عرفت زوجته انه قد تزوج بأخرى
وقع الخبر عليها مثلما تقع مطرقه ثقيلة علي الرأس
تمنت لو أن ماسمعته كذبا وافتراءا علي زوجها
لم يكن لديها أدني استعداد أن تصير أيامها وذكرياتها وهما
حدثت نفسها
كيف؟ ولماذا؟
لقد تزوجنا عن حب ورزقنا الله بالبنات والأولاد
عامين!
تزوج منذ عامين
ياله من ممثل بارع
استطاع أن يخدعني حياتي بأكملها
علا صوتها قليلا وهي تحدث نفسها
سأقتله
نعم سأقتله مثلما قتلني
مرت شهور ولم تخبره بشيء عما عرفته
عاشت معه وكأن شيئا لم يكن
عاد من عمله باكرا ليجدها تحضر الطعام
سألته:لماذا عدت باكرا؟
قال:منذ متي وأنتي تعلمين بخبر زواجي عليكي
نظرت في عينيه نظره هادئة باردة
قالت منذ أول يوم تزوجتها
هو:مستحيل !
ولماذا لم تثوري أو تنفعلي مثل باقي النساء
لماذا لم تفتحي معي الموضوع
ابتسمت ابتسامه ساخرة
وقالت له :النساء أغبياء
يثورون يغضبون يتكلمون كثيرا
يعتقدون أنهم بهذا يستردوا كرامتهم
المرأة الذكية هي التي إذا خسرت شيئا
تحاول ألا تخسر كل شيء
وأنت تزوجت بأخرى
ليست هناك أدني مشكله
طالما بقيت لي مصرفي الخاص
اسحب منه الأموال التي أريدها في أي وقت
هو:مصرفك؟!!
هكذا أنا بالنسبة لكي
هي:نعم لا شيء أكثر من كونك مصرفي الخاص
هو:ولكن هناك من أتي ليقاسمك مصرفك الخاص
هي:طالما أنا أحصل علي ما أريد من الأموال لا يهمني من يأخذ بقية الأموال
هو:أتعلمين شيئا
تعتقدين ان كلامك سيفرحني ويريحني
لكنه قتلني
لم أكن أتوقع أبدا أن اسمعه
كم أتمني لو كنتي أمرأه غبيه مثل باقي النساء
تثوري وتغضبي لان زوجك تزوج بأخري
هي:عندما ترمي القلوب بسهام مسمومه تموت
والقلوب الميته لاتثور
52 comments:
انتي بتجيبي القصص دي منين؟
بجد؟
طب بلاش انتي بتجيبي الاحساس وبتنقي الكلام ده ازاي ؟
بجد ؟
ماشاء الله
نرجع للمضمون بقى
انا اعتقد ان فعلا قمة الاهانة الاحساس بالخديعة
واكتر منها الاحساس باحتقار الاخرين
انا حسيت انها بتحتقرة جدا و بلغ قمة احتقارها ليه ف عدم مواجهته واكتشافه ف النهاية انه كان عايش مع جسد بلا روح لمدة سنتين
انا شايف انه فعلا قمة المهانة بالنسبه له
نيجي بقى لما وراء المضمون او المعنى الحقيقي للقصة من وجهه نظري
الموضوع معقد جدا ولكن ف النهاية
انتي قلتي المفيد
القلوب الميتة لا تثور
وانا اعتقد ان ده حالنا جميعا دلوقت
احنا مش بنثور على اوضاعنا انما بنستسلم ف خنوع زي الزوجة بالظبط علشان قلوبنا ماتت ومش بقينا نحس باللي بيحصل من حوالينا طالما الشر مش وصلنا لغايه ما نكتشف انه مش بس قرب لأ ده جه وقتل جوانا الاحساس قتل قلوبنا وموتها
موضوعك خلاني اشت بعيد عن كونه مجرد قصه لكنه فعلا عبرة كبيرة ويحتوي على درس كبير لينا
اشكرك بشدة
اسمحيلى أعترف
انتى حقا مبدعه
كلماتك فى منتهى القوه والإيجاز والتمكن
الحوار بجد ممتع
القلوب الميته لا تثور
تحياتى لقلمك الرائع
شيماء:)
فظيعه
بجد هايلة
انا شفت بين الكلام معني انها ممكن تكون بتكذب في حكاية المصروف بس عايزة تسقيه بذكاء من مر الصدمه في اللي ادامك
بجد يسلم نفوخك وقلمك يا رضوي
ولو
