صورة أبيض وأسود وصورة بالألوان
يعني صورة من وقت قريب وصورة من زمان
أشخاص كتير في الصورتين
أمي وأبويا وأختي وأخويا
انما أنا ماكنتش موجودة في الحالتين
سألت
هو أنا كنت فين؟
مالائيتش إجابة منهم
شغلت شريط الزكريات
أدور فيه علي نفسي وقت الصورتين
لائتني في الصورة الأبيض وأسود ماكنتش لسه جيت للحياة
ولما وصلت بئيت لوحدي أنا وقلبي والحزن اللي جواه
وأما راح الحزن منه وأما رجعتله ابتسامته
كان الوقت فات
والمصوراتي مات
49 comments:
المصوراتي مات
طيب روحي استوديو غيرة بس ابقي حاولي تخلي نفسك في الصورة
وحطي خط تحت حطي نفسك
كل سنه وانت أرق صديقة ليا
عيد سعيد
هو مالكم بس كذا مدونه الاقي الحزن ماليها ليه
انتي قلب ينبض بحب الله وادم حب الله جوا قلبك يبقي مفيش اي هم ولا اي حزززززن
قولي يارب
وروحي لمصور تاني علي راي الخيط الرفيع .....
صدقيني مش السعاده انك كنتي تلاقي نفسك في الصورتين دول
ذكرياتنا مش لازم تبقي اجمل حاجه فحياتنا
بايدنا نغير بكره ... لكن مستحيل نعدل ثانيه واحده من امبارح
كويس ان المصوراتي مات ... عشان ميسجلش امبارح ويفكرنا بيه
ليكوريكا
لالالالالالالالالالالا
مش خير ولا ايه؟؟؟؟؟
ازيك ياقمرى
ماتشغليش بالك بالصور ياقلب
تعرفى انك لومالقيتيش نفك فى الصورتين بجد ليكى حق تزعلى
لكن وبعديييييييين؟؟؟
اقولك حل ظريف ؟
ماتحاوليش تحطى نفسك بالعافيه فى اى صورة فيهم
ولا تدورى على مصوراتى تانى يعملك واحده
ايه رأيك ؟؟؟ ارسمى انتى بايدك صورة ليكى
واعمليها ابيض واسود وكمان الوان
وحطى فيها اللى انتى شايفاه من ذكريات ماضى واحداث حاضر
والاهم
ماتنسيش احلام مستقبل لانها هى دى اللى هتديكى القوة علشان تكملى رسم الصورة
عيد سعيد عليكى ياحبيبتى يارب
مش شرط اكون ف صورة محطوطة ف البوم محطوط ف درج ماليه التراب علشان يبقى ليا وجود
المهم الناس اللي ف الصورة دي لما يبصوا للصورة يقولوا حسارة
هي فين ؟ ليه مش كانت معانا ساعاتها ؟
الصورة ناقصها حاجة
وبعدين لو قافله معاكي وطالبه تتصوري
اتصوري بس صدقيني ليس بالصورة يحيا الانسان
ههههه
كل سنة وانتي طيبه
هو انا قلتلك انتي بتجيبي الحاجات دي ازاي ؟
لو الهام قليلها تعدي على اخوكي الغلبان ولو
اصل الهام منفضالي خااااااااااااااااالص
انت فى قلب محبيك واصدقائك وكل من حولك
اعلم انه عندما ينظر الانسان الى صورة .. يبحث عن نفسه داخلها .. فان لم يجدها .. يزيحها غير مكترث
لكن اعتقادى انه من المهم ان يكون لنا وجود فى قلوب ونفوس الجميع .. ولابأس ان تواجدنا فى صورة
كل سنة وانت طيبة
هارفة
قريت البوست عدة مرات
حاسة انه صغير بس كله كلام
بس الاهم الاهم رغم الحزن اللي كان
انه راح الحزن ورجعت الابتسامة
وطول ماحنا عايشين مفيش وقت فات
ودوري علي مصوراتي تاني رغم انه مش لازم
كفاية انك بتبتسمي
تحياتي
البوست جميل اوى اوى
بس ليه الحزن ده
ان شاء الله كلنا نقدر نلحق نفسنا قبل ما المصوراتى يموت
وحتى لو
ما هو فيه مصواراتية كتير يا دودو
تسلم ايديكى
احساس عالى قوى ربنا يزيدك
كل سنة وحضرتك بخير
تسلم ايديكى
وسعدت بلقاء الشرقية الجميل
احمد
عزيزتي ذات القلب النابض
جايز في صور تضم ناس واحنا مش معاهم بس موجودين في قلوبهم حتى واحنا مش شايفين
في صور ملموسه وفي صور محسوسه فياترى ايه النوع اللي دورتي فيه
في اشخاص تانين عندهم صور ليك وانتي بتضحكي وصور ليك وانتي زعلانه ياريت متنسيهمش
انا داخلة اقولك
كل سنة وانت طيب
وتقبل الله منك صالح الاعمال
بكرة يبقي ليكي أحلي صورةبالألوان....مع من تحبين!
