قبل الفجر تقريبا بنص ساعة كنت قاعدة علي النت مابعملش حاجه
وبالصدفة البحتة وقع تحت أيدي بلوج
قولت أعمل واحد
رغم أن ماكانش عندي حاجه اتكلم عنها
وحتي لو كان عندي
ظروفي وقتها ماكنتش تسمح أني أكتب أي حاجه
المهم قولت أجرب
سألت نفسي أسمي البلوج ايه
ومافكرتش كتيير أول اسم جه في بالي
قلب حزين
وبعدين لائيتني وانا بكتبه بمسحه وبقول لنفسي
بعد الشر عليكي خلاص حكمتي علي قلبك انه حزين
علشان يعني اللي حصل نقوم نحكم عليه بالحزن
حتي لو هو كدا
مش لازم نستسلم أبدا ليه
وبعدين لو قلبنا بيدق لربنا مفيش حاجه هاتأثر فيه
لو نبض القلب كان لله مش هايدوم الحزن
ومن هنا جه اسم البلوج
قلب ينبض لله
وبعد ما خلصت البلوج والحمد لله بئي جاهز وموجود
أدان الفجرقال
قومت صليت وأنا جوايا شعور بالرضا والراحة مالوش مثيل
مش بس علشان البلوج انما كمان علشان أسم البلوج
رجعت تاني نزلت أول بوست وبالصدفة البحتة كنت كاتباه قبلها بيومين
ماكنتش بزور حد لأني ماكنتش عاوزة حد يزورني مش لسبب غير لأني كنت بكتب ليا ولقلبي
وبحاول أخرج أنا وهو من الألم والحزن اللي كنا فيه
ولائتني مابدونش يومياتي
لائتني بدون مشاعري
كل أحساس يجيلي وأحسه أوي أدونه في بوست
في الأول قبل ما المدونة تتعرف كنت نوعا ما بتكلم بشيء من الوضوح عن مشاعري وأحاسيسي
انما بعد كدا بدأت أدون مشاعري في قصص وحكايات
ممكن تكون القصة حقيقة
وممكن ماتكونش حقيقة إنما الشعور والإحساس اللي بيجيلك وانت بتقراها حقيقي وبجد
وقلبي حس بيه
أنا ممكن أكون البطلة في بوست ما
وممكن أكون كل الشخصيات اللي في البوست
وممكن ما أكونش أي حاجة في البوست
وفي معظم البوستات بتبئي في حاجه صح حاجة حصلت فعلا والحاجة دي بتبئي مرتبطة بالإحساس اللي بدونه
بس كل بوست بيعبر عني وعن قلبي
ويوم ورا يوم بدأت أدمن التدوين وبئي ليا أصحاب من العالم الجميل دا
أصحاب بيحبوك من غير مايشوفوك ومخلصين في حبهم
ناس ظهروا في الوقت المناسب علشان يقولولي إن الدنيا لسه بخير
علشان كدا أنا بقولهم أنا بحبكوا أوي أوي أوي أوي
أنا ليه بقول الكلام دا
علشان النهاردا
30/8
وزي النهاردا كانت بدايتي في عالم التدوين
سنه مرت علي دخولي أحلي دنيا وأحلي عالم
وكل سنه وكل المدونين بخير وسعادة
ورمضان كريم
80 comments:
بالصدفتو البحتتو
- نحوى نحوى ماتتخضيش-
اول تعليق
هقرا واجيلك
brb
احنا كمان بنحبك ياقمرى
خلاص
انا كرهت يوم 30/8 ده ليه كده؟؟
هو السبب ف انى عرفتك اصلا الله يسامحه هو و 1/5 ههههههههههههه
ده تاريخ دخولى انا
بجد ياحبيبتى عالم التدوين منور بيكى بيا طبعا بلا شك
كل سنه وانتى طيبه
كل سنه وانتى معانا
كل سنه وانتى بكل خير
بحبك فى الله يامغلبانى
رمضان كريم
كل سنه وانتى طيبة وبالف خير
وكل سنه والمدونة بخير
ويارب دايما نشوف المواضيع الجميله
تقبلى تحياتى بكل ود
ادعوكم لزيارة مدونة اجمل قلب
http://agml-qlb.blogspot.com/
اجما احساس انك تحسي بالرضا و السعادة و الطمأنينة ، كل دي احاسيس داخلية مش ممكن الواحد يوصلها لو جرب كل اساليب السعادة بدون ما يكون ضميره مرتاح, و عشان يبقى ضميرك مرتاح مفيش الا ربنا ، هو الوحيد اللي ليه الملجأ ، هو الكفيل انه يهون ايا مايصيب الواحد من الام ، بس المهم نعرف ازاي نقرب منه و نسترضيه و نرضيه ،
بقول قبل بداية الشهر الكريم ، ربنا بيحبنا، و بيحب العبد المتلهف لطاعته ، و على فكرة ربنا بيفرح بعودة عبده الضال اليه.. ساعتها الواحد يقدر يحط دماغه على مخدته و ينام و هو قرير العين ، ما هو اصله استرضا ملك الملوك ..
