ليه اللي نحبه مابيحبناش
واللي يحبنا مابنحبوش؟
يعني قلبك علشانه دق قلب تاني
جاله لحد عنده يبوحله بحبه
تطلع في عيونه وتقول: يعني هو بيحبني
وبيطلب القرب مني
يعني بيتمناني
وها أكون ليه
رغم أن قلبي مادئش يوم ليه
أصله دق لحد لغيره
بس ياخسارة
دقات قلب الحد دا ماكانتش ليه
تفكر بعقلك وتقول تاخد اللي يحبك
بس يرجع عقلك يقولك
ما أنتوا حالكوا زي بعض
ليه هو يتهنا باللي بيحبه
ويعيش طول عمره جمبه
وأنت الشخص اللي بتحبه يكون لحد تاني؟
ويبئي ردك عليه بالرفض
هي كدا حسبة عقل
وبرده قسمة عدل
40 comments:
امممممممممممم
مش عارفه بجد اقول ايه
لاول مره ملاقيش كلام ارد بيه
بس فعلا مش كفايه ييكون الشخص بيحبنا عشان نرتبط بيه
لازم يكون قلبنا دق ليه كما والا متبقاش حياه
ازيك ياضي القمر ؟
ضيك منور المدونة بتاعتي النهاردا
علي فكرة انتي عسولة اوي
المهم
انتي بئي جبتي المفيد ماتبئاش حياة خصوصا لما نبئي متعلقين بحد تاني
سلام ياسكر
متهيألى لو اتحطيت فى الموقف ده
هختار إلى بيحبنى لأنى أكيد إلى بيحبى ده هيخاف عليا قوى وأكيد مع الوقت والمعاملة وإحساسه بيا هحبه
تحياتى
دمتى بود
ليه هو يتهنا باللي بيحبه
ويعيش طول عمره جمبه
وأنت الشخص اللي بتحبه يكون لحد تاني؟
انا حاسها انانيا مش قسمه عدل
انا معكى ان الواحد ياخد اللى يحبه
عشان لو خد حد هو مابيحبهوش يبقى كدا بيظلمه
لكن مش من منطق اشمعنا هو ياخد اللى يحبه وانا الشخص اللى احبه لحد تانى
انتى كدا بتقولى انا بحرمك من اللى بتحبه عشان انا كمان اتحرمت من اللى بحبه
مش عشان قلبك مادقش ليه
ولا ايه؟؟؟؟
تحياتى
ضد التيار
http://upstream2.blogspot.com/
عشان كدة المحظوظين في الدنيا قليلين
اللي يحب اللي بيحبه
واللي يحبه اللي بيحبه
كدة قسمة عدل برده
هي دنيا في الاخر سواء كدة ولا كدة
بس عارفة
بعد شوية مش كل الناس بتكون بنفس التعاسة اللي كانت فيها لحظة لما عرفت ان اللي بتحبه بيحب غيرها او الشفقة علي اللي بيحبها وهي بتحب غيره
عشان برده هي كدة الدنيا
كما قال الشاعر
من حبنا حبناه
ومن تنطشنا نفضناه
عزيزتي ذات القلب النابض
أيه ده كله بس يعني هو أنا أغيب شويه يحصل كل ده بس خلاص سماح المره دي طالما أنتي رجعتي تاني وفتحتي البلوج
الكلام طبعا كالعاده فوق الوصف بس هي كده تبقى قسمه عدل؟
يا سلام؟؟؟
راجعة بفزورة حضرتك؟؟؟
تصدقي مش عارفة أكتب أقوللك إيه؟ و الله بجد مش عارفة
إيه فيهم قسمة العدل مش عارفة
ساعات كتير بفكر إنه لو حد بيحبني أوي كدة يبقى المفروض مش أكسر قلبه وأجرحه،وأكيد في يوم هحبه لأنه بيحبني أوي كدة.. بس أرجع أفكر إن لو مش قدرت أحبه يبقى أنا كدة بظلمه معايا وسعادته بيّ مش هتدوم كتير. يبقى ليه؟؟ :). مش عارفة بجد
