Wednesday, August 13, 2008

صندوق اللعب




رغم أنها تقضي بغرفتها معظم أوقاتها



إلا أنها لم تنتبه إلي ذلك الصندوق الذي كان في أحد الأركان



وقعت عينيها عليه وأطالت النظر اليه



وحنين إلي الماضي اجتاح قلبها



اقتربت منه بكل هدوء



وكأنها لاتريد أن يسمع من بالصندوق خطواتها فتزعجهم



فتحته بمنتهي الرفق وكأنها لاتعلم مابداخله رغم أنها تعلم جيدا مابه






صندوق اللعب



الذي احتفظت فيه بكل لعبها وهي طفله



أخرجتهم جميعا ووضعتهم أمامها



تدافعت المشاهد أمامها من شريط زكرياتها



وكأنها تشاهد فيلم مصور في التلفاز



هي بطلته



تزكرت كيف أنها كانت تكلمهم وتحكي لهم يومها بالتفصيل



وأنهم كانوا أول من تحكي لهم الحواديت والقصص التي تكتبها



نعم كانت تأخذ رأيهم



أعادت اللعب مرة أخري للصندوق...



الا لعبة واحدة أحب لعبة لقلبها



عروسة كانت قد أشترتها من مصروفها



أخذتها ونظفتها



في اليوم التالي



أخذتها الي محل هدايا وطلبت منهم أن يلفوا لها هذه العروسة ويعطروها جيدا



ثم عادت للمنزل








وعندما جاء الليل



أخذتها وذهبت بها الي


صديقتها



هم في الأصل جيران قبل أن يكونوا أصدقاء




وقالت لها:



قد تحمل لنا زكرياتنا بعض الألم



لكنها أيضا قد ترسم ابتسامة عريضة علي وجه حاضرنا



عندما كنا أطفالا كنا نلعب سويا ونقضي يومنا سويا



كانت قلوبنا نقيه



يملؤها الحب والجمال



لا تحزني لما ألم بكي



مادام قلبك لم تلوثه الظروف



أهديكي أحب أشيائي وأجمل زكرياتي



علها ترسم ابتسامة عريضة علي وجه حاضرك



ابتسمت صديقتها وعانقتها وقالت لها: سأحافظ علي هذا النقاء وقلبي لن تلوثه الظروف



أعدك بذلك





74 comments:

نـــــور said...

جميل ياجمل قلب
تعرفى؟؟
انا حاسه انك عايزة توصلى الهدف من القصه مش عايزة توصلى القصه نفسها بس عايزة اسالك سؤال كده لو فيها غتاته
هو لسه فى صاحب بيعمل كده ؟؟؟

صحيح نسيت اقولك افتكرى الجمايل اول تعليق اهه
دمت بكل خير

صاحب المضيفة said...

جميلة تلك المشاعر الرقيقة التي تعبر عن مكنون الصدور بشكل جميل ورائع


دمت رقيقة ومبدعة

Wish I were a Butterfly ... said...

عارفة إني كل فترة بعمل كدة فعلا و بسرح في لعبي و افضل أفتكر ذكرياتي مع كل واحدة فيهم؟؟ :) حبيت أوي القصة

عارفة إن القصة انت اللي كتبتيها :) بس عايزة أهديها ليكي. ممكن؟؟؟ انت أكيد فاهماني

مهما عدت الأيام و حصل مشاكل بيننا و بين الناس اللي بنحبهم، و مهما حسينا بالألم لأي سبب..دايما بيفضل لينا أحلى ذكريات ممكن نرجعلها في أي وقت و نبتسم لما نفتكرها
مش عارفة أقول حاجة :$، بس بجد حبيت صندوق اللعب اللي من صندوق إبداعاتك
:) سلام يا شرقاوية

Rania Lelah said...

عزيزى
كل منا له ذكريات داخل صندوق
الذكريات

خنئيا لكى بما تذكرت

تحياتى

sakayar said...

