قلب ينبض لله

مراقبة خارجية

2011-07-27T15:28:00.000-07:00

تذهب قبل اللجنة بعشر دقائق...تحمل كراسات الاجابة وورقة للغياب ؛ لتسجيل الحضور ..تدخل اللجنة , تجد الطلبة يجلسون في جماعات..يقلبون أوراقا ودفاترا في عجلة من أمرهم ُمحدِثين أصوات عالية ..

ترفع صوتك قليلا وتقول: يلا يا بشمهندسين 4 صفوف

ينقطع ضجيجهم لثوان ويلتفتون اليك ثم يعودوا لتقليب الاوراق غير مبالين بطلبك وكأنك جملة اعتراضية توقفوا عندها لبضع ثوان ثم تابعوا القراءة

تطلب منهم مرة أخري وبصوت أعلي :يلا يابشمهندسين 4 صفوف

لايلتفتون اليك ايضا..

تضيف تهديدا الي طلبك مع لهجة صارمة حاسمة هذه المرة وتقول :كله من وقتكوا..مش هااوزع ورق الاجابة غير لما كل الناس تقعد في أماكنها

ينفك عقد الجماعات هذه المرة ويبدأون في التسلل بخفة الي الصفوف حاملين أوراقهم مع استمرارهم في تقليب الصفحات ؛ انها قناعتهم بأن ماسيقرئوه الآن سيأتي في الأمتحان

يأتي ورق الأسئلة وانت بعد لم توزع عليهم كراسات الاجابة

تقول لهم بعد ان تظبط الصفوف : اللي معاه حاجة تخص المادة يطلعها بره

.يستجيبون لندائك هذه المرة لأن الوقت قد أزف وبدأ العد التنازلي فعلا وهم يعرفون ان " كله من وقتهم " ولن تأخذك الرحمة بهم في نهاية الوقت وتمده لهم بضع دقائق

تبدأ في توزيع أوراق الاجابة ...يأتي زميلك الآخر لتوه ولم يشاركك نداءاتك العالية المتكررة التي كانت أشبه بكرة تُضَرب في حائط لترتد اليك مرة أخري ..كانوا هم الحائط الذي ارتدت عنه نداءاتك

يقوم زميلك بتوزيع ورق الأسئلة ويقول لهم بصوت عالٍ بعض الشيء :كل واحد يطلع اثبات الشخصية قدامه

ثم يصمت قليلا بينما هم يخرجون اثباتات شخصيتهم ويعود يسأل : حد قاعد مامعهوش اثبات الشخصية بتاعه..

لا يصله رد فيعتبر ذلك اجابة منهم أن الجميع معه اثبات الشخصية

تمر عليهم انت وزميلك طالبا طالبا لمراجعة البيانات التي علي اثبات الشخصية بالبيانات التي دونوها علي كراسة الاجابة

طالب , اثنان , والثالث لا تجد أمامه اثبات شخصيته..

تطلب منه بهدوء :اثبات الشخصية يا بشمهندس..

فيخرجه..تستعجب ..لقد طلبت من الجميع اخراج اثبات شخصيتهم امامهم فاستجاب البعض بينما لم يستجب البعض الآخر , اكان ذلك تطنيشا منهم ام كسلا ربما كنت تحدث نفسك وانت تطلب منهم ذلك فلم يسمعوك

تصل الي ذلك الطالب الذي لايحمل اي اثبات شخصية..يخبرك انه قد نسي بطاقته

تقول له وقد بدأ دمك يفور لكنك تتجاهل هذا الفوران :هو احنا مش قولنا اللي مامعهوش اثبات شخصية يتكلم

يرد الطالب عليك بهمهمات

تقول وقد زاد فوران دمك : مين تاني يابشمهندسين مامعهوش اثبات شخصية

لايتلفت اليك أحد كالعادة

توجه كلامك له وحده وتقول :اكتب علي الكراسة بدون اثبات شخصية وبكرة في الكنترول تجبهولهم

تتابع المرور علي باقي الطلبة حتي نتهي منهم جميعا...

تمر علي الحوائط فتجد كلاما كثيرا مكتوبا ..بعضه له علاقة بالمادة التي يمتحنوها الآن والبعض الآخر ليس له علاقة..تبدأ جاهدا انت وزميلك في ازالة آثار هذا الكلام..

يستغلون انشغالكما ويبدأون في الكلام..الآن فقط ظهر لهم صوت..انت منذ دخلت عليهم قبل بدء الامتحان بعشر دقائق وانت لم تسمع لهم صوت وكأنهم اتخذوا من الصمت منهجا ومنهاجا..

يقول زميلك: امنع الكلام يا بشمهندسين وبعدين..

يعودوا يلتزموا الصمت مرة أخري..لم تمر بضع دقائق حتي انهالوا عليك بالأسئلة فهم يريدون تفسيرا وشرحا لكل سؤال في ورقة الأسئلة واذا قمت بالرد عليهم وجدت شلالات من الاسئلة تتدفق ولا تنتهي ابدا ...انهم يفسرون الأسئلة بأسئلة وكلما قمت بتوضيح اسئلتهم وضعوك امام اسئلة جديدة تزيد الأمر صعوبة وتعقيدا..

تتذكر قوم بني اسرائيل عندما طلب منهم سيدنا موسي أن يذبحوا بقرة فاانهالوا عليه بأسئلة من كل حدب وصوب عن هذه البقرة..فتشفق علي سيدنا موسي ..لكنك تتذكر أنه نبي وأن الله منحه قدرة الصبر علي هذا الابتلاء..صحيح أنهم لا يشبهون بنو اسرائيل الا في هذه النقطة فقط لكنك لست نبي ولا طاقة لك بتحمل كل هذه الاسئلة

.تجد لنفسك مخرجا من هذه الأسئلة –عندما تكتشف ان اسئلتهم هذه ماهي الا لاستدراجك ليصلوا بك في النهاية الي الاجابة- وتقول : ماحدش يسألني في حاجة ..انا مش معيد المادة

عندما لا يجدوا منك جدوي, يبدأون في ممارسة طقوسهم الغريبة والطريفة في الغش , كأنهم مثلا يلتفتون لمن خلفهم..منذ ان كنت طالبا وأنت تعرف أن الغش المتعارف عليه يكون ممن يجلس أمامك وليس ممن خلفك لأن هذا لا يلفت الانتباه..الدوران للخلف يلفت الانتباه اكثر..

او ان تجد أحدهم يمد برأسه وجسمه الي الامام يحاول النظر في كراسة اجابة طالب يتقدمه بفين او ثلاثة صفوف متجاهلا الغش من طالب امامه مباشرة او طالب الي جواره...تشعر انهم يتعمدون لفت الانتباه اليهم فتبتسم له وتقول : كدا عينيك جايبة الكلام يعني...

ينظر اليك ويرد بابتسامة ويقول : مابغشش علي فكرة

تبدأ في تضييق الخناق عليهم انت وزميلك لكنهم لا يستسلمون ومايزيدهم ذلك الا اصرارا علي مواصلة طريقهم مطبقين المقولة التي تقول "اطلبوا العلم ولو في الصين" بكل حذافيرها...

تبدأ عناصر الشغب تكشف عن نفسها تنظر لهم فيبتسمون لك ابتسامة يكسوها بعض الحرج أنهم لن يكرروا هذا الفعل مرة أخري..لكنهم لا يفعلون فتغير أماكنهم وتُجلسهم في الصفوف الأمامية يعترضوا في البداية لكنهم في النهاية يمتثلون لطلبك

تجد البعض ينظر لك طوال اللجنة بابتسامة ..هو لايفعل شيئا سوي ابتسامة تنم عن نية خفية يضمرها بداخله تتعلق بشأن انتظاره اللحظة المناسبة لاخراج البرشامة التي معه..

يمر الوقت بطئيا جدا وكأن الدقيقة صارت مائة ثانية والساعة صارت مائة دقيقة....

يوشك الوقت علي الانتهاء تقول بصوت عالٍ: كل واحد يجهز ورقته قدامه الوقت خلص

لا يلتفت احد اليك حتي صاحب الابتسامة التي كان يلاحقك بها تخلي عنها وعاد يكتب في كراسة الاجابة وكأنه تذكر فجأة أن هناك امتحانا يجب ان يؤديه

تمر عليهم لتأخذ كراسات الاجابة فيطلبون ثوان اضافية لكنك ترفض

يقولون لك أحدهم : طيب حضرتك لم من الباقي وخليني في الآخر ..

لا تستجيب لطلبه لأن هذا يعني ان اللجنة كلها هاتفضل للآخر

بعد عناء تقوم بجمع كراسات الاجابة وكأنك كنت تنتزع صيدا ثمينا من فك الأسد

أجل غير مُسمي

2011-07-04T12:21:00.000-07:00

كانت ملامحه بسيطة لم يكن بها شيء يلفت النظر سوي ذقنه التي طالت وكبرت الي الحد الذي يسمح له بتقبيلها....يرتدي جلبابا أبيض قصير يمتد أسفل الركبة بشبر أو أكثر من الشبر بقليل وسروال قصير يعلو قدميه بعدة سنتيمترات ..حذاؤه أسود اللون مفتوح من الأمام بحيث يظهر جميع أصابع الرجل ومفتوح من الخلف ايضا حيث يبدو الكعب أبيض تخالطه حمرة متفرقة ...شعره أسود لامع تماما مثل حذاؤه

كان شابا في منتصف العشرينات يأتي ليؤدي امتحان نهاية كل فصل دراسي , يرافقه اثنان من ضباط الشرطة بزيهم الأسود وكأنهم اختاروا لزيهم لونا غير الأبيض حتي لا يلتبس الأمر علي الآخرين وكأن اللون الأبيض قد صار جرما وافكا .. كل منا يرتدي ما يناسبه وما يعبر عنه

كان قدومه حافلا يترقبه الجميع في اهتمام وشغف ...فحياة الناس هناك مملة رغم أحداث حياتهم اليومية الصاخبة..لكن هذه الأحداث الصاخبة يحفظونها عن ظهر قلب حتي باتت لا تثير فيهم أي حماس أو رغبة في عمل شيء جديد…ربما كانوا هم أيضا أكثر مللا من حياتهم

يلتفت اليه الجميع لكنه لا يلتفت الي احد ..يمشي مطرقا رأسه في الأرض ...يقبل ذقنه ويتمتم ببعض الكلمات تستطيع بسهولة أن تعرف أنها استغفار وتسبيح

كان قد انضم الي جماعة الاخوان المسلمين فتم اعتقاله وتسجيله كعضو نشط في الجماعة مما يعني انه يهدد الأمن العام للبلاد وهذا يقتضي اعتقاله لأجل غير مسمي

يتأسف الجميع عليه وعلي شبابه الذي تنفرط حباته علي مدار السنين

لم تكن له اي توجهات سياسية أو أخوانية فيما مضي لكنه التخبط كان يعتقد ان هذه الجماعة بحوزتها الهداية والرشاد وكان بحاجة الي ان يعود الي الله فاانضم اليهم ونسي ان الدين والهداية نحصل عليهم بالرجوع الي الله وليس الي الجماعة..ربما ادرك خطأه هذا ولكن بعد اعتقاله

كنت اتسائل اليس هناك ثمة استئناف أو نقض لهذه التهمة التي الحقوه بها ...لكني عرفت انها قضية امن دولة ولا سبيل لخروج أمثاله من السجن الا بعد ان يمتص العمر رحيق شبابهم وعنفوانهم في الحياة...اي دولة هذه الذي يهدد امنها شاب يبحث عن الهداية

ربما كانت سياستهم "اضرب المربوط فيخاف السايب"

هو يعرف انه لن يعود الي الحياة والشوارع والناس الا بعدما ينقضي هذا الاجل الغير مسمي لكنه رغم ذلك يأتي ليؤدي امتحانات نهاية السنة الدراسية كل عام بانتظام ...يجتاز بعضها ويرسب في البعض الآخر.. لكنه يأتي

هل لأن خروجه لأداء الامتحانات فرصة جيدة ليعانق أشعة الشمس بحرية من دون جدران او نوافذ ام ليري وجوه الناس الحرة فيفيضوا عليه من حريتهم هذه فيشعر ولو لسويعات أنه حر...

