تخيلوا فيها أنهم ناعمين بسعادة بالغه لم ينعم بها غيرهم
حتى كان ذلك اليوم
حينما رآها
تعلقت عينيه بها وشعر بقلبه يفتح كل الأبواب ألمغلقه...
حينها فقط أدرك انه لم ينساها ولن يستطيع
لأنه اعتزل هذا النوع من الحب مع جميع النساء إلا هي
قرر الايحب غيرها ولكنه لم يكن يدري حقيقة قراره
ونظر في يديها قبل أن تختفي فعرف أنها لم ترتبط بعد
طار قلبه من السعادة وتبسم وقال لنفسه
لازالت هناك فرصه أخيرة

وحدي

هو صحيح قلب بينبض لله وبيحلم يعيش حياته كلها يدق ويحيا لربنا

بس القلب شايل حزن والم والعين بتبكي لو حتي من غير دموع

والدنيا بتفضي من حواليا

مش علشان في ناس بعدت وسابتني

ولا علشان ناس سافرت بعيد بعيد اوي ومش راجعة تاني

كلهم موجودين حواليا وجمبي

بس القلب حاسس بوحده

مش زعلان علشان وحيد ... علشان دي بئيت امنيه وحلم بالنسباله

علشان ما بئاش يحس بنفسه وبوجوده وهو معاهم

وعلشان الالم اللي جواه منهم

بس رغم كدا لسه في اشخاص بيحبهم وعاوز يفضل جمبهم

ومهما كان القلب مش هايبئي وحيد

لان برده لسه في ناس عاوزينه جمبهم

ودا في حد ذاته شيء جميل

بس ما اقدرش اقول ان حلمه انه يكون وحيد هايتنسي

لا هايفضل جواه بس مش هايمنعه من انه يعيش ويتنفس الحياه

لان ببساطة شديده"نحن نعيش حياة واحده فقط فلتكن أفضل وأعظم حياة ممكنه"

الميه والهوا

ليلي مراد كانت بتغني وتقول"بحب اتنين سوا الميه والهوا"
وبصراحة عندها حق
بس أنا لومكانها كنت حطيت كلمة بعشق وبدوب جمب كلمة حبيت
يعني أقول"بعشق وبحب وادوب في الميه والهوا"
أجمل حاجه في الدنيا دي الميه والهوا
واللي فعلا أنا بتمناهم من ربنا
ما اكرهش في حياتي أد الجو الحر الرطب اللي مفيهوش نسمة هوا
ومفيش حاجه بدايئني وتنرفزني أد ما أكون في مكان مفيهوش ميه وأنا عطشانة
في حوار غريب بيكون بيني وبين نسمة الهوا الباردة اللي بتلمسني
بحس انها بتداعبني
عارف يعني ايه تكون مدايء وزعلان وجواك هم الدنيا كله
وفجأة تلائي نسمة هوا منعشة تزغزك
ساعتها بس بحس ان ربنا بيحبني وببتسم وبكل رضا بقول "الحمد لله"
منتهي الرومانسيه اللي في الدنيا بتكون بيني وبينها
احساس رائع بينتابني
الميه بئي دي حاجه تانيه
لما بعطش وعطش جامد وربنا يرزقني بكوبايه ميه
واروي عطشي وبكل الرضا والحب والفرح أقول "الحمد لله"

وياسلام علي منظر الميه

منظرها بس ...سواء كانت بحر ,نهر ,ترعه

نازله من الحنفيه ..لو حتي كانت في كوبايه

العين مابتعرفش ترمش علشان ماتضيعش ثانيه واحده من جمال المنظر

ياااااااااااه

الحمد لله يارب
يوم القيامة لو نفتكر ربنا بيمنع عنا الحاجتين دول
الشمس بتقترب من العباد والجو بيبئي حر أوي وكل واحد بيعرق علي أد عمله الصالح
يعني اللي هايعرق كتيير عمله الصالح هايكون قليل
والميه بتتمنع والناس بتعطش وبتعطش جامد
والمسيخ الدجال هايلف علي الناس بميه و
اللي هايكفر هايشربه بس دا طبعا مش صحيح
اقصد اقول إنهم هايتمنعوا عنا يوم القيامه
ومش هايلائيهم غير اللي عمله صالح واللي اخلص النية لله