ربنا يجعلنا من عتقائه في الشهر الفضيل ..
و كل سنة و مدونتك دايما عارمة برضا الله ،و موضوعات في منتهى الجمال ، و على فكرة دي اول مرة ادخل مدونتك ، و انشاء الله اكون من متابعينك على طول، و بدعوكي لزيارة مدونتي
htp://taswerah.blogspot.com
و اخر الكلام سلاااام ...!!!!
السلام عليكم ورحمه الله وبركاته
اختى قلب ينبض لله
اولا كل سنه وانتى طيبه بمناسبه رمضان
وكل سنه وانتى فى عالم التدوين بخير
بجد عالم التدوين منور بيكِ وبالناس المحترمه الكتير اللى فيه
بجد احمد الله على الصدفه البحته اللى خليتك تدخلى عالم التدوين وبرده الصدفه الباحته اللى خلتنى اعرف مدونتك واقراءلكِ
دمتى بكل خير ومن الله اقرب
والله الموفق
رمضان كريم
كل سنة وانتي طيبة اولا بمناسبة رمضان
ثانيا بمناسبة مرور عام علي مدونتك
وكل سنة واحنا اصحاب يا رب
دايما
انتي فعلا من الناس اللي الواحد بيقدرهم
ويحترمهم اوي
وعلي فكرة التاج الاخير والله
من قبل متدخلي وانا كنت ناوي اعدله عشان اقول اسمك فيه
ولكن انا وجهت تحية للي في الجمب في الاخر وانتي اولهم طبعا
خالص تقديري وتحياتي
كل سنة وانتى دايما تدونى مشاعرك الحقيقية (كما ذكرتى)
وللعلم أنا دخلت مدونتك من اسمها والله واحسنتى الاختيار بجد
والاجمل انها بدات فى وقت السحر من اجمل وانقى الاوقات لدى وان شا الله يبدل الله الحزن بالفرج والسعادة كما بدلتى اسم المدونة الاول بالآخر..كل سنة وانتى طيبة
كل سنه و انت مبدعه و كل سنه و البلوج بتاعك ديما بيحوى ابداعك
تحياتى
كل سنه وانتي طيبه
ومنوره المدونات كلها
بجد انا سرحت في كلامك وجيت علي التعليق مبقتش عارفه هقولك ايه
بس بقولك ربنا يرضي عنك وتكوني قريبه ليه
تحياتي
كيارا
كل عام ومن تقدم لتقدم ويارب دايما البلوج ده في الخير والحق
تحياتي ورمضان كريم
كل سنة وانتى طيبة الاوزل بمناسبة رمضان
ورمضان كريم عليكي وعلى الجميع
وكل سنة وبلوجك بخير وجميل اكتر واكتر
وتفضلى كده معانا بكتاباتك الجميلة والمؤثرة :)
كل سنه ومدونتك بخير
بس ايه الصدفه الحلوة دى المدونه اتولدت بعدى بيوم((:
دايما يارب فى راحه بال وسعاده
كل عام وانتى بخير
تحياتى(:
كل سنة وانتى طيبة
رمضان كريم
كل سنه وانتى وبلوجك بخير
وقلبك بينبض بطاعه الله ورسوله
كل سنة وانت زى مانت
دايما طيبة .. ورقيقة .. وعميقة المشاعر .. وعقبال وصول مدونتك عامها المئوى
وكل سنة وانت طيبة لدخول رمضان .. جعله الله لك وايانا فى ميزان حسناتنا جميعا
الله اكرم
كل رمضان وانتي بخير وفي طاعة الله
فكرتيني بنفسي اول مرة فكرت اني اعمل مدونة كانت ساعة الفجر بردوا
كل سنة وانتي طيبة وتفضلي تمتعينا بقصصك وكتاباتك على طول
بالصدفه البحتة رجعت وبالصدفه البحتة دخلت على النت وبالصدفه البحتة اكتشفت ان عندك بوست جديد
لو مش كنت قريته دلوقت ممكن مش كنت اقراه لحااااااااااااااااد العيد
كنت هازعل اوي بجد
كل سنة وبلوجك الجميل اللذيذ الفظيع الكبير المحترم الدماغ المشاعر الاحساس العالي بألف خير
بلوج كان بلوجر واللي بيدخلوه كانوا هايخسروا كتير جدا لو مش كان اتعمل
كل سنة وانتي وهو بألف خير ويارب دايما مش نتحرم من كلماتك البسيطة اللي بتعني عندنا كتييييييييير اوي