الناس لم يكونوا احرار ولم تكن وجوههم حرة ..بل كانت اشعة الشمس هي الحرة ...لقد كانوا يعيشون تحت وطأة الغلاء والمرض والفقر لكنهم علي كل حال أفضل منه لأنهم يجوبون الشوارع والطرقات بحرية وهو يجوب زنزانته وطرقات سجن مظلم وكئيب بخوف وانكسار

ام انه الأمل الذي تمخض من ايمانه وثقته بالله بأن هناك يوما سوف يأتي وعن قريب يعود فيه الي العالم وينعم بمباهجه وأفراحه

يخرج شبابا في عمر الزهور مثله ينادون باسقاط النظام ويسخر منهم من لم يشاركهم هتافهم ثم تدب الفوضي أرجاء البلاد وينادي الجميع هؤلاء الشباب أن يكفوا عن الصراخ ..هكذا رأوا ثورتهم صراخا...لكن لا شيء يزعزع ثقتهم في الله وفي أنفسهم, يواصلوا هتافهم وتزداد اعدادهم بعدما رحل عنهم رفاقهم وماتوا في سبيل الله والوطن امام اعينهم...وتحقق الثورة مبتاغها ويتنحي من كانت بيده مقاليد الأمور ويسقط من بعده رؤوس الأفاعي التي كانت تبخ سمومها في البلاد....يداعبه الأمل أنه سيخرج من هنا عما قريب

تهدأ الثورة ولا يخرج من المعتقل , يهدأ أمله لكنه لا يموت

بعد أيام قليلة تعود الثورة ترسم ملمحا جديدا لها وتحترق مباني أمن الدولة... يتم العفو عن المعتقلين ويخرجون جميعا وهو معهم....يحتضن الكون ويعانق السماء ويقبل الأرض ...لا يصدق ان هذا الأجل الذي لم يجدوا له اسما وهم يصدرون امر اعتقاله أنه سينقضي بهذه السرعة

...ثلاث سنوات قضاها في المعتقل يزداد يقينه في الله يوما تلو الآخر أن هذا الأجل الغير مسمي سيصير له اسما يوما ما وسيخرج من هذه الجدران للهواء والشمس

نشأت...2

2011-06-01T22:58:00.000-07:00

وبين جدلنا نحن الثلاثة ومفاوضاتنا علي كتابة الواجب كانت المدرسة قد وصلت لنا ووقف نشأت وصديقتي لينالوا عقابهم لكنني لم أترك صديقتي تنال عقابا كان من الممكن تلافيه لولا نشأت الذي ضيع عليها الوقت ولم تستطع كتابته

اخترعت حكاية للمدرسة ان اخو صديقتي الصغير قد مزق لها كراسة الواجب بينما انا كنت معها نكتبه سويا..انطلت الحكاية عليها خاصة انني احكمت تأليفها وتمثيلها واخراجها..كما ان صديقتي قد تقمصت دور الطالب المجتهد الذي ضاع مجهوده وهي كانت فعلا طالبة مجتهدة وسريعة البديهة غير انها كانت تضيق ذرعا بالواجبات المدرسية فلم تكن تكتبتها الا نادرا..اقتربت المدرسة منها وربتت علي كتفها وقالت لها:خلاص مايهمكيش ..الحصة الجاية ابئي هاتيه

معاكي

كان نشأت فاغرا فاه وهي يري مسلسلا تراجيديا يقوم بتمثيله اثنان من عمالقة الفن في الفصل وجمهورا متمثلا في المدرسة يصدقه بل ويصفق له ايضا

بقي نشأت واقفا ينتظر عقابه...هو يعرف اننا نكذب لكنه لا يملك دليلا واحدا علي كذبنا

يتوعدنا نشأت انه لن يترك هذا الموقف يعدي بسلام بينما انا وصديقتي كنا نحبس داخلنا ضحكا باتساع الدنيا ..ننتظر انتهاء الحصة حتي نطلق سراحه

تلقي نشأت ثلاث ضربات قوية علي يديه وجلس يتأوه بينما أنا وصديقتي لازلنا متقمصين دور الجدية والرزانة

تنتهي الحصة وتخرج المدرسة وتخرج معها ضحكاتنا ..يلتفت لنا نشأت ويقول بلهجته المميزة: ماشي ماشي ..انا في الفسحة هااروح اقولها كل حاجة

روحنا نسترضيه ونطلب منه العفو والسماح ووعدناه اننا سننفذ له كل طلباته ...

بعد هذه الحصة كنا نفعل لنشأت كل شيء...نكتب له الواجب في جميع المواد..نغششه في الامتحانات...نعطيه حلوي وساندويتشات ..نقرضه اقلاما ومساطر وممحاة ... كفت صديقتي عن توبيخها له وكنا نعتبره طرفا اولا في الحوار وليس ثالثا...وكلما كنا نضيق به ونغضب منه يعود الي تهديده ووعيده الذي كان صادقا حاسما اقرب الي التنفيذ منه الي التهديد

اذكر انها كانت المرة الأولي التي يمسك فيها احدهم عليّ ذلة...ربما لم تكن الأخيرة وان كانت الأبرز والأطرف من بين كل الذلل التي مسكها احدهم عليّ

وتلك الحكاية عن المدرسة التي كانت تخدم بالقصر جَعَلَنا نشأت أبطالا لها بدلا منها حتي صرنا نخدم عنده ...

وقتها فقط عرفت لماذا كانت كلمة التربية تسبق التعليم في شعار الوزراة.."وزارة التربية والتعليم" ...لو اتي موجها من الوزارة يفتش علي سير العملية التربوية في المدرسة لأخذت انا وصديقتي المركز الأول وعن جدارة والفضل في ذلك كان سيعود لنشأت طبعا

مضي علينا وقت طويل وانا وصديقتي تحت رحمة نشأت لا يكف عن وعيده ولا نكف نحن عن الخضوع لطلباته وأوامره حتي جيبنا أخر كما يقولون

في هذا اليوم الذي لم تطلع فيه شمس_علي نشأت طبعا_بينما كانت طلعت علينا طبعا,

في الحصة الأولي ..وقبل ان يقول لنا نشأت صباح الخير قال :انا ماكتبتش واجب الرياضة مين فيكوا اللي هايكتبهولي

ردت صديقتي: احترم نفسك بئي يا نشأت

قال: هاتعملوه ولا اقوم اقول للأستاذ

قولت له: طيب بص ادامك واحنا هانعملهولك

والتفت نشأت عنا .. لما دخل المدرس الفصل ذهبت اليه بخطي هادئة بينما الجميع يترقبني و قلت له وانا أتصنع الوداعة والمسكنة: يا أستاذ عاوزة حضرتك في موضوع

قلق الاستاذ وقال: خير عاوزة ايه

انا:ممكن بره الفصل

خرج معي المدرس دون مناقشة ..فقد كانت وداعتي تطغي عليه وعلي الحضور وعلي الاشياء من حولي

قلت له: دلوقتي يا استاذ نشأت بيقول علينا اننا بنقول كلام وحش علي مدرسة الرياضة واحنا ماقولناش عليها اي حاجة وكل شوية يقول لو ماعملتوش الواجب ليا هااروح اقولها انكوا بتقولوا كذا وكذا واحنا كنا بنخاف لو ماعملناش له الواجب يروح يقولها وتصدقه...وبقالنا علي الحال دا كتير والنهاردا الصبح جاي يقول لو ماعملتوش الواجب ليا هااروح اقولها واحنا مش عارفين نعمل ايه

سكت المدرس للحظات وقال لي: ايه التهريج دا..ازاي ماعرفتنيش من الأول ...ادخلي طيب وانا هااتصرف

دخلت الفصل وملامح الوداعة كانت قد اتخذت من نفسها ملمحا جادا وأصيلا علي وجهي

ودخل المدرس ونادي عليه: يا نشأت

هو: ايوا يا أستاذ

المدرس: تعالالي هنا

ذهب اليه

المدرس: شايف سلة الزبالة دي

هو: مالها

المدرس: وشك للحيط وارفع ايديك فوق وانت شايلها

بلهجته المميزة :ليه انا عملت ايه

المدرس بلهجة حاسمة حازمة:سمعت انا قولت ايه..ولا تطلع بره وماتجيش غير بولي أمرك

رمقنا نشات بنظرة يملؤها الوعيد...شعر ان في الأمر خدعة ما ..وقرر انه سيذهب الي المُدَرِسَة بعد هذه الحصة ويشي بنا عندها

وقف نشأت وشه للحيط وظهره لنا رافعا يده الي فوق وهي تحمل سلة المهملات

الجميع يسأل عن السبب وما علاقة ماجري لنشأت بخروج الاستاذ معي خارج الفصل..ماذا عساي قلت له حتي يعاقب نشأت مثل هذا العقاب

همست لي صديقتي :انتي عملتي ايه..يخرب عقلك

انا:بعد الحصة هااحكيلك كل حاجة...بس اطمني الموضوع انتهي خلاص

انتهت الحصة ونادي المدرس علي نشأت..

لم يحك لنا نشأت عن الحوار الذي دار بينه وبين المدرس لكني استطيع ان اخمن ما دار بينهما..

لقد حذره المدرس ان يعود الي الحديث في الكلام الذي اخبرته به..اعرف ايضا ان نشات ربما اقسم له اننا قولنا هذا الكلام فعلا علي المدرسة لكنه لم يصدقه..لأنني صاحبة الشكوي واننا نستطيع ان نبرأ انفسنا من تهمة الكلام لكنه لن يستطيع ان يبرأ نفسه من تهمة الواجب الذي كنا نكتبه له خصوصا ان خطي وخط صديقتي مميزا جدا كما ان خط نشأت كان مميزا ايضا ولم يكن يشبه خطنا في شيء

بعد هذا الموقف ربما جمعتنا صداقة حقيقة مع نشأت وان كنت انا وصديقتي لم نقابله بعد ذلك الا مرة او مرتان لكننا كنا ولازلنا نذكره بالخير ولا اعرف هل كان يذكرنا هو ايضا بالخير ام لا

توقفت انا وصديقتي عن تأليف حكايات التعذيب عن المدرسين وغير المدرسين..لقد علمنا نشأت درسا عظيما يجب ان يدرس في مناهج التربية والتعليم للمرحلة الابتدائية وهو اذا كنت ستتكلم عن مدرس فعليك أن تتأكد ان نشأت لا يسمعك ولا يعرف عن من تتكلمون

تمت

نشأت ...1

نشأت...1

2011-05-30T12:57:00.000-07:00

ثلاثة صفوف ...صف للبنات..واثنان للبنين

في آخر صف البنين الواقع في منتصف الفصل كنت اجلس انا وصديقتي , كنا قد سئمنا الجلوس في الصفوف

الأمامية واردنا في هذه السنة النهائية من المرحلة الابتدائية أن نجلس في الصفوف الأخيرة...ربما كان ذلك تمردا

منا علي المألوف والمعتاد بأن يجلس الطلاب في الصفوف الأمامية او احتفالا منا بنهاية تلك المرحلة الجميلة في

في حياتنا بالجلوس في مكان مختلف عن باقي الأماكن التي كنا نجلس فيها قبل ذلك حتي وان كان هذا المكان في آخر الفصل وفي أحد صفوف البنين

كانت علاقاتنا جيدة مع زملائنا البنين والبنات وان كانت جيدة أكثر مع البنين

كان يجلس امامنا ولدان...احدهما يكبرنا بعام ...كان قد رسب في هذه السنة....اندهشت حين عرفت ذلك..ما رأيت

ولا سمعت عن احد رسب في هذه المرحلة... كان هادئا مسالما علي النقيض من زميله نشأت الذي كان مشاغبا

ومشاكسا ..كان لا يكف عن الكلام , دائما ما يدخل طرفا ثالثا في حوارنا انا وصديقتي

كانت له لهجة علي رغم غرابتها فقد كانت مميزة...كان ينطق الكلمات علي مهل كإنسان آلي ...كان دائما مايدخل

طرفا ثالثا في حوارتنا دون استئذان ...ويتابع الكلام معنا وكأنه معنا من اول الحوار

كانت صديقتي تعنفه في كثير من الأحيان وتوبخه حتي يكف عن تدخله في الكلام معنا الا انه لم يكن يأبه لتوبيخها

كان صديقنا الرخم وكنا نحب رخامته

كانت لنا مُدَرسة عابسة الوجه سريعة الغضب وكان غضبها حادا ...كنا جميعا لا نحب حصتها- رغم طيبتها- وكلنا نعرف انها طيبة لكن الابتسامة مفتاح القلوب والتكشيرة اقفالها وطيبتها هذه لم تشفع لها عندنا اذا كانت هي قد اتخذت من العبوس مبدأ ومنهجا....

