شاب في أوائل الثلاثينات حاصل علي دكتوراه في الأمراض النفسية والعصبية
رغم معارضة أهلي دخولي القسم دا.......هما شايفين إن التخصص دا ما بيأكلش عيش في مصر
كانوا عاوزني اتخصص باطنة ...جراحة ...قلب ...رمد.
إنما أمراض نفسية دي مالهاش مجال
الناس في مصر بيتكسفوا يروحوا لدكتور نفساني وحتي لو راحوا مابيقولوش
بس انا دخلت كلية الطب مخصوص وانا عيني علي القسم دا
دا كان شرطي الوحيد لدخول الطب
لأن ميولي كانت أدبية بحب الأدب والتاريخ والشعر والكتابة وكنت عاوز أتخصص أدبي في ثانوية عامة علشان ادخل آداب علم نفس واجتماع كنت مهووس بحاجة اسمها علم نفس احلل شخصيات اللي قدامي واعرف مشاكلهم واحلهالهم
وطبعا الرفض كان موقف والدي ووالدتي وكمان أخواتي
كانوا مستخسرني في أدبي
فوافقت وقولتلهم لو ربنا كرمني وجيبت مجموع طب ها اتخصص نفسية وعصبية
ودا كان شرطي معاهم ووافقوني
بس لما جت سنة التخصص رفضوا وعرفت انهم وقتها كانوا بياخدوني علي اد عقلي
لاااااااا المرادي انا مش ها اوافقهم ولازم اتخصص الحاجة اللي بحبها وحصل فعلا.
وانا كنت بستفيض في المجال دا وقرائتي كانت متعددة في الطب النفسي
وجاتلي منحة وسافرت احضر ماجيستير ودكتوراة
عارف لما تكون بتعمل حاجة بتحبها بتحس بسعادة مالهاش حدود
وتبئي عايش حياتك مستمتع بكل حاجة حتي بالنفس اللي بتستنشقه
ورجعت مصر تاني وكانت الصدمة .......
مفيش فرص شغل متاحة في المستشفيات المعروفة في المجال دا
يبئي لازم افتح عيادة ....
بس العيادة عاوزالها وقت علشان تشتغل وبعدين ماشي ها افتح عيادة ماقولتش حاجة بس برده لازم اشتغل في مستشفي مع العيادة
وفضلت فترة ادور علي شغل في مستشفي خاص لحد ما الحمدلله جاتلي الفرصة
مستشفي خاص في الأمراض النفسية والعصبية في احدي المدن الجديدة اللي قريبة نوعا ما من القاهرة
بس ايه ..مستشفي جامدة جدا كل مرضاها مستويات عالية
انتظمت في الشغل وأول 4 شهور كانت الدنيا عادي جدا والجو هادي والأمراض النفسية اللي بعالجها مألوفة بالنسبالي
لحد مافي يوم جت المستشفي مريضة فاقدة للنطق
وسرحانة...ذهنها شارد ومش حاسة بأي حد حواليها... وبتعيط علي طول
مابتعملش حاجة اكتر من كدا
كانت متجوزة وجوزها جه المكتب وقعد معايا
ودار بينا الحوار دا
انا:من امتي وهي في الحالة دي؟
جوزها:يومين بالظبط
انا:طيب ليه ؟انت مزعلها في حاجة؟
جوزها: لا خالص....احنا الحمدلله كويسين مع بعض ومفيش أي مشاكل
انا رجعت من الشغل لائيتها قاعدة بتعيط وذهنها شارد بقولها مالك مابصلتيش حتي ولاانتبهت ليا
كلمتها تاني وتالت ورابع وهي ولا كأني بتكلم مفيش أي رد فعل قلقلت جدا
وكلمت والدتها جت وحاولت تتكلم معاها برده مفيش فايدة
اخواتها حاولوا معاها وأخواتي والعيلة كلها مفيش فايدة
هي مابتاكلش ولا بتشرب مابتبديش أي حركة ولا أي رد فعل
فنقلناها المستشفي هنا
انا: وانتوا متجوزين بئالكوا اد ايه
هو:تقريبا سنة ...عيد جوازنا آخر الشهر الجاي
انا:هي بتشتغل؟
هو: اه بتشتغل مدرسة جغرافيا في مدرسة ثانوي خاص بس واخدة أجازة بقالها كام شهر
انا: طيب هي من يوم ماجاتلها الحالة دي بتنام كام ساعة
هو: تقريبا 8 ساعات بس مواعيد النوم عندها اختلفت يعني هي بتنام علي الفجر كدا وبتصحي علي الضهر
انا: طيب بتتحرك في البيت عادي
هو: اه هي بتتحرك وبتمشي وبتخرج تقف في البلكونة بس زي ماتكون تايهة وسرحانة زي ماتكون في دنيا تانية غير دنيتنا ومش حاسة بأي حد حواليها ولا بيا ولا بوالدتها اللي باتت معانا في اليومين دول علشان تخلي بالها منها
أنا:إن شاء الله يا بشمهندس قبل عيد جوازكوا تكون رجعت تتكلم تاني
بس ياريت تملي الأستمارة دي ..