بما اني ولد ومش عندي صندوق لعب
لكن عندي درج اوراااااق
فكرتيني حضرتك بجد بده
كنت من فترة قريبة وانا ف مصر بفتح الدرج ده ... ولقيت حاجة كاتبها عني انا وواحد صاحبي وكان بقالها حوالي 5 او 6 سنين
لقتني بكتب بعض الامنيات والاحلام لينا
والغريب
انها اتحققت بجد
كأحداث ونجاحات وعلاقات
اول ما شوفتها رحتله جري ... هو يعتبر جاااري برضه بس بعدي بشارعين
بجد كانت فرحة جميييلة اوووي
شكرا ع الاسلوب الراقي في الكتابة
وشكرا انك فكرتينا بالمشاعر دي
تحياتي

كاشف الاوهام said...

جزيتى خيرا

*الطالبة عفو الله *زوزو said...

كا شاء الله قصة جميلة و بتحمل رسالة اجمل
جميل اوي الواحد يحافظ على الصداقة بالشكل دة
الصداقة شيء جميل جميل جدا بس لو نحس بيها و نقدرها
بارك الله فيكي اختي
دمتي في حفظ الله

Hadota ... حدوتة said...

السلام عليكم ورحمة الله وبركاته
ازيك يا جميل
البوست جامد اوى
احلى حاجة نحافظ على الحاجات الجميلة اللى جوانا

معلش انا بقالى كتير مش بجيلك ولا بعلق عندكمش تزعلى منى
انا والله حالتى صعبة اليومين دول

بس ان شاء الله من هنا وجاى هتابعك باستمرار


تحياتى ليكى

:)

Hadota ... حدوتة said...

نسيت اقولك معنديش صندوق لعب
ولا عندى لعب
:(

بس برغم كل حاجة بحاول احافظ على الحاجات الحلوة
بتاعت انقى ايام

:)

Lyssandra said...

جميلة أوي المشاعر دي

جميل كل الصفاء والنقاء اللي بيغلف البوست ده

دمتِ قلب نقي

lyssandra

حبيبة الروح said...

قصه جميله اوي بجد
يا ريت بجد بجد فعلا يعني كل الناس تحس وتفهم معني الصداقه
جميله قصتك

مبدعه فعلا

مي

ღϠ₡ღأمير الهدوءღϠ₡ღ said...

بجد بجد بجد
قصه
روعه

^^
يا سلام .. نفسي ذكريات الطفوله ترجع تاني

ولــــــــــو said...

كنت لسه ف الجو ده من يومين
مع الفارق
انا عندي الذكريات عبارة عن اوراق وهدايا وتذكارات
اوراق كتيييييييير جدا محتفظ بيها لكل مراحل عمري
كنا بنهد الشقه ونبنيها من جديد
وطبعا حاجاتي اللي محتفظ بيها من وانا ف تانيه ابتدائي لغايه دلوقت
لقيت نصها ضاع
طبعا مش متصورة زعلت واتضايقت اد ايه
بس اللي زعلني اكتر انه اكتشفت اني اختزلت كل معارفي واصحابي وزمايلي ف شوية ورق
الناس والعلاقات بتاعتي لقيتها مجرد ورق ضاع مع اول تغيير
اعتقد فهمتيني
دايما مواضيعك بتمس اللي بيقراها بطريقة ما

كل سنة وانتي طيبة

(green eyes) said...

حاجات كتير من الماضي بتخلينا نبتسم وبتكون سبب في اسعاد الاخرين
حلو احساس الحب دا اوي بينك وبين صديقتك وجارتك
اتمنى ان يديم الله عليكم نعمة الحب بينكم دائما.
تحياتي

أختكم فى الله said...

حبيبتى وحشتينى جدا جدا جدا

الموضوع بجد اكتر من رائع ايه الجمال ده كله

ما شاء الله اسلوبك وكلامك ومواضيعك كلها بتجننى


انا اسفة اوى على انى اتاخرت فى التعليق والله بتتابع مواضيعك كلها اول باول بي انتى عارفة بقى ظروف النت عندى

(:

ShimaaMahdy said...