كنت انا وصديقتي نتكلم عنها في تلك الحصص التي يتغيب فيها المدرس او في حصص النشاط الفني او التربية

الرياضية او بين الحصص ونتخيل ان لنا قصرا وان هذه المدرسة تخدم عندنا في القصر وكان الخيال يأخذنا ونحكي

كيف قمنا بتعذيبها والتنكيل بها بينما هي ذليلة لا تتكلم

ظللنا علي هذه الحال كثيرا..نخرج سخطنا وغضبنا علي هذه المدرسة بكلامنا الوهمي الأهبل عليها ...

حتي جاء هذا اليوم..في حصة من الحصص قامت المدرسة بتفتيش مفاجيء علي الواجب..الجميع يضطرب ويرتبك

تقول بصوت عالي: اللي ماعملش الواجب يقوم يقف

يلتفت لنا نشأت ويطلب منا ان نكتب له الواجب قبل ان تصل المدرسة لنا....نحن في آخر الصف الثاني ولدينا فرصة

ان ننهي بعضا من الواجب قبل ان يأتي علينا الدور...

رفضت صديقتي وعنفته..وقالت له: انا كمان ماكتبتوش هااقعد

اكتبه ليا ولا اكتبه ليك

قال لنا: لو ما كتبتوش الواجب ليا هااقول للأبله علي الكلام اللي انتوا بتقولوه عليها

ابتلعت ريقي وقولت:كلام ايه اللي احنا قولناه عليها

فأعاد علي مسامعنا حكاياتنا البلهاء الخرقاء عن المدرسة والفصل واعمال النظافة التي تقوم بها وتعذيبنا اياها

...

في لحظة واحدة التفتنا انا وصديقتنا الي بعضنا البعض مأخوذين بكلامه لا نصدق ما قاله..لقد كنا نتهامس وكلامنا لم يكن مسموعا..كيف له بكل تلك الحكايات

..يومها عرفنا ان نشأت "سوسة" وانه اذا لم يكن يتجاذب معنا

اطراف الحديث فهذا يعني انه ينصت ويخزن الكلام عنده ليخرجه لنا وقت اللزوم

غصبت صديقتي منه وقالت له: يعني انت قاعد تتصنت علينا

قال لها: هاتكتبوا ولا اقول للأبلة

كتابته

يُتبَع........

كراميل

2011-05-13T13:36:00.000-07:00

كان الوقت مساءا...الشمس تلملم أشيائها وترحل ...والجو كان خانقا حد الاكتئاب....وكنت مكتئبة حد الملل ,أرغب في الخروج..لكن من عساه غيري يرغب في الخروج..بامكاني الخروج وحدي لكن ثمة أشياء كثيرة ستعكر صفو خروجتي اذا كنت وحدي....

جائني هاتفا من صديقتي تسألني اذا كنت أرغب في الخروج معها لشراء بعض الأشياء او لا ....اجبتها دون تفكير بالايجاب...خرجت انا وهي نبتاع أشياءا عديدة ...أخبرتني أن ثمة محل علي أطراف المدينة يصنع عصائر جيدة...وافقتها علي الذهاب الي هناك رغم أنه لم تكن بي رغبة لتناول أي عصائر لكني كنت أثق في ذوقها وحسن أختيارها لبعض المشروبات والمأكولات....عندما وصلنا كنت أتلفت حولي أبحث عن المحل فاذا بها تستوقفني وتخبرني أننا قد وصلنا...كان المحل عبارة عن طرقة تمتد الي مترين أو أكثر من المترين بقليل...وكانت هناك ثمة لافتة متواضعة مرفوعة علي أعلي المحل مكتوب عليها "كراميل" راقني الاسم كثيرا رغم أنني لست من عشاق الكراميل

كانت هذه الطرقة تطل علي شارع رئيسي... يتكدس الناس علي باب هذا المحل أو هذه الطرقة ...يمنعهم من الدخول منضدة بعرض المحل قد وضع عليها ماكينة الكاشير ورجلا في الأربعين من عمره أو قبل الأربعين بقليل ..يرتدي تي شيرت برتقاني اللون يأخذ الطلبات من الزبائن ويعطيها لأحد زملائه المنوطين بتنفيذ هذه الطلبات

في نهاية الطرقة يقف شابا -علي مايبدو في منتصف العشرينات- ينجز المشروبات الساخنة من شاي وقهوة ونعناع وقرفة الي آخر المشروبات الساخنة التي يمكن أن تتخيلها او لا تتخيلها...يرتدي أيضا تي-شيرت برتقاني اللون,بينما في المنتصف كان هناك شابا في نفس سن الشاب صاحب المشروبات الساخنة ينجز المشروبات الباردة

وهنا في المنتصف تجد كرنفالا من الألوان لمشروبات تضحك وتبتسم مثلما نضحك نحن ونبتسم ...وأكواب من البلاستيك الشفاف مرصوصة علي منضدة صغيرة فوق بعضها يصب في كل منهم مشروبات الشيكولاتة الباردة والفراولة باللبن والمانجو بالأيس كريم وغيرها من المشروبات الباردة اللذيذة....

تشعر أنك أمام فرقة أستعراضية تقدم لك اسكتشا استعراضيا مبهجا ..كان الشاب هو مايستروا الفرقة...لم يكن لون التي شيرت الذي يرتديه يختلف عن اللون الذي ارتداه زملائه.. ولا اعلم لماذا أختاروا اللون البرتقالي تحديدا ...هل لأنه لون قوي تستطيع أن تميزه بين كم الألوان الكثيرة المنتشرة في أرجاء المكان أم أنهم كل يوم يرتدون لونا مختلفا وقد تصادف اليوم ان ارتدوا اللون البرتقالي

رغم تزايد أعداد الناس الواقفة علي باب المحل الا أن هذا الشاب كان يقود فرقته الاستعراضية في هدوء وتريث وكأنه فنان...لاشك انه كذلك فهذا هو تصرف الفنانين...رغم ذلك كان ينهي الطلبات في سرعة ...وتعجبت لجمعه بين هذين النقيضين ...التريث والسرعة...

تسائلت اين تعلم هذا الشاب هذه المهارة.. نعم انها مهارة ولو طلب مني ان أقوم بعمله فلن أستطيع ...بعض الأعمال نظنها سهلة بأمكاننا القيام بها الا انها ليست كذلك وتحتاج لأشخاص ماهرين..أشخاص يستطيعون العمل تحت ضغط دون أن يزعجهم هذا الضغط ويخرجهم عن شعورهم

كانت هناك مجموعة من الخلاطات الكهربائية تساعده في اتمام عمله...كان صوتها يطغي قليلا علي صوت من كانت تغني ...لا أذكر تحديدا صاحبة الصوت الملائكي لكن صوتها كان جملة لحنية تعزف برفق ليزداد المشهد جمالا وسحرا

كيف لهذ المكان الضيق أن يسع كل تلك الأعمال والمهام ...انه فن استغلال المساحات أم أن بهجة الألوان والمشروبات ودفء المشاعر والانسجام الكامل لهؤلاء الشباب مع مايقومان به هو من أضفي علي المكان سعة ورحبة

راح يصب مشروب الشيكولاتة الباردة في ستة أكواب وكأنه يعزف علي آلة الكورديون ولم تسقط نقطة شيكولاتة واحدة علي المنضدة ...نعم فنان

أخذ الشاب صاحب الأربعين ربيعا أكواب الشيكولاتة وناولها لصاحبها فوقع كوب منهم منه وانسكبت الشيكولاتة علي المنضدة بينما الباقي تساقط كزخات المطر علي الأرض

أعرف أن "دلق القهوة خير"..ماذا اذن عن "دلق الشيكولاتة

الشيكولاتة تدين بالفضل لهذا الشاب...كان مقدرا لها أن تنسكب لكنها لم تنسكب الا بعدما أعطاها هذا الشاب لزميله فأعطاه زميله للزبون...

جاء طلبنا سريعا بعد تنظيف المكان من الشيكولاتة ; أكواب المانجو بالأيس كريم ..كان لون المشروب أصفر ..لا أحب اللون الأصفر ..لكنه ابتسم لي هذا اليوم من خلف جدران الكوب الشفاف

"بعض الأشياء التي نكرهها تمنحنا بعض البهجة أحيانا"

روحت أتذوق بهجة اللون الأصفر وقد بدا لي عزف هذا الشاب جليا في أذني في كل مرة أتذوق فيها هذا المشروب

أنصرفت أنا وصديقتي وأنا أنوي العودة مرة أخري للاستمتاع بمعزوفة لحنية جديدة

أشياء كانت تميزني....2

2011-05-02T03:25:00.000-07:00

"كان الأمر عندي بمثابة طفلة عثرت علي صندوق من الحلوي وراحت تأخذ منه كل يوم حلوي كثيرة والحلوي لا تنفذ أبدا".....

اذكر أول قصة كتبتها ...كانت تحكي عن ثلاثة أطفال فقدوا والديهم لكنهم رغم ذلك واصلوا حياتهم ونجحوا فيها وصاروا قدوة يُحتذي بها لكثيرين غيرهم...كانت مسابقة في المدرسة أن نكتب قصة تدورعن هذه الأحداث...ورأيت بعضا من أحداث القصة تدخل من باب الفصل مع من جاءت لتعلن عن المسابقة...شعرت بالخيال يتوهج داخلي...كانت هذه هي المرة الأول التي أشعر بتوهج الخيال داخلي...كنت ابنة الأحد عشر عامٍ...

ذهبت الي البيت وبعد أن أنجزت واجباتي المدرسية أتيت بورق أبيض وقلم وروحت أكتب القصة..كان الوقت ليلا....كتبتها في عدة صفحات علي ما أتذكر تجاوزت الخمس صفحات...وخرجت لأبي يقرأها ..كانت أمي الي جواره فقرأها بصوت عالي وارتسمت علي شفاهه وشفاه الحاضرين ابتسامة جميلة..كانت القصة بسيطة جدا تخللتها بعض العبارات العامية وبعض الأماكن الحقيقية التي نذهب اليها في حياتنا..كانت قصة بسيطة بها أخطاء كثيرة لكنها عفوية ..كانت هذه الاخطاء تحول ابتسامتهم الي ضحكات عالية...

بعدما انتهي أبي من القراءة..نظر اليّ نظرة لازلت اذكرها الي الآن ...نظرة يملؤها الاعجاب والحماس ..مدح ابي القصة كثيرا وايضا أمي وكافئني بمبلغ من المال وأيضا كافئتني أمي..أذكر انني في هذا اليوم جمعت نقودا كثيرة...كالتي أجمعها يوم العيد..كان هذا اليوم عيدا حقا
شجعني أبي أن أواصل الكتابة بعد ذلك...وفعلت
كتبت قصصا عديدة..اذكربعض أسمائها وكثير من احداثها الي الآن

"السمكة الجميلة"

"بندقة وعم دهب"

"لمياء والنحلة الكسولة"

"جحا والكنز"

"جحا والثعبان"

وغيرها من القصص
لم يصدق أصدقائي في باديء الامر انني من كتبت هذه القصص لكنهم بعد ذلك تأكدوا ان لا احد غيري يكتب هذه القصص وكنت انا وهم نقوم بتمثيل أحداث هذه القصص ونمضي أوقاتنا نتقمص أدوار الأبطال ونوزعها علي بعضنا تباعا....