موقف صعب أوي أوي أوي. يـــــارب مش أشوف أي حد بحبه يمر بيه
لأنه بجد صعب أوي أوي يا قلب
بوست وجعني أوي
بس أكيد
Welcome back:)
فرحت أوي برجوعك لدنيتنا الصغيرة
mohamed ghalia
لو انت حاسس انك هاتحبه وهاتتغير معاه يبئي دا كويس
علشان بس ماتظلموش
ودمت أنت أيضا بكل الود والحب
ضد التيار
لا لالالا مش فكرة أحرمه
فكرة أن لسه فيه أمل
يعني هو كان ممكن أوي ياخدني
طيب ليه أنا أديته الأمل دا وأحرم قلبي منه
مش الأحسن اتمسك باللي بحبه يمكن نكون لبعض
وصلت؟
نورتني مفيش كلام
kochia
دنيااااا
عندك حق
ومن دا ياما بيحصل كتيير
عموما ربنا يهني كل واحد باللي بيحبه
قولي آميييين:)
أوعي تفكر
دامين الشاعر العبقري دا
طيب ربنا يوفقك وتلائي اللي يحبك فتقوم تحبه:):)
حبيبة قلبي وحشتينى جدا
مواضيعك كلها جميلة وبتمس القلب
قوليلى ايه اخبارك ؟؟
الحب :
تجربة إنسانية معقدة وهو أخطر وأهم حدث يمر في حياة الإنسان لأنه يمس صميم شخصيته وجوهره ووجوده ،،، فيجعله يشعر وكأنه وُلد من جديد
كلامك جميل ومنطقى ومؤلم جداً
تسلم ايدك
تحياتى
اهلاااااا
موضوع جميل جدااا
محيرني ومش عارف اقول ايه
غير ان الواحد مش يختار اللي بيحبه لانه هيبقى غلط
ممكن تكون وجهة نظر غلط او صح في بعض الاحيان
:)
المشكلة ان الحب ده مش بايدينا خالص
احنا كل اللي بايدينا انه بنوافق عليه او نرفضه
انما غالبا بيجي من غير تفكير والقلب بين اصبعين من اصابع الرحمن يقبعا كيف يشاء
تحياتي
ازيك
وحشتينى
حمد الله على سلامة بلوجك وسلامتك كمان
انا مش عارفه فين قسمة العدل هنا
بصى هو اه حكم القدر انما قسمة عدل لا
العدل بيقول ان اللى يحطك فى قلبه تحطه انت كمان فى قلبك
انما مش المتاهه دى
تعرفى
زمان كده انا كتبت كلام عببيط اسمه دنيا الحب العجيبه
ولسه عندى مش نشرته
هو يشبه كلامك اوى
فيما عدا قسمة العدل دى :)
حمد الله على سلامتك مره تانيه
ازيك ياجميل وحشانى اوى
الف تحية لكى
عزيزتي ذات القلب النابض
هو الغياب طال ولا أنا اللي بيتهيألي
علا المانع خير
اول زيارة لى فى المدنة
البوست جميل اوى
وخفيف جدا فى كلماته
تحياتى
عندما أرى الكون جميلا أشعر أنني أجمل ما فيه
انت كاتبة كدة :)
لو بنتكلم على عالم المدونات.. فانت فعلا أجمل ما فيه
بصي على اسمك و انت تعرفي أد إيه انت جميلة :)
لو بنتكلم عن الحقيقة يبقى برده بصي جواكي.. و افتكري كلام الناس
افتكري إزاي الكل بيحبوكي و بيهتموا يعرفوا أخبارك و بيقلقوا من غيابك
و اقري الكلام اللي كنت بتكتبيه في البلوج كله من أول ما عملتيها و انت تعرفي أد إيه انت جميلة و بتدي أمل لحياة حلوة
أتمنى مش تطولي غيابك يا قلب رقيق.. و افتكري "بلوجاية تانية"كدة ;) التراب زاد هناك بجد
جزاكي الله خيراعلى كل حاجة :)