عيدك .........مبارك ياجميلة
ايه الكئابه دي
جميله الوزنه في الكلام
تسلمي من كل حزن وشر
محمد رضا
شخصية عامة
حلو اوى اوى ماشاء الله
البوست مليان اوى
ومكثف اوى اوى
وبيلمس المشاعر اوى
تسلم ايدك
تحياتى
أسلوبك جميل أوي أوي أوي
انت بجد مبدعة ماشاء الله
في أسلوب كتابتك و في أفكارك الجديدة
بتجيبي الكلام دة منين بجد؟؟
:)
يمكن كان المصوراتي مات يا قلب، بس إن شاء الوقت مش يكون فات
طول ماإحنا لسة عايشين و بنتنفس إم شاء الله حاجات كتير ممكن تتغير للأحسن لسة
كلامك عجبني أوي أوي بس كمان مليان حزن!!خايفة تكوني لسة حاسة كدة:(. ياريت تطمنيني عليكي عشان مش عارفة أوصل لك
خدي البوسة دي مني ليكي ;)
اهلاً رضوى
مدونتك جميلة جداً جداً
وسعدت اوى بلقاؤك فى ملتقى المدونين العرب
تقبلى منى كل تحياتى
اسلام ديو
السلام علييييكم
على فكرة انتي غلطتي في الذكريات بقى يا استاذة قلب
الصورة الابيض واسود كنتي انتي اللي مصوراها بنفسك علشان كده مطلعتيش فيها وكمان كنتي انتي اللي عاملها لونها ابيض واسود علشان تبان من زمان علشان تحسسكم كإنها ذكرى قديمة اوووي
والصورة الألوان لو تفتكري وقتها كنتي واقفة ف الصورة وبعدين جالك تليفون رحتي تردي عليه وبعدها نزلتي تجيبي شوكولاته علشان كده مش اتصورتي معاهم
افتكري افتكري كويس هتفتكري
والمصوراتي مماتش صدقيني هو ممكن الاستديو نقل من الشارع لمكان تاني بس
وطول ما الضحكة ف قلوبنا ... ياللي بتنبضي بالله - حلوة تنبضي دي؟؟- هنبقى مش محتاجين لصورة تفكرنا بالضحكة ... هنبقى عايزين نشوف الحقيقة أدامنا ونعيشها بلحظتها بضحكتها
مش مهم زمان انا كنت فين ... المهم
دلوقتي وبكرة انا رايح فيييين؟؟؟
ربنا يسعدك ودايما تكوني موجودة ف فلاشات حياتك سعيدة ومبسوطة وقريبة من ربنا
ركزي في الصور الجاية :)
و اوعي تقبلي الا مكان ظاهر في وسط الصورة ..
:)
و اعرفي يا حبيبتي ..
ان انتي اهم ما في الصورة :)
فهمتيني؟؟
:)
دمتِ بكل الخير.
ايه الكلام الجامد ده
بجد تجسيدرائع للماضي والذكريات
يمكن المصور مات
لان زمنه وحدود زمنه انتهت
لكن دوري هتلاقي مصور تاني
هيصور اجمل ابتسامه ليكي
وهيجي وقت وهيموت
وهيظهر غيره
هي دي الحياه
وهي دي الدنيا
:)
سلام
أمير الهدوء
ايه الحزن دة وكل دة عشان صورتين
مش المهم انك تشوفي نفسك في الصورتين
أتمنى انك تزوري مدونتي عشان هي لسة جديدة ومحتاجة تشجيييييييييييع
Welcome back
:)
هو انتو ايه حكايتكوا
الواحد يغيب اسبوعين يرجع يلاقي
اللي اعتزل واللي قرر ميكتبش تاني
واللي قفل مدونته
ليه الجو العام كله ياس
وبعدين لو كنتي قفلتيها من غير متقولي
مش بس كنا هنزعل
كان في حاجه اكبر من الزعل
وحتي لو قفلتيها بمعرفتنا برده هنزعل
يعني كده كده خسرانه
بليز يا رضوي ارجعي عن اللي في دماغك
تحياتي وتمنياتي بالتوفيق وزوال الغمه
سيبك انتى
فكرة البوست جميلة جدا
انتى فنانة بجد
حمد لله على سلامتك ومستنيين بوستات كتير
تحياتى
الخيط الرفيع
أزيك يارفيدة؟منوراني والله
وانتي كمان أجمل وأطيب صديقة ليا
حاضر ياروفي ها أدور علي أستوديو يكون المصوراتي بتاعه شاطر علشان أطلع حلوة في الصورة:)
كيارا
علي فكرة والله بجد اللي يقرب من ربنا وهو حزين وزعلان هايرتاح جامد صحيح يمكن الحزن مايروحش ويفضل موجود بس ربنا بيساعده يعيش ويتأقلم ويا الحزن دا
ربنا مايجيب حزن ولاهم أبدا