ذاع صيتي في وسط العائلة وعلم الجميع بأمر القصص التي كنت أكتبها وامتدحوها كثيرا واختفت تلك الأخطاء العفوية التي وجدت في أول قصة..وازداد خيالي توهجا وتدفقا....وصارت لي شخصيات مثل التي في عالم ديزني...صنعت أبطالا وأصدقاءا حقيقين من ورق ...
بعد ذلك صارت كتاباتي أكثر طولا ...وصلت الي حلقات عديدة ...قصصا كُتبَت في أكثر من دفتر

"بنت الصياد"

"الدلافين السبع"

"الصندوق المسحور"

"الرجل الكروي"

"السيف الذي لا يقتل"

...وكان زملائي بالمدرسة يقومون بقراءة ما أكتبه أولا بأول ولا أبدأ في كتابة الجزء الجديد الا بعد أن ينتهي الجميع من قراءة الجزء القديم.....
كانت قصصي جميعها يغلب عليها طابع الخيال..الساحرة الطيبة ...الساحرة الشريرة...الأمير ..البئر المسحور...الأميرة...القصر ...كلها أحداثا خيالية....ولا أعرف لماذا كان هذا الطابع يغلب علي القصص..ربما طبيعة المرحلة السنية التي كنت فيها...فتاة في الثالثة عشر من عمرها

وقد نشرت احدي القصص في مجلة المدرسة في عددها الاول ...ووقف مدرس اللغة العربية يُبدي رأيه في المجلة في حصته....فاذا به يتوقف عند القصة التي نُشرت في المجلة....راح ينقدها نقدا شديدا...
قال انها مكتوبة باسلوب غير مترابط...وهناك أخطاء املائية كثيرة بالقصة..كما أن أحداثها ينقصها المنطق والعقل...لقد قال كلاما كثيرا ...وكأنه يوجه كلامه لكاتب ذو ثقل واسم في المجال الادبي..لقد كنت لازلت أتهجي فنيات هذا النوع من الأدب...كانت موهبة تشق طريقها الي النور...غير ان زملائي بالفصل ردوا عني وأخبروه ان القصة اعجبتهم كثيرا وانها أجمل ما في المجلة

لا أشيع سرا اذا قولت ان كلامه هذا أصابني بالاحباط ..وتوقفت عن الكتابة فترة كبيرة...لم اعود اليها الا بعدما اشتركت في مسابقة في مجال اللغة العربية..وقد كان المطلوب كتابة قصة او موضوع والقائها علي السامعين...كتبت موضوعا علي ما أذكر عن دور الأسرة في تنمية المجتمع..كتبته باسلوب قصصي ووضعت فيه تشبيهات كثيرة أضفت عليه حيوية وروحا.....وقد فزت بالمركز الاول من بين كثيرين تقدموا لهذه المسابقة علي مستوي المحافظة

عندما انتهت المرحلة الاعدادية وانتقلت الي المرحلة الثانوية...بدأت أهتمامتي تأخذ منحني آخر...قد يسعني الحديث عن هذه الاهتمامات لاحقا..المهم انني ذات يوم جمعت الدفاتر التي كتبت فيها القصص..كانت دفاترا كثيرة...وقررت أن اتخلص منها..سأتوقف عن الكتابة..نعم سأتوقف ..ما كل هذا الهراء الذي كنت أكتبه وأحكيه...هذه ليست قصصا بل كلاما فارغا..يجب أن أتخلص منها...وفعلت...أنتظرت حتي خلا البيت من أبي وأمي وأخوتي..وأحرقت جميع الدفاتر..كان الوقت صباحا
أول قصة كتبتها كان الوقت ليلا وعندما أحرقتهم كان الوقت صباحا..كأن عمري في الكتابة هو سواد الليل وليس أربع سنوات
وشعرت بعدها براحة كبيرة وكأنني تخلصت من حمل كبير....واكتشفت بعدها كنزا غير حياتي كثيرا..سأتحدث عن هذا الكنز أيضا لاحقا

مرت السنون بعد ذلك وندمت علي حرق هذه الدفاتر....لأني أدركت ان أسلوبي وقتها كان ملائما ومناسبا لسني..أسلوبا ينقصه الترابط بعض الشيء...لكني كنت أصنع حبكة درامية في الأحداث لم يكن يضاهيني فيها احد...كان خيالي رحبا ...يجدد نفسه في كل قصة أكتبها....بعض أحداث هذه القصص سقطت مني سهوا وأنا أعبر الي الجانب الآخر من الحياة...

بعد مرور السنين عرفت ان قصصي جميلة...لم يكن أحد يكتب مثلما كنت اكتب..عرفت بعدها أن أستاذي الذي وقف في الفصل ينقدني وينقد اسلوبي في الكتابة تملكته الغيرة من ان الجميع يشيد بي وباسلوبي وموهبتي...

عدت الي الكتابة من جديد مصادفة بعد مرور سبع سنين علي حرق الدفاتر .. لكنني أفتقدت في عودتي أبطالي الأوائل التي قمت بحرقهم وبحرق أحداث حكايتهم بيدي....

أشياء كانت تميزني..1

امطار بطعم الفرحة

2011-04-21T12:44:00.000-07:00

لما بتبئي زعلانة بتاخد جمب من الدنيا والناس

وتقعد لوحدها ماتفكرش في حاجة ولا تفكر في حد ..ما تفكرش غير في ربنا

وتبئي نفسها الدنيا تمطر رغم انها عارفة ان دا مش وقت المطر
...
وبعدين تمطر السما شوية

والناس تفضل تتعجب وتقول سبحان الله الدنيا بتمطر في عز الصيف..

تبتسم وتحس ان ربنا بيطبطب عليها علشان ما تزعلش
.
.
.
.
.
.
كل لما يلاقي الدنيا مطرت في اي وقت غير فصل الشتا يفتكرها..

ويبئي عارف انها دلوئتي زعلانة فيزعل ...

بس يفتكر انها بتفرح لما الدنيا بتمطر وهي زعلانة علشان بتحس ان السما بتمطر علشانها ...

فيفرح

:)

طرقات الماضي..3

2011-04-07T13:08:00.000-07:00

عندما اطمئن بشأن زيارات صديقة أمه وابنتها وان ليس في الموضوع ريبة ارتباط او ماشابه بدأ يأخذ راحته في البيت ويجلس معهما حتي تأتي أمه لاستقبالهما واتيحت له فرصة الكلام مع هذه البنت اكثر من مرة ... كان يحب الكلام معها وتعجبه طريقة تفكيرها العملية التي تختلف عن باقي بنات جنسها.... رغم صغر سنها الا ان رجاحة عقلها جعلها تبدو أكبر من سنها بكثير...ينسي أمر نور ليس لأنه أحب هذه البنت بل لأنها قد شغلت تفكيره بعض الوقت وهو يريد لتفكيره ان ينشغل عنها حتي لا يعود يرتدي عباءة الماضي من جديد..

عندما نريد أن ننسي شخصا ما.. ننشغل عنه بشخصٍ آخر معتقدين اننا بذلك نمنع عنه الزاد الذي يمنحه حياة مديدة في الذاكرة الا ان انشغالنا عنه يمنحه فرصة أخري للبحث عن مخبأ آمن وسري في الذاكرة

تمضي الأيام ولا شيء يصلها منه ..لا اتصال ولا رسالة... تفكر في ان تعاود هي الاتصال وتفكر ان تفعل ماهو أكثر من الاتصال..تفكر أن تلقاه..انها لم تعد قادرة علي منع فيض حنينها اليه الذي اجتاح كيانها...تريد ان تراه وتتحدث معه...ربما لو عاد ورآها لأسره الشوق ..

أرادت أن تتجاوز حديث الهواتف النقالة...صحيح أنها تدين بالفضل لهذا الجهاز الذي أعاد لها حبها القديم لكنها قد ضاقت به ذرعا لأنه يختزلها في صوت ويختزله ايضا في صوت..صحيح أن الصوت يصف أحيانا حالة القلب اذا كان سعيدا او حزينا لكنه ليس كالعين التي لا تصف فحسب بل تفضح ايضا وهي تعرف ان لعينيها سحرا عليه لم يستطع طوال السنوات التي قضاها معها ان يفك طلاسم هذا السحر وهي تريد ان يقع أسيرا لعينيها من جديد..لم يعد كما الماضي حبيبها فقط بل صار الآن رجائها الأخير في الدنيا هو لا يعرف بعد أي مكانة يحتل في قلبها ..ربما لو عرف لتمسك بها

تتصل..

تجد نفسها علي قائمة الانتظار..كان يهاتف ابنة صديقة أمه ...قد صارت بينهما مواضيع تدفعهما لتجاذب أطراف الحديث علي شبكات الهواتف النقالة

تعاود الاتصال بعد بضع دقائق..تجد نفسها ايضا علي قائمة الانتظار

تساورها بعض الشكوك...تخاف ان تكون غيرها قد استأثرت بقلبه رغم انها ليست المرة الأولي التي تتصل عليه وتجد نفسها علي قائمة الانتظار لكن في هذه المرة شعرت أن أخري تطرق أبواب الحب الموصودة بقلبه…

بعد ان ينتهي من مكالمته يتصل عليها

هو:ازيك يانور

هي:تمام الحمدلله

هو:معلش كان معايا تليفون وماكنتش عارف ارد عليكِ

هي:شكله كان تليفون مهم

تريد منه اجابة تقتل ذالك الهاجس الذي روادها بأن هناك أخري يقترب منها وينجذب اليها

هو:لا ابدا مش مهم ولا حاجة..المهم انتي اخبارك ايه

تخدر اجابته الهاجس الذي راودها لكنها لا تقتله

هي:كويسة الحمدلله

هو:طيب تمام..

يلتزما الصمت كعادة كل مكالمة هاتفية بينهما حتي باتت تكره الصمت وتكره حواجز القلق التي تُبني من تلقاء نفسها بينهما وكأنها نبت شيطاني...هي بعد لم تفهم أن الصمت يأتي بصحبته في كل مرة تهاتفه وليس بصحبتها هي ولو أتي الصمت بصحبتها هي لقتلته ومثلت بجثته أمام الجميع ....تقرر أن تنهي المكالمة لأنها لم تعد تحتمل أن يكون حنينها من طرف واحد

هي: طيب بص انا هااقفل بئي

هو:طيب ماقولتيش انتي عاوزة ايه

هي:لا خلاص مش هاينفع أقول

هو:ليه مش هاينفع..قولي يانور

هي:قولتلك مش هاينفع..عارف لو ينفع كنت قولتلك

هو: ليه ماينفعش تقولي

هي: علشان ماينفعش..معلش انا لازم اقفل معاك دلوئتي

تغلق الهاتف وتذهب الي النوم..كان الوقت عصرا وليس هذا وقت النوم بأي حال من الأحوال لكنها خيبة الأمل التي تجعلنا نخلد للنوم في أوقات غريبة وعجيبة...تشعر بغربة موحشة داخل قلبها ..تجد الفراش باردا ...ربما هي التي منحت الأشياء من حولها تلك البرودة الصماء ..تشد عليها الغطاء وتتحسس ملمسه الناعم بيديها وتتسائل لماذا لم يعد حبيبها حانيا عليها مثل هذا الغطاء ...لماذا صارت الجمادات أكثر دفئا من الآخرين...تُغمض عينيها ويأتيها النوم سريعا ...