معلومات خاصة عن المريض
هو:ما احنا ماليناها تحت في الاستقبال
انا:لاء دي علشان المستشفي انما الاستمارة دي علشاني أنا علشان اقدر أتابعها
دي معلومات عن المريض
هواياته..الأكلات المفضلة...حاجات بيحبها حاجات بيكرهها
ودا اسلوب علاج اتعلمته بره
انك بتطلب من الناس القريبين من المريض انهم يجاوبوا عن بعض الأسئله عنه علشان تعرف مدي قربهم منه فتقدر تعرف مين فيهم تقدر تعتمد عليه في رحلة علاجك
كان جوزها متأثر جدا باللي حصل لمراته بس انا طمنته
جوزها كان مهندس مدني صاحب مكتب استشاري في وسط البلد
طويل القامة.... ابيض اللون وجبهته عريضة.
شعره اسود زي لون عينيه لاناعم ولا خشن ...عينيه سودا وضيقة
.كان لابس بدلة زرقاء غامقة واضح انه بيحب اللبس الكلاسيك ..
.جسمه مليان حبتين يعني اقرب مايكون للتخن هو كمان كان في بداية الثلاثينات
وطبعا ماكانش ينفع اكتفي بسؤاله كان لازم أسأل والدتها وأخواتها
وطلبت يقابلوني بعد ماجوزها مشي
..ماكنتش عاوز المقابلة تتم في وجوده علشان لو في حاجة يتكلموا علي راحتهم
وفعلا قعدت معاهم
والدتها كانت بتبكي وقالتلي:
بنتي هاتضيع مني يادكتور النهاردا تالت يوم وهي ماأكلتش حاجة خالص خايفة يجرالها حاجة
انا: اطمني ان شاء الله بنتك هاتكون كويسة بس قوليلي هو في مشاكل بينها وبين جوزها بيعاملها وحش مثلا
هي: لا خالص دول بيحبوا بعض وهو بيعاملها كويس جدا وماشوفناش منه أي حاجة وحشة وعمرها ما اشتكيت منه خالص
انا: ما يمكن ما بتحبش تقول وتحكي وهو فعلا بيعاملها وحش
بنتي لو في حاجة ها تقول وتحكي هي: لا لا يا دكتور كان هايبان برده وبعدين
رديت أختها وقالت:
يادكتور كل بنات العيلة بيحسدوا اختي علي جوزها ونفسهم يتجوزوا حد زيه...
انا: طيب قبل ما تفقد النطق إيه اللي حصل بالظبط
امها:
قبلها بيوم كانت جاية تزورني وقضيت اليوم معانا هي وجوزها وكلنا كنا بنضحك وبنهزر مفيش حاجة حصلت انا ها اتجنن يادكتور بنتي يادكتور هاتموت مني
وواصلت بكائها
والدتها كانت سيدة في أوائل الخمسينات .
.أنيقة ممتلئة بعض الشيء ...مديرة قطاع في احدي الهيئات الحكومية
وأختها لازالت طالبة في أحدي الجامعات الخاصة
وطلبت من والدتها واختها يملوا نفس الاستمارة اللي ملاها جوزها
انصرف الجميع وحل الليل وانا في حيرة من أمري
ذهبت الي غرفة المريضة
طبعا قاعدة سرحانة بس مابتعيطش
حاولت اتكلم معاها
ازيك ؟ اسمك ايه
ايه خير مين زعلك
وطبعا مفيش أي رد فعل ورجعت الدموع تنزل من عينيها تاني
عندها 27 سنة .....متوسطة الطول...رشيقة
بشرتها خمرية اللون... كانت لابسة فستان فيروزي مقلم
عيونها بنية.تعلوها رموش كثيفة وطويلة..