بجد هدف القصه حلو قوى

احنا افتقدنا معنى الاصحاب فى الزمن دا للاسف

ربنا يديم عليكى انتى وصديقتك المحبه يارب

كل عام وانتى بخير

عالم حبيب said...

كم هي جميلة تلك المشاعر التي تملأ قلوبنا حنينا إلى الماضي الجميل .. اسأل الله لكي التوفيق

أخوكم : حبيب

بث تجريبي said...

السلام عليكم
الله بجد نايس احساس
عارفة صندوق اللعب دا فكرنى بالبوم صورى وانا صغيرة اينعم الصور اللى متبقية مش كتير بس بردو فيها ذكريات ليا
اغلب صور الالبوم دا صور اتاخدت فى عيد كل صورة فيهم كانت بطقم العيد الجديد بقعد اتفرج عليهم وافتكر العيد دا كان ازاى.
ميرسى اوى انك فكرتينى بذكريات جميلة

سلاموز.

نونو said...

مش عارفة اذا كان دة موجود حقيقى دلوقتى ولا لا
بس لو مش موجود احنا السبببب
فى الدنيا اللى مليانة غيوم والنفوس اللى بقيييييييت زفت

Amgad said...

لا تحزني لما ألم بكي
مادام قبلك لم تلوثه الظروف
ماشاء الله عليكي
بجد البوست ده فكرني بحاجات جميلة كتير اوي
وفكرني بذكريات جميلة
وحسيت قد ايه انتي عشرية
وبتحتفظي بالذكريات الجميلة جواكي
وقد ايه لسه جواكي معاني جميلة
افتقدناها
خالص تقديري وتحياتي

قلب ينبض لله said...

habiba

أنا يهمني أن المغزي يوصل للناس
وصدئئيني ياحبيبه
لسه في أصحاب بيحبوا بعض وبيخافوا علي بعض وبيموتوا في بعض


وطبعا طبعا حصلك الشرف أنك بئيتي أول تعليق عندي
انتي بئي اللي ماتنسيش الجمايل:D

salam

قلب ينبض لله said...

صاحب المضيفة

متشكرة اوي لكلامك وزوئك ومتابعتك المستمرة للمدونه

دمت أنت أيضا بكل الخير والسعادة

قلب ينبض لله said...

أحلي فراشة في الدنيا

بجد حبيتي القصة
طيب الحمد لله أنها عجبتك

هدية مقبولة ياقمر
فهماكي طبعا;)

أه عندك حق دايما عندنا زكريات حلوة وجميله ليه مانفتكرهاش دايما علشان نبئي مبسوطين وفرحانين في حياتنا

سلام ياقاهريه

وطبعا الشراقوة أحسن ناس
تئدري تقولي كلام غير دا :D

قلب ينبض لله said...

ازيك يارانيا

تئصدي عزيزتي :D

ميرسي أوي علي مرورك وكلامك

قلب ينبض لله said...

sakayar

ما أعرفش ليه صحيح الولاد ماعندهمش لعب زي البنات هما مش أطفال برده

المهم

أنا اللي شكرا أنك حكيتلنا حكايتك دي علشان
الللي بيمروا هنا في البلوج يعروفوا أن الحاجات دي بتحصل كتيير وأن لسه في ناس بتحب بعض بجد

وبجد نورتني

قلب ينبض لله said...

كاشف الأوهام

وجزيت بمثله

قلب ينبض لله said...

zizi

الصداقة من أجمل العلاقات الأنسانية اللي ممكن تكون بين الناس وبعضها
علشان كدا تستاهل نحافظ عليها

دمتي بكل الحب والود

قلب ينبض لله said...

حدوتة..hadota

وعليكم السلام ورحمة الله وبركاته

الحمد لله ياقمر كويسه

ولا يهمك ياجميل مش زعلانه والله
ربنا معاكي بس اليومين دول وكل الأيام

وطبعا أبئي سعيدة جدا لما تتابعي مدونتي

تحياتي ليكي

قلب ينبض لله said...