انا عندي قناعة ان مش شرط كل اللي يدخل عندك يعلق ممكن مش يقدر يلاقي كلام مناسب زي ما بيحصللي انا وصاحبي ف كتير من الاوقات لكن الاكيد ان اللي بيجي عندك مش بيبطل ييجي تاني
بل العكس بيدمن بلوجك
انتي بتعملي ايه علشان ده يحصل
ايه الخلطة السحرية اللي بتحطيها ف البوستات علشان الناس تتوهم للدرجة دي ؟
كنت دايما بأسأل نفسي بجد السؤال ده
ولاقيته النهاردة ف البوست ده
بتقولي مش بأدون يوميات لكن بأدون مشاعر
علشان كده بنصدقها ونعيشها معاكي
كل سنة وانتي بخير يا صاحبة الصومعه
ازيك
فرصة كويسةانك قريتي بلوج بالصدفة
والاسم حلو بجد
وشدني من اول ما قريته
كمان كل كلامك حلو
بجد علي فكرة مش هزار
وفعلا البلوج ده اوالمدونة حاجة صحية انك تقولي فيها حاجة اوتعبري عن نفسك
كل سنةوانتي طيبة بمناسبة البلوج
وبمناسبة رمضان
تحياتي
كل سنة وانتي طيبة
وسنه جميله علي مدونتك
رمضان كريم
Lyssandra
habiba
ههههههههههه ماشي ياحبيبة اقري براحتك
حد أدك ياعم أول تعليق لتاني بوست علي التوازي
:D
habiba
من هنا ورايح بئي هاتحبي يوم 30/8 ولا أيه؟
دا عد ميلاد البلوج بتاعي
:D
وأنتي طيبه ياحبيبة ياقمر
وكل سنة وأنا مع أحلي ناس وأحلي أصحاب في الدنيا
ويخليكي ليا ياقمر
ورمضان كريم
واحد ميت
وانت طيب وبصحة وسلامة
ويارب دايما منورني علي طول
وكل سنة وانت طيب
رمضان كريم
sourah
و عشان يبقى ضميرك مرتاح مفيش الا ربنا ، هو الوحيد اللي ليه الملجأ ، هو الكفيل انه يهون ايا مايصيب الواحد من الام
كلامك دا فكرني بدعاء الرسول عليه أفضل الصلاة والسلام
"اللهم أن لم يكن بك غضب علي فلا أبالي"
وأن شاء الله نطلع من شهر رمضان فايزين وتايبين ومقربين أكتر من ربنا
مبسوطة علشان البلوج عجبك
وأن شاء الله أشوفك هنا كتيير
ربنا يديم عليكي محبته وفضله
التائب
وعليكم السلام ورحمة الله وبركاته
وانت طيب وبصحة وسلامة
متشكرة أوي علي كلامك وزوئك وأطرائك
أنت من الشخصيات الجميله في عالم التدوين
وربنا يوفقك دايما ويزيدك من فضله
منورني كالعادة
رمضان كريم
amgad
وانت طيب ورمضان كريم
وكل سنة وأنت طيب وعئبال مدونتك لما تفضل موجودة سنين وسنين في عالم التدوين
متشكرة علي كلامك
أنا اللي بجد سعيدة بأني عرفت ناس محترمة زيكوا
لالا ولا يهمك ماتعدلش في حاجه
أنت تقديرك ليا وصلني وخلاص
وربنا يديم الخير والمحبة بين كل المدونين ياااااااااااارب
بنت سيناء
وأنتي طيبه يابنت أجمل مكان في مصر
أتمني تكرار الزيارة
ورمضان كريم عليكي وعلي كل المدونين
وربنا يجعل حياتك كلها سعادة وفرح
سلام ياقمر
كل سنة و انتي طيبة و رمضان كريم
تقبل الله منا و منك
و كل سنة و انتي طيبة بسبب مرور عام على التدوين و عقبال سنين كتير و تكوني دايما منورة مدونتك بتدويناتك الجميلة
التدوين بحد شيء جميل هوا خلاصنا و متنفسنا
عموما تحياتي و شكرا على تعليقك
على البوست الاخير
بالتوفيق دايما يا رب
سلام :)
rania
وأنتي طيبه وبتنوريني دايما
رمضان كريم
كل سنة و أنتى و البلوج بتاعتك طبية
بجد سعيدة إن ده أول بوست أقرآه فى
المدونة العسل بتاعتك دى
و بجد فعلا الواحد عمره ما بيوصل للرضا الكامل إلا بذكر الله فعلا