اسمحلي أحييك أنك وصلت وفهمت وعرفت ازاي وأد ايه هي بتحتقره
وفعلا قلوبنا لما بتموت مابيأثرش فيها أي حاجه وعمرها ماهتغضب او هاتثور علي اي وضع
طول عمرك منور البلوج بردودك الجامده
دمت بكل خير وود
همسات دافئه
ازيك ياشيماء؟
ايه الاعتراف الجميل دا
يارب اكون زي مابتقولي
وطبعا دا هايكون من بعض ماعندكم
تحياتي ليكي ياقمر
الخيط الرفيع
ازيك يارفيدة؟ يارب تكوني بخير
اه علي فكرة هي فعلا بتكدب في حكاية المصروف وحكاية انها تعرف خبر زواجه عليها من او ما اتجوز بس هي كانت عاوزة تجيبه أرضي وتعرفه انه مش فارق معاها في حاجه
نورتي البلوج ياجميل
الله
ازاى انا مبجيش هنا
اخس عليا
فعلاً ذكية
بدل ما تثير مشكلة وبرضه مش هتفيد
وزى ما قالت مش هتسترد كرامتها
قتلته زى ما قتلها
لكِ تحياتي :)
منتهى الحكمة والعقل
انا بسدها على قوة تحملها وصبرها
عزيزيتي بدايه احب ان اشيد بمدونتك بما تحوي من افكار و كلمات و تعبيرات عاليه المستوي و انا سعيده جدا اني تعرفت عليها اتمني ان ترسلي بوستاتك في فكره مدونات مصريه للجيب التفاصيل علي مدونتي ارجو ان ترسلها حقا ليتم نشرها ان شاء الله
بالنسبو للبوست
الفكره جديده جدا و صادقه جدا وواقعيه لقد فشل في الاحتفاظ بقلبها فمات حبه فيه يستحق هذا اي رجل يقتل الحب في قلب حبيبته يستحق ان يموت في قلبها بجد حلوه جدا
تحياتي
حمامه
ازيك؟
نفسي اشوفك عندي كل بوست
هو دا اللي يرضيني
قولت ايه:)
ايه رأيك في الست دي
من الاخر صح؟
desert cat
نورتي البلوج
بس برده ماقولتليش انتي منين من الشرقيه؟:)
دنيا محيراني
كويس ان البلوج عجبك
وانا فعلا بعت بوستات ويارب تعجبكوا
ياريت تنوريني دايما
دمتي بكل ود وحب
لن اردد ما قاله زملائى هنا
او ما اقوله انا بصفة دائمة
و لكننى ساقترح عليكى ان تقومى بتعمل كتاب يضم هذه الابداعت من القصص الخاصة بكى
هذه حقيقة و ليست مجامله
تحياتى الدائمة لقلمك
لك عندى تاج
تعالى خديه
http://ww.free-writings.blogspot.com
تحياتى
سلام عليكم
على فكرة إنت مينفعش كدة
بجد مينفعش يبقى مجرد بوستس بتكتبيها و خلاص
قصصك حلوة أوي أوي و جديدة، موهوبة جامد بجد يا أجمل قلب ماشاء الله
:)
غالبا أنا جيت متأخرةأوييي أوي أوي، فمش عندي كلام أقوله كتير غير إن كلام الست اللي حست بالخيانة اللي ممكن أوي يكون من ورا قلبها دة.. فعلا يقتل!!وجعني أوي
بقوللك :) القلوب الميتة لا تثور ممكن تطبقه على السياسة و اللي بيحصل حوالينا اليومين دول. تحبي؟؟
:p
تحياتي لقلمك المبدع أوييي، و سامحيني على تأخيري يارب مش تزعلي
عمر ماكانت غيرة الزوجه غباء وطبعا لازم تثور لانها شعرت بمن جاء يقاسمها زوجها بس الزوجه دي فكرت بشكل مختلف هي بلا شك نزعت قلبها واعتقد انها فكرت بالعقل حتى لا تهدم اسرتها بس برضوا اشعر من تفاصيل القصة انها لازلت تحبه والا كانت قرررت انها تنفصل عنه وتتركه
قصة جميلة جدا وعجبتني اوي
احيكي عليها
لكي خالص التحية
rania
ماشي ياقمر انا موافئه علي اقتراحك بتاع الكتاب بس بشرط نعمله سوا وانتي يكون ليكي فيه مواضيع
قولتي ايه؟:)
الفراشه
ازيك ياهبه؟
فينك من زمان
