Wednesday, September 24, 2008

خامس تااااج






التاج دا وصلني من مدون جامد جدا وقديم جدا في عالم التدوين وهو المهندس الكبير أوي حاتم صاحب مدونة ولو

هواياتي
التدوين والقراية والنت والسفر والشوبنج طبعا لما تكون الحالة المادية كويسه
وكان زمان ركوب العجل اللي مابئاش متاح ليا غير في المصايف وبس غير كدا ركوب العجل مستحيل


اشهر عيوبي
الكسل أحيانا وأني بنسي كتيير زهايمر يعني تقدروا تقولوا أن في حد واخد عقلي
لالالالالا ياجماعة مفيش حد واخد عقلي ولا حاجة دا أنا بهزر


حاجات بكرها جدا
الأنتظار والقلق والملل والأكتئاب وخصوصا الأكتئاب

حاجات بحبها قوي ومش بمل من تكرارها
أي
حاجة بتشغلني بجد وبتفدني مابملش منها
زي القراية مثلا

سؤال بيستفزني
أنتي خريجة المعهد؟ أصل أنا عئبالكوا أشتغلت معيدة في معهد هندسة العاشر وأنا
أصلا خريجة هندسة الزقازيق فكل ماحد يشوفني هناك يسألني السؤال دا
هي الأمتحانات هاتبدأ

أمتي؟ معاكي جدول الأمتحانات؟
أنا عمري مانقلت جدول أمتحانات ولا عمري شغلت بالي هي هاتبدأ أمتي
فلما حد بيسألني السؤال دا ينرفزني لأنه بيفكرني بالأمتحانات
وطبعا الأمتحانات دي معبودة الجماهير أقصد مقرفة الجماهير
أيه دا خطك عامل كدا ليه؟
أصله شبه الخط الكوفي كدا او الخط الفارسي
أو أي خط من الخطوط العربيه القديمة أنا بصراحة ما أعرفش هو خط أيه
ماحد يشوفه يقولي انتي بتكتبي كدا أزاي
رغم اني أدخلت عليه تغييرات كتير علشان يبئي شبه الخط المصري بس برده لسه بيستغربوه


امنيتي في الحياة
لو أعتبرنا أن الأمنية زي الحلم فأنا قولت قبل كدا في التاج اللي فات
اني أموت وأنا علي دين الأسلام أن شاء الله يارب
ولو أعتبرنا أنها مش حلم ومجرد أمنية تتحقق وانا عايشة
نفسي أبئي سيدة أعمال وما أعرفش ليه؟



حاجات مؤمن بيها جدا
أن بعد العسر يسر كل مابتحصلنا مشكله وتكبر وتكبر ببئي عارفة أن بعدها فرح وخير
أن الأنسان هو أروع وأجمل شخص في حياته علشان كدا لازم يتصالح مع نفسه ويثق فيها بالفعل مش بالكلام
الألم مابيوجعش غير صاحبه

اكتر حاجة فاشل فيها
الرسم بكافة أنواعه الهندسي أو العادي
أشغال التريكو والخياطة والحاجات دي

وظيفة بحبها
اللي بيشتغلوا في مجال الأعلانات ومدربين التنمية البشرية والمحامين وعلماء النفس

مثلي الاعلي في الحياة
أي حد بيحقق المعادلة دي النجاح + الذكاء+الأخلاق+العلاقة الطيبه بالناس
ببئي نفسي اكون زيه



وطبعا كالعادة بهدي التاج لكل حد يملك الوقت والدماغ أنه يجاوب عليه
بس شرط مايركنوش عنده كتيير زي ما أنا بركن التاجات كدا لحد ماتاجات كتيير أوي ضاعت مني أدعولي ألائيها

يلا سلام


29 comments:

kochia said...

التيجان لمن يستحقها
لفت نظري السؤال اللي بيستفزك .. هو فعلا يضايق وساعات تبقي عاوزة تحطي يافطة بدل ما تتسئليه
بس هي الناس كدة
وكمان عجبني ان الانسان لازم يتصالح مع نفسه
عندك حق
الالم ميوجعش الا صاحبه
كلام حكيم والله

تحياتي

نـــــور said...