يريد أن يعرف ما تريده منه...أكثر ما يُثير الرجال الفضول لمعرفة شيئ تريده المرأة منهم

يزيد أصراره علي معرفة هذا الشيء الذي لا يجوز لها أن تخبره بشأنه

يفكر في الاتصال عليها لكنه يتذكر قراره بأنه لن يعود يتصل عليها مرة أخري... فيمتنع...ويقاوم تلك الرغبة المشتعلة داخله لمعرفة هذا الأمر التي امتنعت عن اخباره اياه...لكن مقاومته تضعف بعد عدة ساعات فيتصل عليها ..يسمع جرسا ولا يسمع ردا...كانت في غيابات النوم ساكنة...يتصل مرة أخري فلا يسمع ردا...يعتقد انها لا تريد ان تجيب عليه ..فيزداد شغفه وفضوله

تفكر في الاتصال عليه لكنها لا تفعل عندما تذكرت انها هي التي تعاود الاتصال عليه في كل مرة ..صحيح انها لا تعاود الاتصال عليه الا بعد ان تجد منه رسالة او ماشابه يدفعها للاتصال عليه مرة أخري لكنها هذه المرة تقرر أنها لن تعاود الاتصال ..صارت لديها قناعة بأن صاحب الحاجة يلح عليها دائما حتي ينالها وان كانت له حاجة عندها سيعاود الاتصال في وقت لا حق كما تفعل هي معه في كل مرة تعاود عليه الاتصال

سلبها النوم خيبة الأمل التي كانت تجرها ورائها وهي في طريقها الي الفراش ومنحها وعوضا عنها يأسا بلباس العناد

يترقب هاتفه ..يتوقع ان تتصل عليه ..لكنها لم تفعل ...فيتصل هو..تري اسمه علي شاشة الهاتف فتنفرج أساريرها..منذ حملها الحنين اليه لم تشعر انه يبادلها نفس الحنين الا هذه المرة

اجابته:السلام عليكم

هو:وعليكم السلام.. ازيك يانور

هي بصوت انخفضت نغمته وتزينت ببعض الجدية: الحمدلله بخير

هو: فينك يا بنتي اتصلت عليكي كتير وانتي ماردتيش

هي:دول مرتين مش كتير ولا حاجة

هو:مالك يانور انتي في حاجة مدايئاكي

هي:لا خالص

هو:انا زعلتك في حاجة

تلتزم الصمت بضع ثوان فيقول: يبئي انتي زعلانة مني فعلا

هي: لا مش زعلانة انا كنت نايمة لما انت اتصلت عليا علشان كدا مارديتش عليك

هو:سيبك من الاتصال دلوئتي ...انتي مالك

هي:مالي يعني ما انا كويسة اهو ماتخافش عليا انا بجد كويسة

هو: طيب قوليلي بئي

هي:اقوللك ايه

هو:الحاجة اللي كنتي عاوزاها مني بس مارضتيش تقولهالي وماتقوليش ماينفعش اقولهالك

هي: بجد عاوز تعرف

هو: ولو مش عاوز أعرف هااتصل بيكي والح عليكي اني اعرف

تتشجع ان تخبره فتقول : هو احنا ينفع نتقابل؟

يفاجئه السؤال ويقول: نتقابل ازاي يعني

هي:نتقابل ونقعد نتكلم

هو:في حاجة حصلت ولا ايه

هي:لو مش عاوز خلاص براحتك...ما انا علشان كدا ماكنتش عاوزة اقولك

هو:استني بس يانور..مش فكرة مش عاوز ..فكرة هانتقابل ازاي وفين

هي:نتقابل في اي مكان تحبه وفي اي وقت تحبه

هو:طيب يانور انا هااشوف كدا واتصل عليكِ اقولك

يشعر ببعض القلق ..لا يعرف لماذا تريد مقابلته ويتردد في هذا الشأن ...يخاف ان يوقظ هذا اللقاء بعضا من مشاعر الماضي وهو لم يزل لا يملك لها من الأمر شيئا...في النهاية يستقر رأيه لمقابلتها عله ينجح في وضع نهاية ممكنة لهذا الماضي الذي تأبي كله أحداثه الا ان تكون في الحاضر...

يتصل عليها ويخبرها انه سيكون بانتظارها في الغد بحديقة الأزهر ....يحملها الفرح علي جناحيه ليس لأنها تشتاق اليه وبالغد سيهدأ الشوق برؤيته ولكن لأنه اختار حديقة الأزهر مكانا للقاء..نفس المكان الذي كان يلتقيان فيه في الماضي

يذهبان في الميعاد....

يراها من بعيد تجلس علي أحد المقاعد الرخام المنتشرة في طرقات الحديقة.. ..تتلفت هنا وهناك كأنها تبحث عنه فيختبيء وراء الرجل الذي يبيع المثلجات والمياه الغازية للزائرين حتي يتسني له تأملها من بعيد...

يبتسم ..كأنه تركها بالأمس لازال جمالها خلاب ولازالت ضحكتها شمسا مشرقة علي وجهها . ..كانت ترتدي قميصا أسود وتنورة سوداء ...هو يحب اللون الأسود عليها لأنه يمنحها جمالا ويبدو وجهها كالقمر الوضاء في ليل هي تعرف أن هذا اللون يتربع علي عرش الألوان عنده..وانه يحب هذا اللون عليها كثيرا لهذا كان ردائها أسود اللون لكن وجهها لم يعد كالقمر …صار قطعا من الليل مظلما بعدما عادت الي الماضي لتجد ان لا احد عاد غيرها

يقترب أكثر منها ..تنتبه له وتزداد ضربات قلبها ..تتورد وجنتيها ..تقف صامته شاردة ..تحاول أن تحكم السيطرة علي هذا الأرتباك الذي أحدث فوضي داخلها من جراء رؤيته..تتمني الا يكون هذا حلما وتود لو ان تعانقه وترتمي بأحضانه لكنها لم تفعل ولن تفعل ...يخرجها من صمتها

ويقول: ازيك يانور؟

تشعر ببعض الغربة من نبرة صوته..تغير حبيبها قليلا

هي: الحمدلله كويسة

تحاول النظر في عينيه لكنها تفشل ..يمنعها ارتباكها وخجلها

هو: خير عاوزاني في ايه

يتعمد هذه اللهجة الحادة في الكلام حتي تفقد رجائها فيه..يفعل ذلك رغما عنه لأنه لا يريد ان يعلقها بآمال لا ُترجي

هي وقد أصابتها لهجته الحادة بخيبة أمل تقول: شكلك مدايق انك جيت..طيب لما انت ماكنتش عاوز تيجي كنت قولتلي واعتذرت

يلمح دموعا في عينيها علي وشك السقوط فيشعر بتأنيب ضمير ويقول: مين قالك ان انا ماكنتش عاوز آجي بالعكس يا نور..انا آسف لو طريقتي في الكلام دايقتك..الجيش بئي غير فيا كتير

هي: انا ما طلبتش اقابلك علشان اللي انت بتفكر فيه..انا بس كنت حابة اشوفك علشان اقولك ان موضوعنا زمان خلاص خلص ومفيش داعي يكون في حرج بينا وبين بعض بسبب الموضوع دا

هو:لا خالص مين قالك ان في حرج ما بينا او حاجة ..يانور انتي عارفة معزتك عندي اد ايه

هي: ومعزتك انت كمان عندي كبيرة اوي

هو وقد تغيرت لهجته الحادة وصارت أكثر لطفا: ربنا يخليكِ...قوليلي بئي ايه اللي انا بفكر فيه

تشجعها لهجته اللطيفة علي الكلام وتقول: يعني ان انا لسه بحبك وبفكر في الارتباط بيك

هو: انا مش عارف اقولك ايه..بس انا خايف يحصل نفس اللي حصل زمان ..انا مابفكرش في موضوع الارتباط دا دلوئتي ومش عاوز اظلمك معايا زي ما ظلمتك قبل كدا..يا نور انا كل لما افتكر اللي حصل زمان ضميري يأنبني

هي: ضميرك بيأنبك علي ايه بس...انا خلاص نسيت اللي حصل ومش زعلانة منك بالعكس انت كنت واضح معايا وعرفتني ظروفك وانا لسه فاكراها وعارفاها لحد دلوقتي

تسكت للحظات وتقول: انا عارفة انك مستغرب من اللي حصل..يعني علشان انا رجعت اتصلت عليك وكدا انا ممكن اقولك ازاي دا حصل بس مااعرفش اذا كنت هاتصدقني ولا لاء

هو: اكيد طبعا هااصدقك

هي: انا كنت ماشية لوحدي وبعدين لائتني بلعب في الموبايل وبتصل عليك ماجاش في بالي خالص انك لسه مشغل الموبايل اول لما سمعت جرس قفلت علي طول وصدقني ما كنتش هاارجع اتصل تاني بيك لولا انت اللي رجعت اتصلت واتكلمت

هو: انتِ ليه محسساني اني مدايق من اللي حصل بالعكس يعني كفاية اني اطمنت عليكِ وعرفت أخبارك

هي تخبره نصف الحقيقة وهو يخبرها الحقيقة كلها...

هي تود لو أن تخبره أنها تعشقه وعلي استعداد لأن تنتظره عمرها كله

وهو يود لو أن يخبرها أنه ليس الرجل المناسب لها وأنه لم يعد يحبها..فقط يحمل لها بعض الحنين وبعض الذكريات الجميلة

هو: طيب يا نور انا لازم امشي لأن عندي مشوار مهم

هي:طيب اتفضل وخلي بالك من نفسك

هو:انتي كمان خلي بالك من نفسك

يخرج يركب عربيته ويقف بها بعيدا عن الحديقة بعدة أمتار ..يفكر فيما حدث وفي طريقته الفظة في الكلام معها

لكنه لم يكن لديه بديل آخر حتي تنتبه لحياتها وتنساه.. هو ليس الرجل المناسب لها كما انها ليست المرأة المناسبة له ..هو لن يسطيع أن يقف أمام أهله مجددا..حسنا حسنا ليست المشكلة في أهله وحدهم هذه المرة بل فيه أيضا

هو يفكر بالعقل وللعقل حسابات أخري لا تتفق مع حسابات القلب وهو في السنوات الأخيرة أصبح ينحاز لعقله كثيرا حتي انزوي قلبه ولم يعد له أي حسابات

في طريقها الي البيت تدعو الله ان يساعدها في الخروج من طرقات الماضي...وأن يقف الي جوارها حتي لا تعود اليه مرة أخري بحججها الفارغة التي لا تحمل سوي معني واحد أنها تحبه وتريده لنفسها...هي بعد لقائه بها قد استنفذت كل آمالها في ان يعود كما الماضي يحبها ...لم يشفع لها حنينها ولم يشفع لها جمالها..لم يشفع لها حبها القديم ...

تدرك أن هناك أمورا كثيرا لا تأتي بالاستجداء ومن بين هذه الأمور الحب والحنين

يُتبع....

طرقات الماضي

2011-03-21T11:45:00.000-07:00

قصة جديدة تجدونها هنا

طرقات الماضي...1

طرقات الماضي...2

جزء من قصة لسه ماكملتش

2011-02-26T00:53:00.000-08:00

وطوال هذه السنون التي انقضت علي موت أمي رفض أبي الزواج ... وكنت وانا أجلس في غرفتي انهي بعض واجباتي المدرسية اسمع بعضا من حديث أبي مع أحد أصدقائه وهو ينصحه بالزواج فلديه طفل لن يستطيع ان يوليه اهتمامه كل الوقت ويجب ان تأتي امرأة ترعاه وترعي صغيره وتدير شئون البيت لكن أبي أخبره انه ربما يفكر لاحقا في الزواج لكن الوقت الآن لا يسمح له بذلك

كنت أكره هذا الرجل الذي يلح علي ابي دوما بالزواج....لم أفهم وقتها سوي شيء واحد ان هذا الرجل يريد ان يستبدل امي ويأتي بامرأة غريبة تشاركنا حياتنا لكنني رغم ذلك كنت قلقا بشأن أبي كان هناك شعورا ما يساورني ان أبي سيتزوج يوما ما

وبدأت أكبر يوما بعد يوم وأتفهم الحياة واستكشف اسرارها بنفسي وكان لذلك عندي متعة كبيرة غير ان هناك شيئان لم افلح حتي الآن في كشف اسرارهما ..كانا بالنسبة لي بمثابة اللغز, الشيء الأول هو حكمة الله وكيف يحدد الله ميعادا لكل من خلقه يموت فيه لكني كنت اتوقف احيانا عن التفكير في حكمة الله حين اتذكر قول ابي انه وحده من يعرفها ولا سبيل لغير الله بمعرفتها والشيء الثاني وهو الموت وكيف يبدو وماطعمه هذا اذا اعتبرت ان الموت سرا من اسرار الحياة