حياة واحده

نحن نعيش حياة واحده فقط فلتكن أفضل وأعظم وأجمل حياة ممكنه
دي جمله قريتها في نهاية رسالة كانت جايلي علي الايميل
وحسيت بإحساس غريب ساعتها
إحساس كله أمل وتحدي وإصرار
رغم إن الجملة في حد ذاتها ممكن ماتكونش بقوة الإحساس دا
الغريبة فعلا ان لائيت نفسي بقولها كتيير في كلامي مع أصحابي والناس اللي بيواجهوا مشاكل في حياتهم
وماكنتش حاسة إني بقول كلام انشاء وتعبير
كنت بحس ان الإحساس اللي جوايا بيوصلهم وأنا بقولهم الجملة دي
لحد ما حصلتلي ظروف مؤلمة جدا علي المستوي الشخصي
حاجه كدا بتمس حلمك وبتهده
ومش حلمك بي دا نفسك وروحك ووجدانك
التفاصيل مش مهم أد ما مهم إن ساعتها صغرت الدنيا أوي في عنيا ومابئاش في حاجه بتفرق معايا
ولائيت نفسي بفتكر الجملة دي وحاجه كدا زى نسمة هوا برده بتملا كياني
ورغم ان الدنيا لسه صغيرة في عنيا_لأنها كدا فعلا_إلا ان دا ما يمنعش إن حياتنا لازم تكون أفضل حياة ممكنه
وحتة أفضل دي هاتختلف من شخص للتاني
واحد عاوز حياته أفضل من ناحية العلم والتاني من ناحية الفلوس وتاني من ناحية ربنا _ودا المفروض_
بس أنا بئي عاوزة حياتي تكون أفضل في كل حاجه _والناس كلها_
تكون أفضل في الدين و العلم والأخلاق وعلاقاتي مع الناس و.........
وعشان دا يحصل لازم افتكر باستمرار ان ربنا شايفني في كل حاجه بعملها
يعني اعامل ربنا في كل حاجهوالنتيجة لازم تكون حياة أفضل

صوتي راح

استيقظت في الصباح الباكر وألم شديد في حلقي لعله برد ....سأصلي أولا ثم أتناول مسكن وأنا أصلي ...

الألم يزيد مع كل تكبيره ومع كل سجود

وما أن سلمت حتى صرخت صرخة مدوية لعلها قطعت أحبال صوتي

استيقظ الجميع جاءوني مسرعين وأنا أصرخ وأتألم خلال ساعة كنت في المستشفي

الطبيب:التهاب شديد في الاحبال الصوتية لابد من إجراء عمليه فورا

بعد العملية...الطبيب:الحمد لله نجحت العملية سيفيق غدا ونبدأ معه رحلة العلاج

لكن غدا أبى أن يأتي كما يتمناه الطبيب وأهلي وأنا شخصيا

أفقت من البنج ومن حولي ينظرون الي بترقب ينتظرون أن أتكلم وقد هممت بالكلام ولكني فشلت ...صوتي يرفض أن يغادرني يريد أن يظل في قلبي وصدري ....وقتها فقط تيقنت أن "صوتي راح"

أصابتني المفاجأة خفت من الانهيار الداخلي ..خفت ألا أصبر ويتمكن الشيطان مني وأيأس من رحمة الله

دعوت الله"اللهم أفرغ علينا صبرا وألحقنا بالمسلمين"بينما كنت أحدث نفسي ومن الواضح أني سأحدثها كثيرا_

كان الطبيب يخرج كل من في الغرفه ليري بنفسه ماذا حدث؟ أستدعي باقي الأطباء . ظلوا يتحدثون ويتشاورون ولكنهم لم يصلوا لشيء وأنا لا اباليهم"صوتي راح" ولن يعوديارب اللهم افرغ علينا صبرا ألحقنا بالمسلمينحل الليل سريعا...غادر الجميع بقيت وحدي استرجع كلامي كله أتذكر في ماذا كنت أتكلم بماذا كان ينطق لساني

يا للهول غير معقول ....يارب سامحني

اتعرفون ماذا وجدت؟أني كنت اغتاب الناس أقول حديثا كذبا واردد الأغاني وان لم افعل هذا كله يكون حديثي لغوا كلاما لامعني