حدوتة

ههههههههه
طيب ماتزعليش نفسك
كفاية أن عندك زكريات جميله وكفاية أنك حد بيحافظ علي الحاجات الحلوة اللي عنده

قلب ينبض لله said...

lyssandra

وجميل أوي ردك وتعليقك

دمتي أيضا قلب نقي وجميل

قلب ينبض لله said...

مدينة الملائكه

مبدعة فعلا

من بعض ماعندكم

وميرسي أوي علي كلامك الجميل

نورتيني ياقمر

قلب ينبض لله said...

أمير الهدوء

ومين فينا مايتمناش لو ترجع بيه أيام زمان

البلوج نور ياسمو الأمير:)

قلب ينبض لله said...

ولو

أه فهمتك طبعا
بس ليه ماتحاولش تشوفهم تاني وتكلمهم مجرد أنك تطمن عليهم
مش لازم العلاقات ترجع زي الأول
بس مجرد أنكوا ترجعوا تفتكروا بعض

سلام

الكاتب احمد كاجوال said...

السلام عليكم
بعد التحية و السلام نفيدكم علما بأن مدونة
شباب الصحبة
بدأت المرحلة الاولي من العمل و نحن نقدم الان أجرأ و أكثر المقالات التي تتنوع ,, نرجو منكم المشاركة من جديد ابداء الرأي علي المواضيع وبدأ التعليق ,, كما أرجو المشاركة في الاستفتاء

دة أمل ليا و شرف ,, انا حكون سعيد لو تمنحهولي

مجهود أكثر من 5 شهور ينتظر أجابة فرد

و جزاكم الله خيرا علي كافة الاحوال
http://so7bah.blogspot.com/

حياة تستحق الانقاذ said...

معظم ما احتجت فعلاً لمعرفته ، هو كيفية العيش وما ينبغي فعله وكيفية تكويني ، تعلمته في السنوات الخمس الأولى من طفولتي ... لم تكن الحكمة عل قمة جبل ، ولكن كانت في صندوق ألعابي الذي لطالما كرهت أن يفسد تنظيمه أحد


تدوين رائع
وادعوكي لزيارة مدونتي

www.omelmees.blogspot.com


ام المييس

الخيط الرفيع said...

الوووووووو
مش عارفة سرحت معاكي في حاجات كتير
شكرا
بجد شكرا
يارب تكوني بخير

Rushdy Kamel said...

جميلة جدا
ان الواحد يهتم بعواطفه وذكرياته

تحياتي

حمامة said...

قصصك جميلة جداً يا رودى

شوفتى الصديقة ادت لصديقتها افضل حاجة عندها واقرب حاجة لقلبها
حاجة بجد جميلة

زى ما قولتى مهما حصل لينا مادام قلبنا لسه نضيف يبقى منزعلش

:)

نبراس العتمة said...

هناك مدونات تدخلها فتحس أنك خرجت من زحمة الدنيا لتدخل إلى فسحة القلب..

حقا هي مدونتك قلب مفتوح مليء بالدكريات والأحلام والورود..
لك محبة لا تشيخ

abo salah said...

بعد السلام عليكم

هنيئا لكى بقلب لم تلوثه الظروف
قلب لم تنجح الأيام وما تخفيه فى تعكير صفاءه
لم ينجح السواد فى أن يمس بياض صفحته

قصتك تحمل معانى جميلة أكثر من سطورها
وتحمل رسالة راقية نبيلة
نجحتى فى توصيلها
بسردك الرائع
وكتابتك الراقية

احييكى على قصتك
وأشكرك على زياراتك الكريمة لمدونتى المتواضعة
دوما مدونتى ترحب بكى وتتشرف بزيارتك

تحياتى
وكل سنة وأنتى طيبة وإلى الله أقرب

قلب ينبض لله said...

green eyes

ربنا يستجيب دعائك ومايفرقش بين اتنين بيحبوا بعض أبدا

سعدت جدا بمرورك

قلب ينبض لله said...