ملامحها دقيقة وهادية
وخرجت من الأوضة وانا في دماغي مليون علامة استفهام
بس كنت عاوز اتأكد من حاجة
لفيت علي باقي المرضي وتابعتهم
ورجعتلها تاني ....
لائيتها قاعدة سرحانة ومابتعيطش
رجعت افتح كلام تاني معاها بهزار
المستشفي نورت بيكي بس احنا مش عاوزينك تطولي معانا هنا يابخت من زار وخفف
طبعا انا كنت بهزر معاها...
علي فكرة اهم حاجة في معاملتك للمريض النفسي انك تتعامل معاه بطريقة مرحة ومفيهاش ضغط او شد تعامله كأنه انسان طبيعي .
..دا من طرق العلاج الحديثة
وبعدين لو ثبت انه مش انسان طبيعي تبدأ تغير المعاملة معاه واحدة واحدة لحد ماتوصل للطريقة المثلي في التعامل معاه بس البداية في التعامل انك تعتبره انسان طبيعي
المهم .........طبعا هي ما ابديتش أي رد فعل ورجعت عيطت تاني
يبئي اللي توقعته لائيته
هي طول ماهي لوحدها بتطل عياط ولما أي حد بيكلمها ترجع تبكي تاني
طيب ليه ؟ ايه اللي في كلام الناس وأصواتهم يخليها تبكي كدا؟
ياتري ايه اللي حصل خلاها تفقد النطق اذا كانت سعيدة مع جوزها وسعيدة مع اهلها
في سر ورا الموضوع دا وانا لازم اعرفه...
رغم معارضة أهلي دخولي القسم دا.......هما شايفين إن التخصص دا ما بيأكلش عيش في مصر
كانوا عاوزني اتخصص باطنة ...جراحة ...قلب ...رمد.
إنما أمراض نفسية دي مالهاش مجال
الناس في مصر بيتكسفوا يروحوا لدكتور نفساني وحتي لو راحوا مابيقولوش
بس انا دخلت كلية الطب مخصوص وانا عيني علي القسم دا
دا كان شرطي الوحيد لدخول الطب
لأن ميولي كانت أدبية بحب الأدب والتاريخ والشعر والكتابة وكنت عاوز أتخصص أدبي في ثانوية عامة علشان ادخل آداب علم نفس واجتماع كنت مهووس بحاجة اسمها علم نفس احلل شخصيات اللي قدامي واعرف مشاكلهم واحلهالهم
وطبعا الرفض كان موقف والدي ووالدتي وكمان أخواتي
كانوا مستخسرني في أدبي
فوافقت وقولتلهم لو ربنا كرمني وجيبت مجموع طب ها اتخصص نفسية وعصبية
ودا كان شرطي معاهم ووافقوني
بس لما جت سنة التخصص رفضوا وعرفت انهم وقتها كانوا بياخدوني علي اد عقلي
لاااااااا المرادي انا مش ها اوافقهم ولازم اتخصص الحاجة اللي بحبها وحصل فعلا.
وانا كنت بستفيض في المجال دا وقرائتي كانت متعددة في الطب النفسي
وجاتلي منحة وسافرت احضر ماجيستير ودكتوراة
عارف لما تكون بتعمل حاجة بتحبها بتحس بسعادة مالهاش حدود
وتبئي عايش حياتك مستمتع بكل حاجة حتي بالنفس اللي بتستنشقه
ورجعت مصر تاني وكانت الصدمة .......
مفيش فرص شغل متاحة في المستشفيات المعروفة في المجال دا
يبئي لازم افتح عيادة ....