له تذكرت الايه الكريمة التي تقول في وصف المؤمنين"والذين هم عن اللغو معرضين"حتى وان كان كلامي ليس في معصية الله فلم يكن في طاعته

ألم اذكر الله كثيرا؟

بلي ولكن ليس كثيرا لكن الآن "صوتي راح" ولن أتكلم ثانية ولن اعصي الله مره أخرى

أنا اعلم أن أعضاء الجسم كله تقول للسان "اتق الله فينا" والان لساني رغم عنه سيتقي الله الحمد لله أن ما حصل لي سيمنعني عن المعاصي أنا في قمة الخجل من الله ماذا لو لم يحصل لي هذا اكنت استمر فيما افعله؟

وبينما أنا كذلك غلبني النوم استيقظت باكرا جدا توضأت وصليت ركعتين شكرا لله

وجلست أقرا قران وحاله من الصمت والهدوء النفسي تعتريني_ الحمد لله_ وكأني فقدت سمعي وليس صوتي اشعر

وكأني اجلس أمام البحر والسماء فوقي صافيه زرقاء تحلق فيها الطيور وتغرد ونسمة هواء باردة لطيفه تداعبني تسليني

وأنا ابتسم للأمواج التي ترحب بي وتقول:نريد أن نراك هنا كل يومأجبتها بالطبع ساكون هنا كل يوم لان "صوتي راح"

جاء أبى وامي واخوتي والدموع في أعينهم وقبل أن يتكلموا محاولين تخفيف حزني

أتيت بورقه وقلم وكتبت فيها

" لا أريد أن يحزن أحدا من اجلي ومن لم يستطع فليذهب بحزنه بعيدا عني ..أنا لا أريد ضوضاء وبكاء ..أريد فقط أن تعيشوا معي وكأن شيئا لم يكن"وسلمتها لأبى

تركنا المستشفي ووصلنا بيتناالكل تصور أنى سأدخل غرفتي وابقي وحدي

ولكني توجهت للحديقة وعدت لمنظر البحر الجميل

جاءتني نسمة الهواء اللطيفه تداعبني ثانية وتقول:أنالا أريد ان اداعب غيرك فلا تتركنا ثانية

قلت لها وانا انظر للامواج التي كانت هي الاخري مشتاقه لي

"لن اغيب عنكما مره ثانيه وساظل هنا طويلا لان "صوتي راح"

من قلب الوجع والدموع

كان ينظر إلي السماء شارد الذهن هكذا كان يبدو ولكن عينيه كانت تقول كلاما كثرا

كلاما لمن؟

لله الذي لم يعد يري غيره في هذه الحياة

شعر بيد علي كتفه وصوت يقول: هيا بنا فلازال أمامنا الكثير والكثير

نظر إليه بعينين لامعتين يملؤهما كل مشاعر الدنيا مجتمعه من فرح وحزن وألم وسعادة ورجاء و...و...و...و....

ثم أخد نفسا عميقا ونظر إلي السماء مرة أخري وقال بصوت خافض:اللهم إن لم يكن بك غضب علي فلا أبالي


انطلق هو وصاحبه إلي هناك حيث لم يبقي غير أيام قليله ويتم افتتاح ورشتهم الصغيرة
ورشه للأشغال الفنية والتحف والزخارف واللوحات حيث فرصه جيده ومناسبة للطاقات والمواهب أن تخرج للنور وللناس

أخذوا يجهزون كل شيء حتي تكون الورشة في احلي زينه يوم الافتتاح

وابتسامه علي وجهه لا تفارقه يقابل بها الجميع ولكنها ابتسامه تحاول أن تخفي حزنا وألما في قلبه
لكن أحدا لم ينتبه ولن ينتبه وهذا ما يريد وما تحقق له

اليوم يوم الافتتاح كل شيء علي ما يرام إلا....
ماهذا؟
يا سبحان الله
من رسم هذه اللوحة الجميلة
من هذا الفنان الرقيق الموهوب

لم يستطع صاحبه أن يرد علي تساؤلات الزوار لأنه لم يعلم من أين أتت واخذ يبحث عن صاحبه لعل عنده جواب

من أين أتيت بهذه اللوحة الجميلة الجميع يتساءلون؟

هو : من قلب الوجع والدموع