أختكم في الله

سمسم حبيب ة قلبي
أنتي كمان وحشتيني خاااالص فيييينك من زمااان

اااااااااه ظروف النت ؟!!
طبعا عارفاها
ولا يهمك ياجميل تنورني في أي وقت:)

قلب ينبض لله said...

shimaamagdy

الزمن دا وأي زمن سهل نفقد فيه كل حاجة جميله بس دا بيحصل في حالة واحد لما نرضي ونوافق اننا نفقد الحاجة دي

كل واحد لازم يحافظ علي الحاجه الحلوة اللي عنده وعلي الأشخاص اللي بيحبهم وبيحبوه

أتمني تكرار الزيارة والبلوج نور بزيارتك

قلب ينبض لله said...

عالم حبيب

وأنا أيضا أسأل الله لك كل التوفيق والخير

تحياتي

قلب ينبض لله said...

don't press f1

وعليكم السلام ورحمة الله وبركاته

أنتي اللي نايس كومنت وتعليق والله

بس أيه حكاية لبس العيد دا هما بطلوا يجيبولك لبس للعيد ولا أيه؟

لالالالالالالا الكلام دا ماينفعش أنتي لازم تحتجي :D


سلام ياجميل

قلب ينبض لله said...

نونو

أيوا موجود لسه في ناس بتحب بعض بصدق وأخلاص

ازاي تسألي سؤال زي دا وانتوا ماشاء الله 8 بناتيت زي الورد ولا أيه؟:):):)

نورتيني ياجميل

قلب ينبض لله said...

amagd

متشكرة بجد علي كلامك الجميل وأطرائك
والحمدلله أني فكرتك بزكرياتك الجميله
دايما أفتكرها
الزكريات الحلوة نعمة من عند ربنا

دمت بكل الخير والسعادة

قلب ينبض لله said...

المدون /أحمد كجول

وعليكم السلام ورحمة الله وبركاته
ربنا يوفقكوا في اللي بتعملوه ويكون بداية للأصلاح والتغيير
وأنا فعلا زروت المدونة ولائيت شغل جامد جدا
ربنا يعينكوا ويكلل مجهودكوا بالنجاح يارب

قلب ينبض لله said...

مجموعة حياة

أنت قولت جمله حلوة أوي أوي

"لم تكن الحكمة عل قمة جبل ، ولكن كانت في صندوق ألعابي الذي لطالما كرهت أن يفسد تنظيمه أحد"

وأتمني تكرار الزيارة

قلب ينبض لله said...

الخيط الرفيع

ازيك يارفيدة ؟
أيه النور دا كله

الحمد لله ياقمر أنا بخير أطمني خااالص وحطي في بطنك بطيخة صيفي:D

قلب ينبض لله said...

big code

والأجمل من هذا هو مرورك عندي

تحياتي لك أيضا

قلب ينبض لله said...

حمامة

أنا قصصي جميله
ربنا يخليكي ليا يارب
:)

اه شوفتي الصداقة حاجة حلوة زاي

سلام ياقمر

قلب ينبض لله said...

نبراس العتمة

ياااااااه ربنا يخليك علي زوئك وكلامك
أتمني فعلا تفضل مدونتي كدا علي طول

أول زيارة وأتمني ماتكونش الأخيرة

قلب ينبض لله said...

abo salah

وبعد عليكم السلام

مبسوطة أوي لزيارتك لمدونتي
ومبسوطة أكتر لكلامك علي المدونة وعلي صاحبة المدونة اللي هو أنا طبعا

وأتمني تنورني دايما

momken said...

جميل اوى

انتى حد جميل ومحترم اوى

انا جاى اقولك كل سنه وانتى طيبه
وبالف خير

تقبل الله منكم الطاعات

تحياتى

في حب مصر said...

من خلال القصة الصغيرة دي وصلتي لصفيتين مهمين جدا بقينا بنفتقدهم دلوقت للاسف.. براءة الطفولة.. والصداقة الحقيقية..
قصة جميلة ومعبرة
تقبلي تحياتي

Unknown said...

اسجل المرور الاول بمدونتك
مدونة رقيقة
اتمنى لك التوفيق والى الامام
تحياتى

ذو الوجه المبتسم said...