بس العيادة عاوزالها وقت علشان تشتغل وبعدين ماشي ها افتح عيادة ماقولتش حاجة بس برده لازم اشتغل في مستشفي مع العيادة
وفضلت فترة ادور علي شغل في مستشفي خاص لحد ما الحمدلله جاتلي الفرصة
مستشفي خاص في الأمراض النفسية والعصبية في احدي المدن الجديدة اللي قريبة نوعا ما من القاهرة
بس ايه ..مستشفي جامدة جدا كل مرضاها مستويات عالية
انتظمت في الشغل وأول 4 شهور كانت الدنيا عادي جدا والجو هادي والأمراض النفسية اللي بعالجها مألوفة بالنسبالي
لحد مافي يوم جت المستشفي مريضة فاقدة للنطق
وسرحانة...ذهنها شارد ومش حاسة بأي حد حواليها... وبتعيط علي طول
مابتعملش حاجة اكتر من كدا
كانت متجوزة وجوزها جه المكتب وقعد معايا
ودار بينا الحوار دا
انا:من امتي وهي في الحالة دي؟
جوزها:يومين بالظبط
انا:طيب ليه ؟انت مزعلها في حاجة؟
جوزها: لا خالص....احنا الحمدلله كويسين مع بعض ومفيش أي مشاكل
انا رجعت من الشغل لائيتها قاعدة بتعيط وذهنها شارد بقولها مالك مابصلتيش حتي ولاانتبهت ليا
كلمتها تاني وتالت ورابع وهي ولا كأني بتكلم مفيش أي رد فعل قلقلت جدا
وكلمت والدتها جت وحاولت تتكلم معاها برده مفيش فايدة
اخواتها حاولوا معاها وأخواتي والعيلة كلها مفيش فايدة
هي مابتاكلش ولا بتشرب مابتبديش أي حركة ولا أي رد فعل
فنقلناها المستشفي هنا
انا: وانتوا متجوزين بئالكوا اد ايه
هو:تقريبا سنة ...عيد جوازنا آخر الشهر الجاي
انا:هي بتشتغل؟
هو: اه بتشتغل مدرسة جغرافيا في مدرسة ثانوي خاص بس واخدة أجازة بقالها كام شهر
انا: طيب هي من يوم ماجاتلها الحالة دي بتنام كام ساعة
هو: تقريبا 8 ساعات بس مواعيد النوم عندها اختلفت يعني هي بتنام علي الفجر كدا وبتصحي علي الضهر
انا: طيب بتتحرك في البيت عادي
هو: اه هي بتتحرك وبتمشي وبتخرج تقف في البلكونة بس زي ماتكون تايهة وسرحانة زي ماتكون في دنيا تانية غير دنيتنا ومش حاسة بأي حد حواليها ولا بيا ولا بوالدتها اللي باتت معانا في اليومين دول علشان تخلي بالها منها
أنا:إن شاء الله يا بشمهندس قبل عيد جوازكوا تكون رجعت تتكلم تاني
بس ياريت تملي الأستمارة دي ..
معلومات خاصة عن المريض
هو:ما احنا ماليناها تحت في الاستقبال
انا:لاء دي علشان المستشفي انما الاستمارة دي علشاني أنا علشان اقدر أتابعها
دي معلومات عن المريض
هواياته..الأكلات المفضلة...حاجات بيحبها حاجات بيكرهها
ودا اسلوب علاج اتعلمته بره
انك بتطلب من الناس القريبين من المريض انهم يجاوبوا عن بعض الأسئله عنه علشان تعرف مدي قربهم منه فتقدر تعرف مين فيهم تقدر تعتمد عليه في رحلة علاجك
كان جوزها متأثر جدا باللي حصل لمراته بس انا طمنته
جوزها كان مهندس مدني صاحب مكتب استشاري في وسط البلد
طويل القامة.... ابيض اللون وجبهته عريضة.
شعره اسود زي لون عينيه لاناعم ولا خشن ...عينيه سودا وضيقة
.كان لابس بدلة زرقاء غامقة واضح انه بيحب اللبس الكلاسيك ..
.جسمه مليان حبتين يعني اقرب مايكون للتخن هو كمان كان في بداية الثلاثينات
وطبعا ماكانش ينفع اكتفي بسؤاله كان لازم أسأل والدتها وأخواتها
وطلبت يقابلوني بعد ماجوزها مشي
..ماكنتش عاوز المقابلة تتم في وجوده علشان لو في حاجة يتكلموا علي راحتهم
وفعلا قعدت معاهم
والدتها كانت بتبكي وقالتلي:
بنتي هاتضيع مني يادكتور النهاردا تالت يوم وهي ماأكلتش حاجة خالص خايفة يجرالها حاجة
انا: اطمني ان شاء الله بنتك هاتكون كويسة بس قوليلي هو في مشاكل بينها وبين جوزها بيعاملها وحش مثلا
هي: لا خالص دول بيحبوا بعض وهو بيعاملها كويس جدا وماشوفناش منه أي حاجة وحشة وعمرها ما اشتكيت منه خالص
انا: ما يمكن ما بتحبش تقول وتحكي وهو فعلا بيعاملها وحش
بنتي لو في حاجة ها تقول وتحكي هي: لا لا يا دكتور كان هايبان برده وبعدين
رديت أختها وقالت:
يادكتور كل بنات العيلة بيحسدوا اختي علي جوزها ونفسهم يتجوزوا حد زيه...