القلوب الميته لاتثور
دي تنفع في كل حاجه وخصوصا السياسه
علي فكرة انا مسامحاكي انك بتتأخري في الرد يا ستي ولا يهمك كفايه انك بتزوري البلوج
مبسوطه اوي علشان انتي اتأثرتي بالبوست
طول عمرك رافعه روحي المعنويه
بنات صاحبة الجلاله
بصي هو الغيرة مش غباء
انما دي وجهة نظرها بتوصلهاله
يعني هايفيد بايه ان الواحده تتطلق يعني هايغير من الوضع شيء لا هايفضل متجوز عليها او انه خلاص اتجوز عليها بالفعل
دي وجهة نظر الزوجة انما انا ممكن يكون رد فعلي مختلف تماما:)
منوراني دايما
rania
اللينك بتاع التاج مابيفتحش ياريت تبعتيه تاني
تحياتي لكي
اسمحي لي ان اختلف معك ولتتقبلي اختلافي بصدر رحب الزواج الثاني ليس عيبا بل هوامر شرعه الله لنا لأن فيه الخير لنا فالله خلقنا وهو احكم الحاكمين ويعلم ما يفيدنا ولذلك شرعه لنا
هذه المرأة عندما تتعامل مع زوجها هكذا ماذا تتوقع منه هو بالتأكيد سيهملها سيتعامل معها وكأنها موظف يأخذ راتبه كل شهر وفقط كان الأولي بها ان تنظر حولها وتعرف ما الذي جعل زوجها يتزوج عليها صدقيني الرجل لا يذهب لأخري إلا عندما لا يجد ما يريده عند زوجته
وهي ان كانت لاتتحمل امر زواجه اولى بها ان تنفصل بهدوء بدلا من ان تعيش تلك الحياة التي لاتحتمل فلا هي متزوجةولا هي مطلقة
اسمحي لي ان اصارحك برأيي فيها هي امرأة سلبية ولاتستحق من زوجها إلا ذلك
ارجوان تتقبلي رأيي وتحياتي
اكييييييييييد
http://www.free-writings.blogspot.com
مستنياكى
السلام عليكم
أولا أحييكي على أفكارك المنتشرة عبر مدونتك الرائعة
كفاية أصلا اسم مدونتك، ما شاء الله يشعر بالراحة و الطمأنينة
ثانياً القصة دي رائعة و مليئة بأحاسيس واضحة و أخرى مقروءة بين السطور
بس بصراحة أنا حاسة أنه ما جمع إلا أما وفق، حساهم لايقين على بعض، هو قتلها فعلا زي ما انتي قلتي، لكن حساها كان لازم تستخدم كيدهن الشهير في إرجاعه و إلا تنفصل (تخلعه و أنا أجوزها سيد سيده:) أما بالنسبة للقلوب الميتة لا تثور صحيح و لذلك اللهم ارزقنا قلوباً سليمة فهي التي لا تموت و إن امتلأت بالطعنات و لكنها تواجهها بكل قوة و تصمم على الحياة مش لازم يكون الرد على الطعنات دي بثورة و لكن أحيانا تكون ببسمة فكل موقف و له ما يناسبه و لكل مقام مقال
ربنا يعزك و يعز كل قلب سليم ينبض لله
ياخبر ابيض
معقول ردها ده
رد مافيش اى راجل فى الدنيا يتوقعه
رد قنبله فعلا
انا لو مكانه اتشل
يجيلى جلاطه
دى اقل شىء
ايه الجبروت بتعها دى
لو هو كان حرج قلبها او خدش كرمتها هى انتزعت كرامته
انتى خوفتينى اتجوز الجوازة الاولى اصلا مش التانيه
القصه بتعتك روعه
جميله جدا والدراما فيها رهيبه
تسلم ايدك
بس ايه افكارك دى
خوفتينى منك
هههههههههه
بهزر
تحياتى
اتوجعت اوي
بس ردت وجعها دة
بكلامها لية بالطريقة دي
اسلوب جمييييييييل
ولكنة مؤلم للغاية
ويمكن يكون جماله في ألمه
سعدت بمروري علي مدونتك
واتمني تزوريني
تقبلي خالص تحياتي
روح
يا ترى عملتي إهيه في امتحانك؟؟؟
حاولي تطمنيني عليكي أي وقت تيجي البلوج
سلام يا حبي :). ربنا يوفقك
هى قصتك!!!
