التاج دا جالي من الجميله رانيا
وبعتذر جدا جدا علشان اتأخرت في الرد عليه
تكلم عن نفسك في 10 نقط
النقطة الأولي:مابحبش أتكلم عن نفسي خااااااااااااااالص لأن ببساطة شديدة مابلائيش حاجه أتكلم عنها
اقصد حاجه مميزة يعني ولما بيكون عندي حاجه مميزة برده مابحبش اتكلم عنها غير لما اللي حواليا يتكلموا عنها قبلي ويشوفوها بجد فيا
علشان مايبئاش كلامي في الهوا فربنا يسهل وألائي حاجه أتكلم عنها
النقطة التانيه:أنا شخصية الناس بترتاح في الكلام معاها وبيحكولي كتيير عن مشاكلهم
بيشوفوني عاقلة وبفهم
كل دا كويس بس انا ببئي زي زيهم ماعنديش خبرة ماعنديش تجارب كفاية
بس اللي بندهشله فعلا أني بلائي نفسي بتجاوب معاهم جامد وبعيش وياهم مشكلتهم
لآ وكمان بقولهم كلام حلو أوي ببئي مستغربة أنا ازاي بيطلع مني الكلام دا
النقطة التالته: أنا حد هادي جدا جدا انما لما بزعل أو بدايء بنفعل جامد
النقطة الرابعة:في جوانب في حياتي توب سكريت مابتطلعش لأي حد وممكن ماتطلعش خالص وأنا أوقات كتيير ببئي غامضة للي حواليا وأوقات تانية ببئالهم كتاب مفتوح
ودا يتوقف عليا في بعض الأحيان
النقطة الخامسة:بحب النجاح جدا وأحب نفسي ابئي متميزة في أي حاجه بعملها حتي لو كانت بسيطة وعادية
النقطة السادسة:ممكن أعمل نفس الحاجه كل يوم أنما بمشاعر وأحاسيس مختلفة
نادرا لما بيجيلي ملل لأن بعمل الحاجه بروح جديدة
يعني أيامي كلها بتكون شبه بعضها أنما كل يوم له روح وأحساس مختلف عن غيره
النقطة السابعة: بحب الطبيعة جدا وبدوب فيها دوب ولما ببئي زعلانة بتكفيني نسمة هوا علشان أخرج من مود الزعل وطبعا بعشق القمر والشمس والورد والنجوم والليل والنهار والميه أنا بعشق خلق الله
النقطة الثامنة: برتبط بالأشياء جدا وبتعلق بيهم جامد كفاية أن كان عندي آلة حاسبة أختفت في ظروف غامضة ومالئيتهاش وزعلت جامد أنها ضاعت
النقطة التاسعة:أكتر حاجه بتخنئني في الدنيا هي الجمايل مابحبهاش خاااالص بتكتفني في علاقاتي مع الناس
النقطة العاشرة: ههههههههه بحب الشيكولاته جدا رغم اللي عملته فيا برده بحبها
والمفروض التاج دا أمرره لمدونين بس أعتقد أن كل الناس جاوبت عليه أو كلهم أخدوه
بس الدعوة مفتوحة اللي عاوزه يتفضله وربنا معاه هههههههه
17 comments:
هيييييه اول كومنت
بصى يا قلب اينعم انا مش بحب اقرا
تاجات مش عارفة ليه.
بص اللى استشفيته من جوابك انك شخصية عاقلة ورزينة كدا.
سلاموز.