انا: طيب قبل ما تفقد النطق إيه اللي حصل بالظبط
امها:
قبلها بيوم كانت جاية تزورني وقضيت اليوم معانا هي وجوزها وكلنا كنا بنضحك وبنهزر مفيش حاجة حصلت انا ها اتجنن يادكتور بنتي يادكتور هاتموت مني
وواصلت بكائها
والدتها كانت سيدة في أوائل الخمسينات .
.أنيقة ممتلئة بعض الشيء ...مديرة قطاع في احدي الهيئات الحكومية
وأختها لازالت طالبة في أحدي الجامعات الخاصة
وطلبت من والدتها واختها يملوا نفس الاستمارة اللي ملاها جوزها
انصرف الجميع وحل الليل وانا في حيرة من أمري
ذهبت الي غرفة المريضة
طبعا قاعدة سرحانة بس مابتعيطش
حاولت اتكلم معاها
ازيك ؟ اسمك ايه
ايه خير مين زعلك
وطبعا مفيش أي رد فعل ورجعت الدموع تنزل من عينيها تاني
عندها 27 سنة .....متوسطة الطول...رشيقة
بشرتها خمرية اللون... كانت لابسة فستان فيروزي مقلم
عيونها بنية.تعلوها رموش كثيفة وطويلة..
ملامحها دقيقة وهادية
وخرجت من الأوضة وانا في دماغي مليون علامة استفهام
بس كنت عاوز اتأكد من حاجة
لفيت علي باقي المرضي وتابعتهم
ورجعتلها تاني ....
لائيتها قاعدة سرحانة ومابتعيطش
رجعت افتح كلام تاني معاها بهزار
المستشفي نورت بيكي بس احنا مش عاوزينك تطولي معانا هنا يابخت من زار وخفف
طبعا انا كنت بهزر معاها...
علي فكرة اهم حاجة في معاملتك للمريض النفسي انك تتعامل معاه بطريقة مرحة ومفيهاش ضغط او شد تعامله كأنه انسان طبيعي .
..دا من طرق العلاج الحديثة
وبعدين لو ثبت انه مش انسان طبيعي تبدأ تغير المعاملة معاه واحدة واحدة لحد ماتوصل للطريقة المثلي في التعامل معاه بس البداية في التعامل انك تعتبره انسان طبيعي
المهم .........طبعا هي ما ابديتش أي رد فعل ورجعت عيطت تاني
يبئي اللي توقعته لائيته
هي طول ماهي لوحدها بتطل عياط ولما أي حد بيكلمها ترجع تبكي تاني
طيب ليه ؟ ايه اللي في كلام الناس وأصواتهم يخليها تبكي كدا؟
ياتري ايه اللي حصل خلاها تفقد النطق اذا كانت سعيدة مع جوزها وسعيدة مع اهلها
في سر ورا الموضوع دا وانا لازم اعرفه...
.......يتبع
1 comment:
قلب ينبض .........
صعب جدا الإنسان فى مكوناته بين الجنون والعبقرية شعرة ولايعلمها إلا الله والحقيقة أنا مقتنع إن الإنسان يستطيع أن يكون معالجا لنفسه ومصححا لمسيرة حياته بإستمرار بشرط واحد ألا يغالى فى شيئ بمعنى أن يكون طبيعيا فى كل شيئ وأن يؤمن بقضاء الله وقدره وأن يرضى بماقسمه الله له وأن يعلم أن ماأصابه لم يكن ليخطئه وماأخطأه لم يكن ليصيبه وأيضا يعلم أن " وعسى أن تكرهوا شيئا وهوة خير لكم وعسى أن تحبوا شيئا وهو شر لكم والله يعلم وأنتم لاتعلمون" صدق الله العظيم ومن هنا أقول أن أى إنسان إذا كان لديه هذه القناعة فإن أحداث الدنيا مهما كانت قاسية لن تؤثر عليه والعكس صحيح وشكرا لك على هذه القصة الحكيمة وسأتبع باقى القصة
Post a Comment