تانى تعليق تانى ؟ظ ععععععععععع
انا بتظلم فى بلوجر ده
انا لاااااازم اسيبه :(

اولا تلاته مليون وخمسميه خمسه وتلاتين الف وربعميه وعشره مبرووووووك عالوظيفه الجديده وماتسالنيش ليه الرقم ده علشان معرفش هههههههه
المهم انى فرحتلك اوى وانتى عارفه

وثانيا حلوه حكايه الانسان اغلى شئ فيه ده ولازم يتصالح مع نفسه
والله وقفت قدامها كتير

والله وحشتينى والمنصب الجديد اخدك مننا
اوعى تعملى بشمهندسه عليا بقى
ودينى اقطعك :)

تحياتى احبيبتى وكل سن وانتى طيبه بمناسبه العيد الكبير مش الصغير
علشان ابقى اول واحد قالتلك كده هههههههههه
هبله مش كده
؟
عارفه
سلااااااااااام

أختكم فى الله said...

ايه الاجابات الجامدة دى

اصلا التاج جميل جدا

واجاباته رائعة

وحشتينى يا حبيبة قلبى

انا كمان باعتالك تاج


ادخلى حليه بقى

Sweet Violet said...

أن الأنسان هو أروع وأجمل شخص في حياته علشان كدا لازم يتصالح مع نفسه ويثق فيها بالفعل مش بالكلام

الألم مابيوجعش غير صاحبه

عندك حق بجد

التاج جميل و الاجمل اجابتك

كل سنه وانتِ طيبه

صاحب المضيفة said...

اجابات رايقة وبسيطة وتلقائية



ربنا يسعد قلبك يارب


تحياتي

كـــيــــــــارا said...

اجاباتك جميله اوي

وعجبني اوي الحاجات اللي بتستفزي منها

الا صحيح خطك عامل كده ليه :)

بهزر طبعا

كل سنه وانتي طيبه

تحياتي

مـجـنـووون said...

تشرفت بالتعرف بيكي

وربنا يحقق ليكي كل أحلامك

تقبلي مروري
مجنووون

Rania Lelah said...

اجابتك عسوله قوى و يا رب يحققلنا كلنا الامنيه دى
نموت و احنا على دين الاسلام

تحياتى يا جميله و عذرا للتقصير

Amgad said...

هههههههههههههه
ايه الروح الجامده دي في الاجابات
هي الأمتحانات هاتبدأ
أمتي؟ معاكي جدول الأمتحانات؟
بجد حاجه مقرفة فعلا
وبرده الاذكية بتوع خريجة المعهد
هو من الحق انتي قسم ايه
وقبل كل ده مبروك علي انك بقيتي معيده
في المعهد اللي انتي متخرجه منه(وش مطلع لسانه)
علي كده بقي نقولك يا باشمهندسة
وده جميل اوي انك كده وانتي لسه صغيره
وعقبال لما تاخدي الاستاذية ان شاء الله
انا جاوبت علي التاج بتاعك اللي مررتيهولي
وبجد جه في وقته
امنية اخيره
لما اجي اتكلم عليكي اقول قلب ينبض لله
ولا فيه اسم ممكن اقوله
اتز اب تو يو
خالص تحياتي

أ / أحمد عبد المنعم said...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم
وأدعوك لزيارة مدونتى " أمــــى "

Wish I were a Butterfly ... said...

كل سنة و انت طيبة يا صاحبتيييي
:))

و لا صحيح أقوللك يا دكتورة؟؟ هم أكيد مش بينادوكي باسمك في المعهد

على فكرة بعد رمضان مش ليكي حجة.. أي وقت تلاقيكي فاضية شوية لازم أشوفك و انتهز فرصة إنك في كايرو
:) بتنوريها بجد

النت رجع على فكرة :)). الله أعلم علطول و لا.... ما خلاص اتعودت بأة

هقرأ التاج للمرة التانية بتركيز و آجي مرة تانية أعلق
هابي عيد :)

ليكوريكا said...

الف مبروك عالوظيفه الجديده

ويارب دايما من نجاح لنجاح

واي حد ينرفزك قوليلي وانا اجيبله ضفدعتين من بتوعي

او فار ابيضاني من بتوع الفارما

تيجانك كلهم اجمل من بعض

وكل سنه وانتي طيبه دايما

عيدك حياه ::: حياتك عيد

ليكوريكا

حنين.. said...