أخييييرا التاج
:)
عجبني أوي "أيامي كلها شبه بعض لكن كل يوم ليه إحساس و روح مختلفة". حلوة أوي دي لو عرفنا نطبقها صح
الناس لما بتحكيلك عن مشاكلهم مش دايما بيكون عشان انت عاقلة أو حكيمة لكن عشان بيحسوا إنك حد حاسس بيهم
يعني...هادية، محبة للطبيعة، كدة يعني... :) دة كله بيقول إنك شخصية حساسة و جميلة أوي
بس برده مش هحكيلك حاجة عني :p
النقطة الخامسةبحسها أوي أوي فيكي من زمان. مش تسأليني ليه :)عشان مش عارفة
امممم.... كنت متوقعة تعملي تاج 2في1 زي ماقلتي بس الحمدلله مش عملتي كدة:). أصلي بحسه كتير أوي بصراحة
تحياتي
زى ماانتى قلتى بتعرفنا ببعض اكتر
يعنى انا شخصيا كان عندى تصور لشخصيتك انها بعض صفت من اللى انتى قلتيها لكن فى صفات تانيه مكنتش متوقعاها
على اى حال لسه مرتاحالك زى ماانا
ربنا يديم الحب بينى وبينك يارب
وبطلى اكل شوكولاته
دمت بخير
السلام عليكم ورحمه الله وبركاته
صديقتى قلب ينبض لله
بجد التاج ده كشف عن وحده جميله اوى من داخلها
تمنياتى لكِ بكل التوفيق والاستقرار
دمتى بكل خير وعافيه
والله الموفق
اعتقد مش محتاج اجاوب على التاج ده علشان فيه كتير جدا اعتبرت انك بتتكلمي عليا مش عليكي ماعدا موضوع الشيكولاته ده
واني مش كويس للدرجة دي ومش باتحب من الناس ولا بيستريحولي واكتر حاجة باكرهها هي النجاح انا حتى كنت باحاول اسقط عند ف النجاح يعني من الاخر مش انتي خالص بس كمان انا برضه اكيد فيا مميزات اكتر
انا اصلي فول اوبشنز
اعتقد ان ده كان انطباعي الاول عن شخصيتك بس الصراحة طلعتي احسن
ربنا يوفقك ويديم عليكي حب الناس وكل تاج وانتي بخير
حلو اوى التاج ده
واجاباتك جميله
مع انه طويييييل اوى وانا مش عارف ايه حكمه ان واحد يطلب عشرين حاجه اعرفها عن نفسى او تلاتين
واو عشرين عيب وعشرين ميزة
ايه قيمه الرقم مش عارف
لكن البوست حلو
والاجابات جميله
تحياتى
اول زيارة لى فى المدونة الجميلة دى
وباذن الله مش الاخيرة
واول حاجه انا قبلت دعوتك للتاج
وربنا يستر
واشكرك على زيارتك لمدونتى وعلى كلامك
تقبلى تحياتى
do not pressf1
مابتحبيش تقري تاجات
أمال لو جاوبتي عليه هاتعملي أيه
لا بجد التاجات بتبئي صعبة أوي
المرة الجاية بئي هامررلك تاج :P
نورتيني ياقمر
أحلي فراشة في الدنيا
ههههههههههه
اه الحمد لله ربنا كرمني وعرفت أجاوب عليه
ما انتي معايا في المعاناة دي خطوة بخطوة
لا بكره هاتحكيلي ياجميل :P
طيب لا بجد عرفتي منين أني بحب النجاح
أكيد انا قولتلك
لا 2 في 1 دا انا عملت واحد بالعافيه:D
سلام ياجميل
habiba
يارب دايما تفضلي مرتاحالي ياقمر
هههههههههههه ما انا قولتلك مش بعرف أكرهها الشيكولاته دي أعمل أيه بس في نفسي
قوليلي صحيح صفات ايه اللي مكنتيش متوقعاها فيا؟
نورتيني ياقمر
التائب الحائر
متشكرة اوي علي أطرائك
ربنا يديم عليك نعمه وفضله
دمت بكل الخير والسعادة
ولو
حمدالله علي السلامة
طبعا طبعا أنت مميزاتك أكتر بكتيييير دي واضة زي الشمس
اه أحسن أنك مابتحبش الشيكولاته أصل اللي بيحبها مابيعرفش يكرهها:)
يارب دايما ائبي عند حسن ظنكوا
وكل تاج وانت بخير:)
momken
التاجات دي علشان البلوجر يعرفوا بعض أكتر ويقربوا من بعض أكتر
اعتقد دا الهدف من التاجات
متشكرة أوي علي كلامك وزوئك
تحياتي
قلب ينبض لله
ازيك ياحبيبتى
انا سبتلك تعليق فى مدونتى ومستنياكى
وصفات دى زى مثلا انك عندك حاجات اسرار خالص مابتطلعش لحد دى مكنتش متوقعاها
دمت بخير
واحد ميت
أهلا بيك ونورت المدونة بجد
خلاص مستنيين أجاباتك علي التاج بس ماتركنوش عندك كتيير :D
تحياتي
إنتي إنسانه جميلة أوي ورقيقه جدا
لقيت علي فكرة بعض حاجات مشتركة بيننا
النقطه 2 , 4 ,5 ,8
يعني تقريبا حرفيا
سعيده بيكي أوي
يارب تفضلي دايما قلب حنين أوي هادي أوي
وتفضلي دايما مبتسمه وسعيده يارب
lyssandra
lyssandra
أنا مبسوطة جدا أني في مابينا نقاط مشتركة
وسعيدة جدا بيكي
يا صاحبة ارق كلمات وأرق مشاعر
وربنا يسمع منك ويملا قلوبنا كلها خير
Post a Comment