لو دة ابداعك فبجد انتى مبدعة بحق....
وانا مع ولو فى انها بتحتقرة جدااااااااااا
بجد الحوار ممتع اوى والعنوان والقصة حقيقى ...جميل اوى الى قريتة بجد
انا فاكرة انى علقت على البوست دا قبل كده بس مش لاقيه التعليق
مش مهم اعلق تانى
لانه عجينى جدا القصه
فعلا القلوب الميته لا تثور
القصه هايله وردها رهيب
تحياتى
ماشاء الله قصة ممتعه وعميقة التأثير فعلا
وهدفها واضح بقوة علي الرغم من بساطة كلمتها
وإن كنت أعتقد ان لو في بنت عندها عبقرية زي اللي انا شفتها في اسلوب ردها علي الخيانه مش هتدي فرصه لزوجها للخيانه من البداية
ولا أيه ؟؟؟
بس انا مكنتش اعرف كدا خالص
ايه المواهب دي كلها:)
اليكى قصى تحياتى
ــــــــ
اعتذر عن عدم انتظامى فى التعليق او الرد .... ولكن نظرا لان الوقت لم يكن فى امكانى بالمرة
ـــــــ
اعتذر جدا
والى الامام دائما
جميلة وموجوعة وقوية وردت الصاع اتنين
المهم بقى هل فعلا قلبها مات ماظنش هى ات\نتقمت لانها احبته وبشدة ولكنها مجروحة
رائع
كل التحية
فين الجديد
؟
:)
mostafaryan
اهلا بيك في البلوج
وطبعا من غير ماتقول انا متقبله كلامك بصدر رحب حتي وانت كنت أختلف معاك في بعض النقاط
أنا ماقولتش ان الزواج التاني عيب ولا حرام
بس اللي بيعمل شرع ربنا بيخبيه ليه لما هو بيعمل حاجه حلال ماقالش لمراته ليه وخبي عليه فترة طويله؟
خلي بالك هي ماتعاملتش معاه كدا غير لما عرفت انه اتجوز عليه كان اقل شيء لو هي قصرت واهملت كان نبهها او وجهها وبعدين هي جابت شريط حياتها من الأول مالائتش نفسها قصرت وحتي لو دا حصل فأكيد مش عملت خطأ لا يغتفر وجسيم لدرجة تخليه يتجوز عليه
صدئني موضوع الجواز التاني دا لما بتبئي له أسبابه الواضحه والقويه مابيستخباش ونسبه كبيرة من الناس بتتقبله
زي مثلا موضوع الانجاب
هو موضوع الجواز التاني دا نهي حياتها اصلا لو اطلقت يبئي هاتبهدل اطفالها
وهي خلاص اختارت افضل الحلول السيئه وهي انها تفضل مراته ومع اولادها
اتمني ان تكون وجهة نظري وضحت وتتقبلها بصدر ارحب
تقبل مني تحياتي
anymous
ولو أني ما اعرفش انت مين
وطبعا احب اعرف
:)
لان كلامك وردك عجبوني جدا جدا
علشان كدا ها اسيبه ومش ها امسحه
rania
خلاص يارانيا انا استلمت التاج
بس اسمحيلي ها اتأخر في الرد شويه
عئبال بس موضوع كدا لما يخلص علشان ها اقدر اتكلم عن نفسي شويه
one mile
منورة البلوج بأول زيارة ليكي
ومتشكرة اوي علي كلامك الجميل عن البلوج
بس في ملحوظه:اللي هي عملته دا مش كيد ولا حاجه دا رد فعل طبيعي منها عن اللي جوزها عمله
غير كدا ياقمر كل كلامك حلو وزي الفل
momken
اه طبعا رد من الآخر
يخلي أي راجل في الدنيا يكره نفسه
انا حاساها انها جبيته نصين
ربنا يكون في عونه:)
لا انت اتجوز الجوازة الاولي وطول ما انت كويس وبتحبها ومش هاتتجوز عليها هي كمان هاتفضل كويسه وبتحبك وعمرها ماهتفكر تقتلك
:)
منور البلوج
monaliza
الله عليكي انتي
مدونتك جميله يا امة الله
ro7
هي اتوجعت اوي علشان كدا وجعته هو كمان