بدأت السنون تتوالي بعد ذلك وأبي لم يتزوج بعد... لم يقصر في اهتمامه بي وكان حانيا جدا علي لا يرفض لي طلبا غير انه كان قليل الكلام..لم تكن بيننا أي أحاديث جانبية كان صامتا أغلب الوقت وكنت ألحظ في عينيه حزنا لم أفهم سبب ومدعاته وكنت أشفق عليه كثيرا ...لم تكن في حياة أبي غيري..لم أعرف له أصدقاء سوي صديقه هذا الذي كان يلح عليه بالزواج ولم أر قريبا لنا يزورنا في عيد او غير عيد..كان أبي هو من يذهب لزيارتهم وعندما أسأله لماذا لا يأتون لزيارتنا يخبرني أن مواصلات الأرياف صعبة و لا طاقة لهم بأن يأتوا لزيارتنا مجتمعين لكن هذا لم يشفع لهم عندي وكنت أراهم مقصرين ليس في حقي بل في حق أبي اليس منهم رجلا ينزل القاهرة فيأتي ليزور أبي..كنت أشعر دائما أنه وحيد بحاجة الي من يؤنس وحدته وكنت دوما اعجز عن ذلك حتي أنني فكرت في أمر زواجه مرة أخري ولم أعد أكره صديقه القديم..نعم لماذا لايتزوج أبي هاانا قد كبرت وسأتفهم الوضع هو بحاجة الي زوجة تشاركه همومه ومعاناته التي يحجبها عني دوما

حبات الأمل

2011-01-19T10:02:00.000-08:00

حين أعلنت السماء عن بدء سقوط بعضٍ من خيرها ونمائها علي الأرض كانت هي وصديقتها يتأهبان لاستقبال الأمل من السماء...يفتحان ذراعيهما للسماء ..يحتضنون حبات المطر.. يفتحان قلبهما علي مصراعيه لاحتواء انفعالات السماء لعل حبات المطر تنجح في غسل بقايا ذكريات المستقبل التي باتت مؤلمة ...ليس للمستقبل ذكريات الذكريات للماضي فقط لكن كثرة التفكير في المستقبل يجعلنا نعيش احداثه ونتوقعها وتصدق توقعاتنا مع الايام ويصير المستقبل ماضي له ذكريات ...

وقف أمام الشباك يشاهد قطرات المطر وهي تتوالي تباعا في السقوط غير آبه لنزلة البرد التي أصابته منذ أيام قليلة والتي قد تزيدها تلك الرياح الباردة التي تحملها امطار السماء ولما زادت قطرات المطر وتزاحمت أخرج يديه يداعب المطر او لتداعبه حبات المطر .. ووقف الي جواره صديقه يسأله النزول والسير تحت المطر ..لا يعيره اهتماما ويعود يخرج يده مرة اخري محاولا المسك بأي من حبات المطر الساقطة بينما صديقه لا يمل السؤال ويزيد الحاحه كالطفل حين يرجو أمه ان تفعل له شيئا يريده وترتسم علي وجهه ملامح البهجة البسيطة غير المعقدة

كان يجلس علي مكتبه يقلب بين الأوراق, يعيد ترتيب الأحداث والواجبات المنوط بالقيام بها...يري خيوط الماء وهي تنسدل من السماء في رفق ..يترك الأوراق وينحي الواجبات جانبا وينهض ليتأمل استسلام الكون والأشياء لخيوط الماء..يبتسم وتتسع ابتسامته , تلك الاحتياطات التي اخذها تحسبا لسقوط الامطار اجدت نفعا في النهاية ولم تذهب سدي...

عندما عادت من الخارج كان المطر قد زادت شدته...نظرتْ الي الجميع بابتسامة يكسوها الخجل لم يلحظه أحد لأنها قد أسرتهم بضي عينيها وكأنه الكون اغتسل من الأتربة والغبار...وسرت في قلبها فرحة جعلتها تتنازل عن بعض أشيائها للآخرين في حب وكأنها توفي بنذر ما..

كانت تنتظر قدومه في لهفة وعجلة من أمرها ...تتمني أن يأتي ولا يعيقه شيئا في الطريق ..لكنها ما كادت انت تنهي أمنيتها حتي بدأت زخات المطر, وتضائلت فرص قدومه حتي باتت منعدمة مع كثرة زخات المطر..لكنها سعدت بهذه الزخات وراحت تراقبها في شغف وكأن هذه الزخات هي لطف الله بها حتي لا تبتأس لعدم قدومه...

السماء تكتئب ولما يشتد اكتئابها تمطر, ...فتنفرج اساريرها وتتخلص من همومها وما ان تنتهي تبتسم ابتسامة عريضة ,ابتسامة بسبع الوان زاهية....هكذا هو أحساسي بالسماء...امطارها دموع لكنها دموع تحيل أشياءا كثيرة للأفضل ...

كانوا جميعا بحاجة الي دموع السماء..كانوا بحاجة لهذا الاحساس الصادق الذي سري في أوصالهم ولهذه الابتسامة التي كست ملامحهم ..كانوا بحاجة لتلك اللحظات القليلة التي انفصلوا فيها عن العالم والآخرين ولهذا الأمل الذي حملته اليهم حبات المطر

القمر في برج الثور

2010-12-15T14:19:00.000-08:00

لو كان الملل والاكتئاب..والفراغ والوحدة..والقلق والانتظار اصدقاء لدعوتهم علي العشاء ووضعت لهم السم في الطعام ليمزق احشائهم وينتزع ارواحهم امامي واخلص العالم من شرهم...لكنهم ليسوا اصدقاء....علي العالم ان ينهض ويقرب المسافات بينهم ثم يترك لي مهمة العشاء والسم.
كان يوما جميلا ...رغم الاتربة والرياح ..والبرد الشديد...استيقظت في هذا اليوم علي مهل...هكذا يتحسن مزاجي نوعا ما اذا لم يضطرني شيئا للاستيقاظ.. كنت قريبة جدا من السماء....وقريبة جدا من نفسي ....كنت اشعر بحالة من السلام داخلي....علي ان اؤجل دعوة العشاء ليوم آخر..

"لا تضع البيض كله في سلة واحدة" احب هذه المقولة جدا واراها عملية ....عندما اعثر علي مفاتيحي لن اضعها في ميدالية واحدة وعندما اقبض راتبي لن اضعه كله في حافظة نقود واحدة
وعندما احب لن اضع ثقتي كلها بشخص واحد ولن اهبه مشاعري كلها دفعة واحدة ....عليه ان يجتاز شكوكي اولا......

"لا تبكي علي اللبن المسكوب" ليس اللبن فقط هو الذي لا يجدي معه البكاء اذا انسكب علي الارض....اي شيء اذا سقط منا لا يجدي معه البكاء...لكني اري في البكاء ضرورة...انه رد فعل طبيعي لسقوط شيء نحبه علي الارض...اذا رأيتني مرة لم ابك وقد سقط مني شيئ ما فاعلم انه لم يكن يعنيني ولم اكن احبه....نعم لم اكن احبه

الناس تقرأ حظك اليوم في بداية اليوم وليس في نهايته...لست من هؤلاء الشغوفين بحظك اليوم رغم اهتمامي بالابراج عموما...لكني اقرأه من باب الفضول .....
"القمر في برج الثور...حالتك النفسية والعاطفية في تحسن ...تفكر جديا في الارتباط"
كان هذا حظي في ذلك اليوم....لم تكن حالتي النفسية والعاطفية في تحسن ولم اكن افكر جديا في الارتباط لكني كنت اعرف ان القمر كان فعلا في برج الثور

انفراجة

2010-12-01T10:25:00.000-08:00

امتلك عشرين سببا للاكتئاب....ربما ثلاثين...لا ادري قد يكونوا أربعين... علي كل حال لن يزيدوا عن الخمسين
يأتوني فرادي أو مجتمعين ....فتقل ضربات قلبي ....ويهبط ضغطي إلي اقل حد مسموح به حتى أظن في هذه اللحظة أنني سأفقد النطق وبالكاد أتنفس فأتيقن أن ساعتي قد اقتربت و ما هي إلا دقائق معدودة أو ساعات معدودة وسأفارق الحياة
لكني اكره أن أغادر الحياة وأنا مكتئبة ...تعيسة…أتمني أن أغادرها بابتسامة ...
حياتي رغم الخمسون سببا التي تحملها وتدفعني للاكتئاب إلا أنها علي كل حال جميلة وتستحق مني أن انهيها بابتسامة..
أحاول واجتهد أن ابتسم فلا استطيع ...تبوء محاولاتي بالفشل فاستنفذ مخزوني من الطاقة ومن الجهد الذي كان يعينني علي التنفس والبقاء علي قيد الحياة
وقبل أن أعلن استسلامي بلحظات اشعر بشيء غريب يدخل قلبي وينشر النور في أرجائه رويدا رويدا
فيعود قلبي يضخ الدم إلي جميع أجزاء جسمي بقوة حاملا معه نور
وأعود أتفحص أسباب الاكتئاب و أتبينها فأجدها تتضاءل وتتضاءل حتى تلاشت واحدة تلو الأخرى وهي في ذلك كمكعبات الثلج حين يذوب
يعلو ضغطي حتى يصل معدله الطبيعي وتعود دقات قلبي منتظمة وقوية كما كانت
وأتيقن انه لازال في العمر بقية

ارجع للنور الذي في قلبي أجده قد انتشر حتى وصل عقلي الذي أخبرني أن الله سيرزقني خيرا كثيرا ويمنحني من فضله ما لم أكن أتوقعه
وأن الله يحبني و سيهدني وسيعفو عن سيئاتي…إن أحسنت الظن به

وتسقط مني دموع ...اعرفها جيدا هذه الدموع وأحبها جدا وانتظرها كثيرا
دموع من رحمة الله
فا اشعر بها ترويني وتروي وجداني
وأبتسم...وتطول ابتسامتي
فتسقط دموعي من جديد وأحب سقوطها
وتستمر ابتسامتي وتستمر دموعي

أنا لا اعرف كيف انتظمت دقات قلبي وكيف اختفت أسباب اكتئابي جميعها في لحظة ..أنا لا اعرف كيف فعلتها وابتسمت ... لم أر النور الذي ملأ قلبي وروحي لكني شعرت به... أنا لا اعرف كيف تم كل ذلك لكن اعرف انه الله ولا احد غير الله من فعل كل هذا

أتذكر قوله تعالي"الحمد لله الذي لم يتخذ له ولدا ولم يكن له شريك في الملك" فهو واحد احد وقتما اطلبه أتوجه إليه واجده ....أتخيل ماذا لو أنني في لحظات الحزن والضيق توجهت إليه ولم أجده أو وجدت شريكه يخبرني انه مشغول....و يعلو صوتي بحمد الله أن ليس له شريكا في الملك وأننا وقتما و أينما طلبناه ولجأنا إليه وجدناه

وتتجلي أمامي حقيقة عظيمة
وهي انه لا يهم ما ينزل بنا من مصائب ولا يهم الشدائد التي تلاحقنا في حياتنا
ولتذهب أسباب اكتئابي إلي الجحيم
ولتفعل الدنيا ما يحلو لها بي
مادام القلب يملؤه رضا وإيمان بالله.

جائزة أحسن فيلم

2010-11-21T13:58:00.000-08:00

كنت علي علم بتفاصيل عشقه لها...
كنت أري كل شيء واشعر بكل شيء واعرف عن حبه لها كل شيء
كنت قريبة جدا منه وقريبة جدا منها....

كنت أري انه دون غيره الجدير بحبها...هو رغم كل شيء يستحقها....وهي رغم كل شيء لا تستحقه...وليس الحب بالاستحقاق ..إننا قد نعجب بشخص لأنه يستحق...لكننا قد نحب شخصا ونعشقه رغم انه لا يستحق..
لقد كانت تحب غيره..كان تحب شخصا قريبا أيضا منه
ليس صديقه ....لكنها ظروف العمل...

في الوقت الذي كان يستعد فيه ليخبرها انه يحبها أخبرته هي أنها تحب هذا الشخص الآخر.

حبس انفعاله داخله... تماسك...بدا رده عليها باردا ...هنأها وتمني ليها حياة سعيدة.....

أدهشني تماسكه أمام الآخرين وصدقت رد فعله.... كان يحتفظ بتماسكه أمامها وأمام حبيبها.