كل سنه وانتى طيبه يا قمر
والف مبروك على الوظيفه
ووفقك الله لما يحبه ويرضاه
والحمد لله ما طلعتش بنسى لوحدى
انا مره بقى حطيت ماده مكان ماده
وربنا سترها
دمتى سالمه

إنسان مقيد said...

عزيزتي ذات القلب التابض

عيد سعيد

تحياتي

Anonymous said...

عزيزتي ذات القلب النابض
انتي عارفه انا قريت البوست ده كم مره
من يومل ما اتنشر وانا كل ما اجي ملقيش جديد فقراه بس دلوقت شدتني اوي جمله ان الالم مبيوجعش غير صاحبه

صح اوي

قلب ينبض لله said...

kochia

ماهي الناس بتسأل وماتبئاش فاكرة ان أسئلتهم دي مستفزة
بس أهو الواحد هايعمل أيه؟
خليها عليا بئي

نورتيني ياقمر وكل سنة وأنتي طيبه

قلب ينبض لله said...

habiba

أنتي عاوزة تسيبي البلوج علشان أنتي تاني تعليق علي كدا بئي أنا المفروض أكون سيبت بلوجك من زمان

الله يبارك فيكي ياقمر وعئبالك أن شاء الله أه أنا عارفة انك فرحتيلي طبعا
ربنا يخليكي ليا يااارب

وكل سنة وانتي طيبه ياقمر

قلب ينبض لله said...

أختكم في الله

مش أجمل منك ياقمر

وأنتي كمان وحشتيني بجد فيييينك؟

أه أنا شوفت التاج عندك وأخدته
تاج مقبول منك ياقمر

قلب ينبض لله said...

ضد التيار

وأنت طيب وبصحة وسلامة

ونورتني انا والبلوج

قلب ينبض لله said...

صاحب المضيفه

ربنا يسعد قلبك أنت كمان ويكرمك

تحياتي ليك

قلب ينبض لله said...

كيارا

ههههههههههههه
خطي عامل كدا علشان هو خطي طبعا

كل سنة وانتي طيبة ياجميل

قلب ينبض لله said...

مجنوووون

انا أيضا تشرفت بتعليقك في البلوج


ربنا يكرمك

تحياتي

قلب ينبض لله said...

rania

ربنا يخليكي ليا ياجميل
وربنا بجد يسمع منا ويستجيب ونموت واحنا علي دين الاسلام

تحياتي ليكي ياقمر ولا يهمك

قلب ينبض لله said...

amgad

أنا هندسة قسم اتصالات واليكترونيات
الله يبارك فيك وربنا يكرمك ويوفقك

اه ما أنا شوفت اجاباتك حلوة اوي

بص بخصوص تناديني بأيه في ناس بيقولولي ياقلب وفي ناس بتقولي يارضوي

قول اللي تحب تقولهولي أتز أب تو يو :D

وكل سنة وانت طيب

قلب ينبض لله said...

أحمد

وكل سنة وانت طيب

وربنا يتقبل مننا صالح الأعمال

قلب ينبض لله said...

أحلي قراشة في الدنيا

وانتي طيبه ياهبة ياقمر

لا لا دكتورة أيه مفيش بينا ألقاب ياقمر

أن شاء الله قريب أوي أوي هانتقابل

اخيرااا حمدالله علي سلامته أن شاء الله مايقطعش تاني

قلب ينبض لله said...

ليكوريكا


الله يبارك فيك
عئبالك ان شاء الله قريب جدا
هههههههههههههههههههههههه
شايلينك لللكبيرة بس حافظ انت علي الضفادع والأرانب بحيث يبئوا جاهزين علي طول:)


وأنت طيب

الله حلوة أوي عيدك حية وحياتك عيد دي
بجد نورتني

قلب ينبض لله said...

حنين

وانتي طيبه ياجميل
الله يبارك فيكي

ايه دا انتي طلعتي انت كمان بتنسي
أهلااااااااا بيكي في عالم النسيان ياجميل

قلب ينبض لله said...

أنسان مقيد
وأنت طيب وعيد سعيد

أنا نزلت بوست جديد اهو علشان ماتقولش اني بتأخر في تنزيل البوستات

اه فعلا الألم مابيوجعش غير صاحبه
والشكوي لغير الله مذله

أخيرا رجعت ترد في الصومعه:)