انا زورت البلوج بتاعك
ومن غير مجامله حلو اوي
ها ازورك قريب ان شاء الله بس لما اخلص امتحاناتي ياقمر
اتمني تكرار الزيارة
الفراشه
الحمد لله ياهبه علي كل شيء
كل اللي يعمله ربنا حلو
يارب بس اخلص علي خير
ماتنسيش تدعيلي ياسكر
Algazaly
اه قصتي:)
لما انت تقول عليا مبدعه وانت ماشاء الله عليك كاتب قصص وروايات موهوب ومتمرس يبئي دي طبعا شهادة اعتز بيها
لك مني كل التقدير والاحترام
semsem
مبسوطة علشان القصة عجبت الفنانه سمسم
يارب دايما اللي اكتبه يعجبك
mr.protocol
اهلا بيك في بلوجي المتواضع منور :)
عبقرية البنت دي مش في ردها في انها عرفت خبر زواجه بواحدة تانيه وماقالتلوش وعاشت عادي خالص مفيش مشاكل علشان فعلا يقتنع انه ولاحاجه عندها
تفتكر في علاقة بين العبقريه والخيانه؟
لو واحد عاوز يخون او يكدب او يسرق لو في حد زكي وعبقري أصاده يعرف يمنعه
الناس دايما متخيلة ان مسئولية زواج الراجل بواحدة تانيه كلها علي الست
في وفي مش كلهم
بس بطلة قصتي مش من النوع دا:):):)
تقبل مني كل التقدير والاحترام
inksarat
لك من ايضا اقصي اقصي التحيات
ماتعتذرش عن حاجه كفايه بجد انك تيجي وتبص علي البلوج
دا يزيده
انا عارفه انكوا مشغولين كان الله في عونكوا
ومبروك صدرو اول عدد من الكتاب
عئبال العدد المليون
l3lahakhair
هي احبته وبشده اه
بس قلبها مات من ناحيته هو بس
اصل الجرح مش هين:(
حمامه
الجديد قريب اوي اوي
قولي يارب
اصل انا بمتحن:(
بجد بجد بجد انتى انسانه عبقريه
وربنا يزيدك كمان وكمان
وتحياتى لاجمل قلم وارق قلب
مصطفي الطيب
متشكرة اوي لكلامك الجميل دا
ويارب أكون كدا فعلا زي ما انت قولت
نورت البلوج:(
Amazing blοg! Iѕ your thеme сustom madе оr did you doωnlοаd
it from somewhеre? A design like yours wіth a few simplе tωeeκs would really mаke
my blоg јump out. Ρlеaѕe lеt me
know ωheгe you got уour themе.
Κudos
Checκ out my blog iphone repair selangor
My homepage - iphone repair malaysia
If you would like to increase your know-how
simply keep visiting this site and be updated with the latest gossip posted here.
Look into my web page : seo consultant
Gгeetіngs, I do thіnk your site сoulԁ possibly be hаving bгowseг сompatibility problems.
Whenever I take а look at уοur blоg
in Safarі, it looκs fine hoωеver,
if opening in I.E., it hаs ѕomе overlaрping іssues.
I simply wanted to gіve yοu a quick heads up!
Asiԁe from that, grеat site!
Take а look аt mу site - repair iphone kl
Greatе аrticle. Keep ρosting such kіnd оf info on уour blog.
Іm гeally іmpresseԁ by your blοg.
Hellο there, Υou've done an excellent job. I will certainly digg it and in my opinion suggest to my friends. I'm confident they will be benefіted from thіѕ ѕite.
Alѕo visit mу wеbpage :: https://www.xing.com/
Post a Comment