ولم تساعده الظروف في التنحي والرحيل من حياتها فقد كان يجمعهما عمل مشترك

كان هو المخرج ومن أحبته كان البطل الذي ستلعب أمامه أولي أدوارها في عالم الفن وعالم الحياة أيضا.....كانت لكليهما وجها جديدا ...وقلبا جديدا..وحبا جديدا ايضا

كنت اعرف انه يبكيها ويبكي حبه لها طوال الليل في حجرته المظلمة المعتمة
كنت اعرف انه يتعذب وحده علي حبيبته التي اختارت غيره
كنت اعرف انه في النهاية يضعف....
لكنه بدا قويا أمامها وأمام حبيبها
بدا قويا أمامي وأمام الحاضرين

أما أنا فكنت ضعيفة جدا وبدا ضعفي واضحا للجميع...بدا ضعفي واضحا حتى للمشاهدين
كنت أنا صاحبة القصة التي يقوم هو بإخراجها وتقوم هي وحبيبها بدور البطولة فيها

كان مخرجا عظيما.. نجح في إخراج حياته بالصورة التي نفت عنه تماما انه يحبها
يستحق جائزة أحسن مخرج.. ولو ساعدته الظروف وقام بدور البطولة أمامها لنال جائزة أحسن ممثل ايضا....

ولو ساعدتني الظروف أكثر ولعبت أنا أمامه دور البطولة بدلا منها لنال العمل جائزة أحسن فيلم

كم كنت أتمني لو أن لي قلبا مثل قلبه..ورباطة جأش كالتي عنده حتى لا أثير شفقة من حولي
صحيح أن قلبي حان رقيق لطيف ربما اجتمعت فيه صفات العالم الطيبة جميعها لكنه لم يكن أبدا قويا
ولم يأخذ بيدي يوما حتى أنساه...
لم تكن مشكلتي في النسيان قدر ما كانت مشكلتي في ثباتي أمامه

أنا أحببته تماما مثلما أحبها هو ...لكنه فعل مثلما فعلت هي وأحب غيري

اصمت حتى أراك

2010-11-08T01:28:00.000-08:00

"الكلمة بمعناها في نفسها لا بمعناها في نفس قائلها"

كانت هذه احدي مقولات العرب قديماعن الكلام....غير انه بتطور الأيام والأزمان...أصبحت الكلمة بمعناها في نفس قائلها أكثر من معناها في نفسها...الأمر يتوقف في النهاية وفي البداية أيضا.. علي ما يقصده الآخر

وكما يقولون المعني في بطن الشاعر ولسنا كلنا شعراء لكن في بطوننا معاني كثيرة مختلفة ومتشعبة

أصبحنا نأخذ وقتا لا بأس به في الوصول لقصد فلان.

والكلمة قديما كانت تحمل معني واحدا واضحا للجميع أصبحت الآن تحمل معاني كثيرة ومبهمة أيضا للجميع.

زادت مساحات التعبير عن الرأي وزادت المفردات والمصطلحات ورغم ذلك فقد الرأي قوته ومصداقيته وصار له طعم المياه المثلجة....المياه عموما ليس لها أي طعم لكنها تروي عطشنا جميعا...غير أن كلام أكثرنا لا يروي عطش احد

أصبحنا نتكلم أكثر ونفهم اقل

نكذب ونتجمل أكثر مما نصدق الآخرين القول..ربما لا نصدقهم أبدا.

صار الوضوح عيبا يجتهد الآخرون في إصلاحه بإحاطة قليل من الغموض حولهم.

البعض يكره أن يكون كتابا مفتوحا يقلب الجميع صفحاته هكذا دون اكتراث أو اهتمام..يريد لنفسه بعض الأوراق المطوية.....الأمر أشبه عنده ببيت مفتوحة جميع نوافذه ومن بالخارج يمر ويطل عليه من هذه النوافذ دون إذن

البعض يغلق الكتاب بقفل حديدي تاركا الآخرين يجتهدون في معرفة محتوي الكتاب من عنوانه فقط ولا سبيل آخر لديهم.

البعض يترك الكتاب مفتوحا دون أوراق مطوية أو أقفال حديدية لكن يحتفظ لنفسه ببعض المعاني والأسرار وسط السطور وبينها.

لم يعد كما كان من قبل"تكلم حتى أراك"

الكلام أصبح مشوشا وأصبحت هناك فئة من الناس بارعون في الكلام وترك انطباعات أولي وأخيرة جيدة...فئة من الناس يجيدون التمثيل بجميع فنونه...ولا سبيل لمعرفة حقيقتهم سوي المحن والشدائد التي تظهر معادن الناس...

لا ادري ربما عاد السفسطائيون مرة أخري والسفسطائي لمن لا يعرف شخص يستطيع أن يقنعك بالشيء وضده في نفس الوقت ....لكن من يمتلك عقلا راجحا لا يصدقهم

اتسائل أين ذهبت عقولنا...

أرجوك لا تتكلم كثيرا فكلامك يشويش علي عقلي وعيني...دعني أراك من أفعالك والتزم الصمت قدر الإمكان حتى لا يصيبني التشويش ..ولا تتكلم إلا إذا كنت صادقا.

شيكولاتة بالبندقِ...10

2010-10-10T14:42:00.000-07:00

مفيش كام دقيقة ونهلة اتصلت عليا قولت لنفسي مش محتاجة تتصلي عليا علشان تفكريني بوجودك في حياتي ولا بالعلاقة اللي مابينا...انا فاكرة من غير حاجة....اتصلت اكتر من مرة وانا مافتحتش عليها...ماكنتش قادرة اتكلم مع أي حد...انا بس مستغربة الدنيا ...

تاني يوم الصبح كلمت نهلة واعتذرتلها علشان ماقدرتش ارد عليها امبارح لأني كنت مخنوقة

واحنا بنتكلم لاقيتها بتقولي: نغم انا في حاجة عاوزة اقولك عليها...بس اوعديني انك تسامحيني

انا: خير يانهلة قولي في ايه

هي: بخصوص الكلام اللي قاله حسام عليكي

انا: ماله؟

هي: بصي انا ضميري بيأنبني من ساعة ماقولتلك

اه ماهي عمالة تطبل علي دماغي...ايوا هاتقولي ان حسام ماقالش عليكي حاجة وان دا كلامي انا .... ويطلع حسام بريء ويبقي في الحالة دي لازم اصرف نظر عنه ولازم اثبتلها اننا كنا زمايل وبس وخصوصا ان حسام دلوئتي بقي موجود في ساحة المعركة...ومن كلامه آخر مرة معايا قلبي بيقولي الله اعلم يمكن يحصل نصيب

هي: الو الو نغم انتي فين ....الشبكة بتقطع ولا ايه

انا: اه شكلها كدا...المهم كملي كنتي بتقولي ايه

هي: بخصوص الكلام اللي قاله....

قاطعتها وقولتلها: ايوا ايوا ماله

هي: هو قاله بس مش بنفس الاسلوب اللي انا قولتلهولك...

انا: اللي هو ايه الاسلوب دا

هي: هو قال انك معجبة بيه والله اعلم اذا كنتي بتحبيه ولا لآ دي حاجة مايقدرش يجزم بيها..بس قال ان عينيكي كانت فاضحاكي وقرا فيها انك نفسك تبقوا لبعض بس للأمانة هوقالي انه بيعزك جدا زي اخته لانك انسانة بسيطة...انما ماقالش انك بترسمي عليه وعاوزة توقعيه ...دا كان كلامي انا مااعرفش ليه قولت كدا وبالاسلوب دا

والله يعني عينيا فاضحاني اهو ماشاء الله...والبيه كان شايف وعارف وفي الآخر زي اخته

انا: خلاص يانهلة انتي بتتكلمي في ايه يقول ولا مايقولش خلصنا من الحكاية دي بقالنا قرن دلوئتي

نهلة: يعني انتي مش زعلانة مني ومسامحاني

انا: يانهلة قولتلك خلصنا من الموضوع دا خلاص انتي ليه مش عاوزة تصدقي.....بقولك ايه لازم اقفل دلوئتي هاابقي اكلمك بعدين

سلام

المرادي نهلة مابتكدبش عليا لانها قالتلي انه قال عليا اني انسانة بسيطة ودا كان وصفه ليا دايما اني ابسط بنت عرفها في حياته...دا غير ان فعلا انا كنت معجبة بيه وكان باين في عينيا مااقدرش انكر حاجة زي دي وكمان حاجة ماتزعلنيش اوي انه قال كدا لخطيبته ...واحد بيتلخبط في اسم خطيبته وبيناديها بااسمي وهي سألته عني كان لازم يقولها انا ابئي مين واكيد الكلام جاب بعضه وقال اللي قاله عليا ....هو مااتبلاش عليا في أي حاجة من اللي قالها...واه انا بحبه وقعدت الشهور اللي فاتت دي كلها علي امل انه يرجع ونكون لبعض...صحيح انا مااعرفش ايه فيه مختلف عن الناس يخليني احبه..بس انا فعلا بحبه

....

بس برده انا مااعجبتش بيه من البداية مني لنفسي كدا...هو اللي فضل يشاغلني لحد مااتعلقت بيه....حتي لما جه يطلب ايدي ماحسيتش منه حاجة تقول انه بيحبني.....هو اتقدملي وهو شبه متأكد اني هااوافق...اه ومااوافقش ليه ما انا معجبة بيه وشايف دا وقاريه كويس في عينيا

بعدها بيومين لاقيت موبايلي بيرن

انا: ايوا مين بيتكلم

هو: انا حسام يانغم...دا رقمي انتي ماسيفتهوش من المرة اللي فاتت ولا ايه

انا: مرة ايه؟

هو:لما بعتلك من عليه الرسالة لما كنتي بتتمشي بعد الشغل من كام يوم كدا

انا:اه اه افتكرت..نسيت اسجله ...هو دا رقمك الجديد خلاص

هو: اه سيفيه بئي

انا: ان شاء الله

هو:نغم انا عاوز اكلمك في موضوع ضروري ...ينفع النهاردا بعد الشغل

انا: موضوع ايه؟

هو:لو ينفع في التليفون كنت قولتلك

انا:ووماينفعش اقابلك بعد الشغل غير لما اعرف ايه هو الموضوع

هو:صدقيني ماينفعش اقولهولك في التليفون

انا: خلاص قولي بخصوص ايه

هو: بخصوصي وبخصوصك

انا: طيب بعد الشغل انا هااخرج اتمشي زي المرة اللي فاتت

هو: لا ماينفعش اقوله واحنا بنتمشي ..ايه رأيك نقعد في الكافية اللي قعدنا فيه آخر مرة قبل مااسافر

انا: لا مفيش كافيهات....تقولي الموضوع واحنا بنتمشي

هو: مالك يانغم انتي ليه بتكلميني كدا

انا: هو دا كلامي ....

هو:لا دا مش كلامك ...انتي في حاجة مغيراكي...مش هااطول عليكي لما نتقابل نبقي نتكلم في الموضوع دا

سلام

بعد الشغل اتمشينا سوا وقاللي: ايه بئي اللي مزعلك ومغيرك كدا

انا: مفيش حاجة مزعلاني ....وانا مش متغيرة ..انا زي ما انا

هو: لا آخر مرة انتي كنتي مدايقة جدا وقولتيلي ادعيلي ابئي كويسة

انا:اه دا كانت مشكلة في الشغل

هو: بس انا عارف ان الشغل مابتحصلش فيه مشاكل تزعل وتدايق الناس بالشكل دا..انتي ناسية اني كنت معاكي في نفس الشغل

انا: ماقولتليش ايه الموضوع المهم اللي انت عاوزني فيه

هو:مش بقولك اتغيرتي

مارديتش عليه وفضلت انا وهو بتاع دقيقة كدا مابنتكلمش

لحد ماقال: نغم ....انا سافرت تونس وحوشت مبلغ كويس يساعدني اني ابدأ حياة جديدة ومستقرة مع الشخص اللي اختاره قلبي واتمني يكمل عمره معاه

انا: كويس اوي ...ربنا يوفقك...بس الشخص دا موافق انه يكمل هو كمان عمره معاك ولا لاء

هو: ماهو دا الموضوع المهم اللي انا عاوزك فيه

انا: انا اعرف الشخص دا وعاوزني اكلمهولك مش كدا؟

هو: لا يانغم..مش عاوزك تكلميهولي انا عاوزك توافقي تكملي عمرك معايا

انا: بالسهولة دي؟!