ربنا ينورلك طريقك
و عقبال ما نحتفل معاكى بمرور 100 سنة على المدونة بتاعتك
كل سنة وانتى طيبة
ورمضان كريم
كل سنةو انت طيبة يا أحلى قلب
معلش مش عنديوقت أقرأ و أكتبلك بروقان تاني، بسلي عودة ان شاء الله
على فكرة وصف "ولو" للبلوج بتاعك..... صح الصح اوي
:)
يللا مستنية الاتفاق اللي اتفقنا عليه يارب تعرفي تعمليه :) أو نستنى بأة لما يرجع لي النت في البيت
وااااااء
:)
Happy Ramadan ya 7obbi
كل سنه وأنتي بضيفي جديد في عالم التدوني ونستفيد من فكرك
وايه النشيد الجميل ده
حياتي كلها لله .... فلا مولي لنا أيها
تقبلي مروري
مجنووون
كل عام وانتي بخير وربي يجعل قلبك وقلوب المسلمين دائما تنبض بذكره
كيارا
وأنتي طيبه والمدونات دايما منورة بيكي وبكل المدونين
اه بتحصل لناس كتيير مش أنتي بس
ييجوا يعلقوا يضيع منهم الكلام
بس ولا يهمك ياقمر تعليقك دا بسطني جدا
ورمضان كريم
صاحب المضيفة
وكل عام وأنت أيضا بكل خير وفي الحق
الله أكرم
حمامة
وأنتي طيبه ياقمر ورمضان كريم عليكي أن شاء الله
يارب أفضل معاكوا علي طول ومع الناس اللي الجميلة اللي زيكوا
سلام ياقمر
Shimaamahdy
وانتي بخير وسلامة
ااااااه صدفه حلوة طبعا
لما المدونة تكون موجوده بعد يوم ميلادك بيوم
علشان تتوالي الأفراح والأعياد
:D:D
رمضان كريم ياقمر
rara
وانتي طيبه
ورمضان كريم
appy
وانتي طيبه ياقمر
ويارب دايما قلوبنا تنبض بحب الله
sherif
وانت طيب وبصحة وسلامة
ياه حلوة أوي كل سنة وأنتي زي ما أنتي
بجد بجد جميلة جدا
ورمضان كريم
green eyes
آمين يارب العالمين نكون كلنا قريبين من ربنا
أنتي كمان مدونتك اتعملت في الوقت دا
دي صدفه جميله
يارب انتي كمان تفضلي معانا علي طول
نورتيني ياجميل
ولو
تعرف أن أنا من حسن حظي الصدفه البحتة اللي خلتك تيجي هنا علشان تسيب التعليق الجميل دا
أكيد كنت ها أخسر كتير لو ماكنتش شوفت الكلام الحلو دا
اللي بجد أتمني أكون كدا علي طول
وأنت بجد من البلوجات اللي من خلالها عرفت بلوجات ناس تانية كتيير
ومن بلوجك بدأت زياراتي في عالم التدوين
انا بشكر الظروف اني عرفت حد زيك أنت وهبة ومحمد
ناس جميله وطيبه وبتحب الخير لبعضها
يارب دايما نفضل متجمعين في الخير
وطبعا لقب الصومعة دا لقب أعتز بيه جدا
وربنا يسعد أيامك دايما يارب
وكل سنة وأنت طيب
kochia
الحمدلله ياجميل
ميرسي ياقمر علي زوئك
وياريت تنوريني علي طول
وأنا معاكي أن التدوين حاجة صحيه مش بس كدا دا بيخلي الواحد يكتشف في نفسه حاجات جميله كان صعب يكتشفها لوحده
ورمضان كريم
lyssandra
وانتي طيبه ياقمر
تحياتي
shereef
وأنت طيب وبصحة وسلامة
وربنا يتقبل منا الخير كله ان شاء الله
لا أبدا ماتشكرنيش أنا تعليقي عندك ماكانش مجامله أد ماهو تقرير للواقع
ونورتني
رمضان كريم
كل سنة وانتى طيبة واجمل واجمل
يارب دايما نفضل مع بعض
انا مصدقاكى فى كل كلمة وحسة بيكى اوى
وكل سنة وانتى طيبة وبكل خير
رمضان كريم
ربنا يسعدك ويكرمك ويفرح قلبك باستمرار
تحياتى ليكى يا جميل
:):)
كل سنة و انتي طيبة
:)
و يارب تستمر مونتك و تفضلي حاسة بالناس اللي بيحبوكي و يارب يزيدوا على طول ماينقصوش ابدا :)
رمضان كريم :)
دمتِ.. و دام قلبكِ.