بشعور يملؤه الحب
اجمل التهانى
بحلول شهر رمضان المبارك
كل عام وانتم بخير

القلب الطيب said...

جميل اوى الموضوع ده يا أجمل قلب فى الكون ويارب تكون الموضيع اللى جايه تكون جامده كدا وربنا معاكى يا أجمل قلب



تكياتى لكى

القلب الطيب

ولــــــــــو said...

كل سنه وانتي بالف خير ويارب رمضان السنة دي تتوفقي وربنا يكرمك ويغفر ذنوبك
بالتوفيق وبعد رمضان اتمنى الاقي بوستات كتيييير
بالتوفيق
وعساكي من عواده

قلب ينبض لله said...

momken

يااااه متشكرة جدا جدا علي كلامك

وكل سنه وأنت بألف صحة وخير وسعادة

ميرسي أوي علي كلامك ودعائك
وبجد أسعدني تعليقك

تحياتي

قلب ينبض لله said...

في حب مصر

طيب الحمد لله أن هدف القصة وصلك وأن القصة عجبتك

نورت المدونة وأتمني أن الزيارة دي ماتكونش الأخيرة

سلام

قلب ينبض لله said...

medus

تم تسجيل الدخول بالفعل
والمدونة بتقولك أهلا بيك


لك خالص تحياتي

قلب ينبض لله said...

ذو الوجه المبتسم

وانت بخير وسلامة

ورمضان كريم

قلب ينبض لله said...

القلب الطيب

الحمد لله أن البوست نال أعجابك
وأن شاء الله البوستات الجاية تكون أحسن وأحسن

تحياتي

قلب ينبض لله said...

ولو

وأنت طيب وبصحة وسلامة

وربنا يبلغنا رمضان اللي جاي ورمضان اللي بعده واللي بعده
ونكون من عتقاء النار فيه ياااااااااااارب

سبئتني بالتهنئه بقدوم شهر رمضان
يابختك تتعوض أن شاء الله في العيد بئي
:D

سلام

عايش... ولكن !!!! said...

الحقيقه اللى بقت فى حياتنا شوية الزكريات اللى بقينا بنعيش فيها لما نشوف حاجه قديمه نفضل نفتكر زكرياتنا معاها
مع ان الزهيمر عامل عمايله الايام دى هههه
بس بجد اجمل شىء الزكريات دى
تحياتى
علاء

YOTTA said...

لو القلوب تفضل صافيه زى ما بتتولد
كانت الدنيا بقت احلى من كده بكتير
..

اما فكرة الذكريات
فأد ما بتفرحنى ذكرياتى وحاجاتى الصغيرة اللى محتفظة بيها
أد ما بتوجعنى حقيقة انى مش هاقدر ارجع ايام فاتت تانى
..
الغنوة اللى ع البلوج حلوة على فكرة
..
كل سنه وانتى طيبة

عروسة ننوسة said...

مشاعر حلوة اوى ربما نكون قد افتقدناها الان مع ظروف الحياة
تسلمى على البوست

kochia said...

رقيق اوي الموضوع ده
وبيوصلنا لحاجات كتير بنفتقدها في حياتنا للاسف

موضوع مميز
تحياتي

قلب ينبض لله said...

عايش ولكن

هو أنت كمان الزهايمر موجب معاك

كان الله في عونك
:)

سعيدة جدا بتعليقك ونورت المدونة

قلب ينبض لله said...

yotta

لالا لالا حزن أيه خلاص اللي راح راح صحيح وعمره ماهيرجع بس خلينا نبتسم ونفرح أن حياتنا فيها حاجات حلوة وجميله

الحمد لله أن الأغنية عجبتك

نورتيني ياجميل

قلب ينبض لله said...

عروسة ننوسة

ربما نكون أفتقدناها لكن لازلنا نزكرها

نورتي البلوج

قلب ينبض لله said...

kochia

مبسوطه لأن البوست عجبك وأتمني ماتكونش دي الزيارة الأخيرة

نورتيني