هى أغنية عبد الوهاب .. بافكر فى اللى ناسينى .. وبانسى اللى فاكرنى
ولم افهم الى الآن لماذا
أنسان مقيد
اه خلاص بئي سماح المرادي بدال البلوج اتفتح تاني:)
اه قسمة عدل لصاحب القرار هو حر بئي وعارف نفسه كويس هايظلم الناس معاه ليه
ولا أيه؟
أحلي فراشة في عالم التدوين
طيب بذمتك مين فينا اللي راجع بفزورة أنا ولا أنتي
أذا كان عليا حددت موقفي وبينت قسمة العدل فين
انما أنتي محيرة نفسك أهو
أه أنا رجعت علشان خاطر عيونك وأنتي عارفة كدا كويس
أختكم في الله
أنتي فين ياسمسم مابشوفكيش خالص اون لاين
وحشاني أوي
أنا كويسه وبخير
المهم أنتي أخبارك أيه؟
momken
تصدق انت عرفت الحب تعريف هايل جدا وجامد جدا
وعجبني جدا جدا
السلام عليكم
هو في الحالتين مش نافع
لا بنفع ناخذ الي قلبه دق لينا بس للاسف قلبنا مدقش ليه
و لا ينفع ناخذ الي قلبنا دق ليه و قلبه هو مادقش لينا
يبقى الحل الوحيد في ان القلوب لازم تدق لبعض مع بعض
و هي يبقى الحب الحقيقي
و دمتم سالمين
ليكى عندى تاج هدية ياريت تقبلية
وتهديه لأصحابك
تحياتى
دمتى بود
وحشتينيييييييييييييييييييييييي
قويييييييييييييي
ازيك روضي
ايه دا بقي
حب اللي يحبك
وخلي اللي بتحبه يحبك
وفي الاخر نكون كنا بنحب بعضنا
هههههههههه
مش عارفة اقولك ايه
بس بتعاقبي اللي بيحبك بنفس العقاب اللي عاقبك بية اللي بتحبيه!!!
دعولتك يا قمري
جميل اوى اوى اننا نلاقى حد يحبنا
بس الاجمل كمان اننا نحبه
لاحسن هيبقى ظلم لينا و كمان له
تحياتى و ليكى وحشة جامدة جداااااااااااا
أمير الهدوء
أهلاااااا بسمو الأمير
هو موضوع محير فعلا
ومتعب جدا
صدق اللي قال ان الحب بهدلة:)
صاحب المضيفة
أيوااااااااااا
هوا بييجي من غير تفكير
عارف لو جه بتفكير ماكانش دا بئي حالنا:(
منورني دايما
حبيبة
حبيبة قلبي
أنتي اللي وحشاني والله
وهو قسمة القدر مش قسمة عدل برده ولا أيه؟
طيب ماتنشريه ماتخبيش الحاجات الجامدة دي
طلعي طلعي :D
رئيسة حزب الأحلام
الله أسم بلوجك حلو أوييييي
ماتشوفيلي عندك حلم يكون حلو كدا وجميل:)
نورتيني ياجميل
أنسان مقيد
هو فعلا طال::(
غصب عني والله:)
semsem
وأن شاء الله ماتكونش آخر زيارة
بجد عجبك؟
:)
أحلي فراشة في الدنيا
ماعنديش رد علي كلامك اللي بجد خلاني أعيط
غير أني بحبك أوي اوي أوي
وأن بجد انتي اللي قلبك جميل ورقيق مي أنا
sherif
أنا بجد نفسي أفهم ليه
يارب يارب تجمع كل واحد باللي بيحبه
ليه هو يتهنا باللي بيحبه
ويعيش طول عمره جمبه
وأنت الشخص اللي بتحبه يكون لحد تاني؟
ياااااا ايه الدماغ دى
تصدقى عمرى ما حسبتها كده
او عمرى ما فكرت فيها كده
يمكن لأنى معيشتش الموقف ده اوى
وجهة نظر
بيحصل كتييير عكس العكاس اللى بيتحكي عليه ده
البوست رائع بجد
Post a Comment