دايما يارب الافراح تكون معكى ماتفرقك امين
صحيح ليكى عندى واجب تعالى استلميه
(:
كل سنه وانتي طيبه يا جميل
وعالم التدوين منور بيكي
مي
مبروك على البلوج الجديد
يارب يكون وشه حلو عليكم والدنيا تتظبط اكتر مما هيا
صورة طبق الاصل من الكومنت عند
wish i were a butterfly...
السلام عليكم ورحمة الله وبركاتة
كل عام وانتى بخير
بارك الله فيكى على اسم المدونة
وربنا لا يجعلك ابدا حزينة
فى رعاية الله
حبيبتى وحشتينى جداااااااااااااااا
انتى فين بس مش لاقياكى خالص
أنا ودماغي
وأنتي طيبه ياقمر
دا انتي اللي عسل وسكر
ويارب تكرري الزيارة تاني
ورمضان كريم
نهر الحب
وكل سنة ونهر الحب يفيض حب وجمالا
سلام ياقمر
أحلي فراشة في الدنيا
وانتي طيبه يأأحلي هبة في الدنيا
ويارب نفضل مع بعض علي طول
وطبعا البلوج اتعمل والنت رجع بالسلامة
والصورة اللي انتي حطتيها عن جد بتجنن
سلام ياقمر
مجنووووووون
وأنت طيب وموجود معانا برده في العالم الجميل دا
الحمدلله أن النشيد عجبك
انت ممكن تعمله داونلود لو عاوز
نورتني
عالم حبيب
وأنت طيب وبخير دايما يارب
ورمضان كريم
حدوتة
وانتي طيبه ياقمر
وربنا يستجيب دعائك والناس الجميله اللي زيك تفضل موجوده في عالم التدوين
سعيدة جدا علشان أنتي حسيتي كلامي
وربنا يسعد أيامك كلها ياااااااااارب
والله اكرم
سلام ياجميل
كل سنه وانت طيبة ورمضان كريم يا روضي
ياااااااااااه بقي دي حكاية البداية
عجبني حوارك مع نفسك وتغيرك من قلب حزين لقلب ينبض لله قوي
كل سنه وانت بلوجر وكل سنه وانتي في وسطنا يا أحلي القلوب
بحبك
كل سنه وانتي طيبه
وبلوجك طيب
اسم بلوجك من اجمل اسامي البلوجات اللي عرفتها
واختراع التدوين اختراع اكيد كلنا لو نطول ندي مخترعه اعظم جايزه اكيد عمرنا مهنتردد
يارب نحضر كلنا عيد ميلاد اليلوج رقم 100
كل رمضان وانتي طيبه
ليكوريكا
ياأجمل صاحبه على البلوج:)
كل سنه وانتى طيبه
والسنه الى جايه أجمل وأقوى والى الله أقرب ان شاء الله:)
جميله اوى قصه افتتاحه ووقت افتتاحه كمان
والأجمل انى متابعاه من أوله
ربنا يكرمك يارب وتكتر بوستاته كده:)
شيماء:)
قلب ينبض الله
أحييك على نجاحك الجميل فقد نجحت في جعلها مدونة تنبض على الدوام
مودتي
قهوة بالفانيليا-شيماء علي
وانتي طيبه ياقمر
ويارب انتي كمان القهوة بالفانيليا بتاعتك موجودة والكل بيستمتع بطعمها
ورمضان كريم
shimaamahdy
يااااااارب يسمع منك ربنا وانتي كمان تفضلي مع الناس اللي بتحبك وبتحبيهم
واجب:(
:(
طيب أنا ها أجي أخده بس خلي بالك أني خايبة وبعمل الواجب بتاعي متأخر
علشان نبئي متفئين :D:D
سلام ياجميل
مدينة الملايكة
وانتي طيبه
وعالم التدوين منور بالملايكة اللي زيك:)
ولو
الله يبارك فيك