هههههههههه حاضر ها اروح بس ابئوا تعالوا اتصوروا معايا
سلام ياقمر
ليكوريكا
الماضي مهم زي مالمستقبل مهم
كلامك فكرني بفيلم أجنبي اسمه آلة الزمن
وجهة نظر الفيلم زي وجهة نظرك بالظبط
habiba
خير طبعا يانور
وبعدين:)
بس أنا مابعرفش أرسم يانور
أممممممممممممم خلاص أتعلم حل حلو برده
ربنا يكرمك يارب ويحققلك كل اللي بتحلمي بيه
ولو
الصورة نائصها حاجة
امممم فعلا الصورة نائصها حاجه:)
ههههههههههههه لا هي مش طالبه معايا تصوير بس برده ها أصور:)
وانت طيب
ههههههههههههههه
حاجات أيه اللي بجيبها بلاش مبالغة دي خواطر عادية أنت بتكتب أحسن من كدا بكتيير
وبعدين لو عاوز رأيي بلاش تتعرف علي ألهام أصلها متعبة جدا وهاتتعبك معاها:D
sherif
أيوا يعني لازم نتصور الصور مهمه علشان الأجيال اللي بعد كدا
حضرتك بتشرفني دايما بتعليقك
kochia
لعلمك ياكوشيا البوست دا في أسرار عسكرية عني بس أنا طبعا مشفراها:)
يعني اللي يقراه كتيير هايعرف عني كتيير
الله عليكي حلوة أوي الجمله اللي انتي كتبتيها دي
كفاية انك بتبتسمي
أختكم في الله
مش أجمل منك ياسمسم
أن شاء الله مفيش حزن ولا حاجه
هاتعدي علي رأي تامر عاشور:)
mohamed ghalia
ربنا يزيدك أنت كمان وميرسي علي كلامك
وكل سنة وحضرتك طيب
ahmed al-sabbagh
ربنا يخليك
وأنا كمان سعدت بلقاءك وبلقاء باقي المدونين
حمد الله علي السلامه ياقمر وعودا احمدووووا
أنسان مقيد
الصور في الأول بتكون ملموسة وبعد كدا بتصير محسوسة لانها بتبئي زكريات
قولي صحيح مين الناس دول اللي عندهم صور ليا
لازم أكون أعرفهم وألا تبئي كارثة:D
سبهلله
طيب بس كدا مش هاتعلقي علي البوست الحزين ييه اقصد الجميل دا:)
عموما كل سنة وأنتي طيبه ياقمر وربنا يكرمك يارب
sabrina
ربنا يسمع منك ياقمر وأتصور مع الناس اللي بحبهم
نورتيني:)
dr.mohammed reda
هههههههههه أه عندك حق هي كآبة فعلا
بس يلا أهي حاجة كدا علي الماشي
momken
بجد عجبك؟
طيب الحمدلله
يارب دايما اللي أكتبه يعجبك ويلمس شيء جواك
wish i were butterfly
علي فكرة بئي أنتي جميله أوي
وعلي فكرة كمان حضري نفسك كويس علشان نويت أتصور معاكي:)
سلام ياحتة سكرة
اصحي يامصر:اسلام ديو
أهلا بيك يا أسلام
وأنا كمان سعدت جدا بلقائك
وان شاء الله تتكرر المقابله
سلام
sakyar
وعليكم السلام ورحمة الله وبركاته
تصدق أنا أول ماشوفت ردك مابطلتش ضحك
علشان كدا اسمحلي أشكرك علي الضحكة الجميله اللي ضحكتها
ربنا يرزقك السعادة كلها
بس أنت عرفت منين التفاصيل دي كلها شكلك واصل :)
قهوة بالفانيليا_شيماء عليا
أركز في الصور الجايه أمممممممممممممممم
أنتي بتتكلمي صح
وصح جدا كمان
فهمتك طبعا
نورتيني ياقمر
أمير الهدوء
ميرسي اوي علي كلامك الجامد جدا جدا
لكن دوري هتلاقي مصور تاني
هيصور اجمل ابتسامه ليكي
ها ادور حاضر علشان خاطرك انت بس:)
بنوتة
اهو بئي شوية حزن كدا علي الماشي ربنا مايرزقك بيهم ابدا
حاضر ها أزور مدونتك قريب جدا بس جهزي بئي الشاي والبسكويت:)
amagd
علشان ماتغيبش تاني
الناس برده طول ما أنت موجود بتعملك حساب:D
هي كانت ظروف والله غصب عني وأديني لما فكرت أبعد ماعرفتش ورجعت تاني
mahy
بجد أنتي اللي عسل
الله يسلمك وأنا ها أستناكي في البوستات الجديدة
سلام
بجد من أجمل ما قرأت
معبرة وصادقة كلماتك
يارب تبقى دايما في الصور الحلوة والأحداث الجميلة
Post a Comment