وأن شاء الله البلوج الجديد هايكون في بوستات انطلاقات :D
عاشقة الدين
وعليكم السلام ورحمة الله وبركاته
وانتي طيبه وبصحة وسلامة
الله دعوتك جميله اوي ربنا يسجيب يارب
رمضان كريم ياقمر
أختكم في الله
سمسم حبيبة قلبي
أنتي اللي وحشاني جدا جدا
ان شاء الله نتكلم قريب اوي اوي
سلام ياقمر
الخيط الرفيع
وأنتي طيبه ياروفي
يارب يسمع منك وأفضل مع أحلي ناس في الدنيا وأطيب ناس عرفتها
نورتيني ياقمر
ليكوريكا
وأنت طيب وفي أفضل حال يارب
فعلا عند حق أختراع التدوين دا أختراع هايل لازم صاحب الأختراع دا ياخد جايزة كبيرة من المدونين طبعا :)
وكل سنة وأنت طيب ورمضان كريم
همسات دافئه
أزيك ياشوشو؟
كل سنه وأنتي طيبه ياقمر وكويسة وكل سنة وأحنا أصحاب يارب
ياااااااااه الشغل كان واخدك مننا وحارمنا من كلامك الجميل
علي فكرة البوست الأخير حلو أوي
:)
نبراس العتمة
أشكرك علي أطرائك
وأتمني من الله ان تنال هذه المدونة أعجاب زائريها دائما
دمت بكل الخير والسعادة
الأول كل سنة وانتى طيبه
ثانيا احب اقولك ان اللى شدنى لمدونتك اسمها الرائع قلب ينبض الله ربنا يفتح عليكى ان شاء الله
لو نبض القلب كان لله مش هايدوم الحزن
أصحاب بيحبوكي مش لأي مصلحة أو منفعة شخصية... ناس بتحاول كلها تساعد بعض و لما حد يقع بيحاولوا يساعدوه و يقوموه حتى لو بس بالكلمات :). يمكن الناس دي قليلة نسبيا لكن بجد فرقت معايا كتيرأوي، و متأكدة إنها فرقت معاكي انت كمان
على فكرة إحنا اللي كسبانين كتير بأننا عرفنا حد زيك كشخصية و كصاحبة بلوج مميز أوي ذات أسلوب مشوق و عميق رغم بساطته معظم الوقت. و فعلا أكيدالسر في إن الناس بتحسها قريبة أوي من كلامك و قصصك لأنه في الآخر جزء من إحساسك مش مجرد كلام و السلام
كل سنة و البلوج بتاعك طيب و جميل :) و ياويلك لو فكرتي تسيبينا يا قلب :). أنا بقوللك أهه
:p
لأبجد. ياريت عمرك ماتفكري في كدة
تحياتي :)
كل سنة وانتي طيبة
والمدونة طيبة
دمت بخير
arsenalwy
وانت طيب ورمضان كريم عليك وعلينا أن شاء الله
بالتوفيق ان شاء الله
أسيبكوا؟
ما أفتكرش ها أعرف
ياهبة عاوزة أقولك انكوا ناس جميله بجد ماينفعش اللي يعرفكوا يستغني عنكوا بسهولة
وأذا كنتوا انتوا كسبانين قراط علشان عرفتوني فأنا كسبانة 24 قراط علشان عرفتكوا
المهم أنت ياقمر ماتسبناش
كلامي واضح طبعا:)
big code
وأنت طيب وبألف خير
رمضان كريم
بدايتك زي غالبية المدونين دخلوا يعبروا عن اللى جواهم لنفسهم بدل مايتسخدموا ورقة وقلم وجذبهم العالم الجميل ده معرفش دي الغالبية ولا لا بس اعتقد كده لاني كنت زيك كده
كل سنة وانتي مدونة وجميلة قوي الحدوتة دي
sara
وانتي أجمل واجمل
وكل سنه وانتي طيبه وعيد سعيد
Post a Comment