هو: مش فاهم

انا: اصلك بتتطلب مني الارتباط ونسيت حاجة مهمة جدا

هو: اللي هيا؟

انا: اني اكون مرتبطة

هو: انا سألت وعرفت انك ولا اتخطبتي ولا اتجوزت

انا: وهو دا الارتباط في نظرك

هو: هو في ارتباط تاني غير الخطوبة والجواز

انا: اه طبعا في....الحب .....انت بتغلط نفس الغلطة لتاني مرة..متخيل ومتصور ان قرار ارتباطنا ببعض مش محتاج غير مبادرتك وانا في أي وقت هاابئي مبسوطة بالمبادرة دي وهااوافق اني ارتبط بيك سواء دلوئتي او بعد سنة... سواء كنت في مصر او سافرت تونس...

كان مندهش جدا من كلامي

وماردش

قولتله :انا اسفة لازم امشي...

هو: لا انا اللي آسف ....انتي عندك حق انا للمرة التانية بغلط نفس الغلطة .....كنت فاكر اني بُعدي عنك هايخليني انساكي وابطل احبك...بس اكتشفت اني لما بعدت عنك حبيتك اكتر واكتر

عندك حق انا فعلا غلطت لما طلبت ارجع تاني شغلي في مصر رغم ان مرتبي هاينقص كتير بس قولت فلوس الدنيا كلها ماتساويش قربي منك وغلطت لما فرحت لما لاقيتك لسه ماارتبطيش بحد

انا اللي آسف يانغم اني حبيتك وحسيت منك احساس ترجمته لتاني مرة غلط

معلش ماتزعليش مني اصلي خريج تجارة مش خريج السن فتلاقيني خايب في الترجمة واللغات.....

وبعدين سابني ومشي انا وقفت متنحة في مكاني

وببص عليه لحد ماتاه وسط الناس والزحمة

هو قال ايه !!!!..بيحبني!!...راجع مصر علشاني!!!...فرح لما لاقانني لسه ماارتبطش

يومها فضلت صاحية طول الليل بعيط...

زعلانة من الدنيا ...اللي خلتي اقابل نهلة وقربتنا من بعض اوي كدا....زعلانة منها علشان اليوم اللي فضلت مستنياه طول عمري علشان اسمع فيه من الشخص اللي حبيته بجد ومن قلبي انه بيحبني يكون بيقولهالي بلوم وعتاب واسف انه حبني واتعلق بيا

الصبح وانا بلبس مالاقيتش الساعة بتاعتي دورت عليها في كل مكان مالاقيتهاش

دا انا كنت لابساها امبارح...اكون نسيتها في الشغل ولا وقعت مني ......ما انا ناقصة الساعة هي كمان

وانا في الشغل سألت زمايلي اللي معايا في المكتب عليها ماحدش شافها

بس واحدة زميلتي قالتلي اسألي الفراش اللي مسئول عن نضافة المكتب بتاعنا

روحت وسألته قالي انه متعود لما يلاقي أي حاجة يعينها عنده في صندوق ولو حد ضاعت حاجة منه يدورله عليها في الصندوق دا

فتحلي الصندوق وهو بيدور لاحظت حاجة غريبة جدا

قولتله ثواني ثواني

مديت ايدي في الصندوق وخرجت قلب سلسلة

مش معقول...دا قلب سلسة نهلة اللي ضاع منها بعد مارجعنا من اسكندرية بااسبوع.....ايه اللي جابه هنا؟

سألت الفراش: بتاع مين قلب السلسة دا

هو: وانا لو اعرف بتاع مين هااخليه عندي ليه

انا: انت لاقيته فين وامتي

هو: دا من زمان اوي لاقيته هنا في الدور

انا: طيب شكرا

نهلة كانت هنا في قسم العلاقات العامة من بعد مارجعنا من اسكندرية باسبوع....جاية تعمل ايه وجاية تسأل علي مين

اتصلت عليها

انا: ايوا يانهلة انتي فين؟

هي: في البيت

انا:طيب البسي وتعاليلي دلوئتي حالا في الشغل...محضرالك مفاجأة

هي: مفاجأة ايه؟

انا: لاااااااا لما تيجي هاتعرفي كل حاجة..ماتتأخريش بس

هي: لا جايالك علي طول

فاتت ساعة بالظبط وكانت عندي في المكتب

اخدتها وروحت لعم حسين

وطلبت منه الصندوق اللي بيعين في الحاجات اللي بيلاقيها

فتحتهولها وطلعت منه قلب السلسة بتاعتها

قالت بتوتر: معقول يانغم انتي لاقتي القلب دا فين؟

انا: مش هاتصدقي.....عم حسين لاقاه هنا في الشغل

سكتت

كملت كلامي وقولتلها: مش دا القلب اللي ضاع منك بعد مارجعنا من اسكندرية باسبوع وقولتيلي انتي مش فاكرة هو ضاع منك فين

مابترديش عليا ليه...بصي في عينيا وكلميني...كنتي عارفة ان انا نغم اللي خطيبك كان بيغلط في اسمك ويناديني بيها..كنتي عارفة انه انا هي وعاملة نفسك ماتعرفيش ....

هي: ايوا كنت عارفة ان انتي هي وماتعمليليش فيها دور البريئة الضحية

اذا كنت خبيت عليكي انتي كمان خبيتي عليا..وكدبتي عليا في مكان شغلك

انا: ماسألتيش نفسك انا ليه كدبت عليكي ..ليه ماقولتلكيش الحقيقة...لاننا بقينا اصحاب وانا كنت شارياكي ومقدرة اللي مابينا وماحبيتش اجرح احساسك وقولت كدا ولا كدا هو مش موجود يبقي مفيش لزوم تعرفي ....

لا ويوم السينما لما نطقت اسمه...اتفاجئتي وعملتي نفسك مش عارفة وسمعتيني كلام جارح علي لسانه...حتي لو كان هو اللي قاله وانتي عارفة ان انا البنت دي ماكنتيش تقولهولي وتجرحيني بالشكل دا

هي:برده انتي كدبتي عليا ...لما قولتيلي ان هو بالنسبالك مجرد زميل وهو بالنسبالك كان اكتر من كونه زميل ...

انا: بس انا بالنسباله كنت زميلة وبس واظن هو دا اللي يهمك انا ابئي ايه بالنسباله مش هو يبقالي ايه....

انتي ساكتة ليه مابتتكلميش ..واجهيني

هي: عاوزاني اقولك ايه...اقولك اه انا غلطانة وكدابة وكنت بمثل عليكي علشان ترجعيله وانتي ضميرك مرتاح انك ماظلمتنيش ولا خونتي الصداقة اللي مابينا

انا: ارجعله؟؟؟؟؟؟؟؟ يعني انتي عارفة انه رجع من السفر

هي: اه عارفة

انا: يعني لما جتيلي المكتب تصالحيني علشان تفضلي في حياتي وتبقي العقبة في رجوعي ليه....

تصدقي اه ...انا ازاي مااخدتش بالي...ازاي ماربطتش الأحداث ببعضها....ايوا صح كدا ..وعلشان تقطعي عليا كل الطرق والحجج في اني ممكن اقول عليكي كدابة واصدق انه ماقالش عليا أي كلام..اتصلتي تقوليلي هو ماقالش عليكي حاجة دا انا اللي قولت وسامحيني وارجوكي وعلشان خاطري يانغم

هي: ايوا كدا اظهري وباني ...انتي نفسك ترتبطي بيه انا ماغلطتش بئي لما قولت انك حاطة عينك عليه

انا: نهلة تسمحيلي بسؤال واتمني يكون عندك الشجاعة وتجاوبيني بصراحة

هي:اسألي

انا: انتي حبيتي حسام؟؟؟؟

هي: لا ماحبيتوش ...دا مايملاش عيني وانسان ممل وكداب و....

قاطعتها وقولتلها: لما هو فيه الصفات دي كلها ...شاغلة بالك بيه ليه...هو كدا كدا هايرتبط بغيرك

هي: يرتبط بأي حد الا انتي

انا: يااااااااااه للدرجادي انا مسببالك ازمة...بصي يانهلة احب اقولك ان فعلا انا وحسام هانرتبط ونصيحة مني والله بقولهالك بحب ومن قلبي ماتوقفيش حياتك علي حد ..ابدأي حياة جديدة مع شخص جديد يقدرك ويسعدك

صحيح ان صداقتك بيا كانت تمثيل...بس انتي جواكي انسانة كويسة

هي: هاترتبطوا فعلا؟

انا: الله اعلم ...بس انا غلطت غلطة كبيرة وصدقيني هااعمل المستحيل علشان اصلحها

متشكرة يانهلة علي كل اللي عملتيه فيا ومعايا...بس انا اتضحلي النهاردا شيء مهم ان الكدب والزيف والتمثيل عمرهم قصير في الدنيا...والحاجة اللي بجد ومن القلب بتستمر وبتدوم مهما كانت الظروف

اديتها قلب السلسة بتاعتها ومشيت من عندي وقعدت انا افكر في اللي عملته مع حسام والكلام البايخ اللي قولتهوله ….لا عاملة نفسي بستنبط النتايج وبقوله بتغلط نفس الغلطة لتاني مرة

دا انا اللي بغلط نفس الغلطة تاني وبعاملة بمنتهي قلة الزوق...زعلانة علشان نهلة قالتلك انه كان عارف انه معجب بيكي..كرامتك وجعتك مش كدا...لا انتي كدا تمام ونعم التصرف ورد الفعل بصراحة

لا وقولتله اني مرتبطة وبحب...لا والله انتي هايلة بصراحة كل يوم والتاني بتثبتيلي انك متألقة في الذكاء والزوق

اتصلت عليه ماردش....كررت الاتصال اكتر من مرة وبرده ماردش

حقه بصراحة...طيب اعمل ايه واوصله ازاي...

انا مش هااسكت غير لما اصلح اللي انا عملته..مش هااسيبه يضيع مني تاني

جاتلي فكرة........

نزلت لواحدة زميلتي في الحسابات وقولتلها ان حصل سوء تفاهم بيني وبينه وبتصل عليه وهو مابيردش وطلبت منها تكلمه وتقوله ينزل الشغل لأي سبب

المهم هي كلمته وقالها انه يومين ولا حاجة وهاينزل الشغل

وانا اليومين دول عدوا عليا كأنهم سنتين

اول لما جه الشغل حاولت اكلمه ماعرفتش ....استنيت وهو ماشي نزلت وراه وناديت عليه

هو: ازيك يا انسة نغم

انا: ايه انسة دي.....مش انت بتناديني بنغم بس

هو: انتي عارفة الدنيا بئي مابتفضلش علي حال

انا:انت زعلان مني مش كدا؟

هو:بصي لو هاتقوليلي معلش وماكانش قصدي فمالوش لزوم...انا متفهم الوضع ....انتي مرتبطة وبتحبي ودا حقك..انا ماادتكيش أي وعد قبل السفر تستنيني بيه

انا: ولو قولتلك ان انا فعلا كنت مستنياك ....

هو بااستغراب: مستنياني؟؟؟

انا: اه مستنياك ....وماحبيتش ولا عرفت احب حد غيرك

هو: انتي بتتكلمي بجد

انا:وهي الحاجات دي فيها هزار

هو: طيب ليه قولتيلي الكلام اياه..وليه كنتي متغيرة من ناحيتي

انا: ممكن اجاوب علي السؤال دا بعدين....كل اللي اقدر اقولهولك دلوئتي اني كنت فاهمة الدنيا غلط

هو: اقولك سر

انا:انا بحب الاسرار جدا

هو:انتي كنتي وحشاني بشكل غير عادي

اتكسفت اوي وقولتله: طيب بالنسبة للبتاع هاتعمل في ايه

ابتسم وقالي: اااااااه البتاع ..لا كل خير ..انا عاوزك تطمني خاالص

اهو انتي كدا نغم بتاعة زمان....اللي قلبها شبه الشيكولاتة بالبندق...بيدينا احساس بالسعادة

ابتسمت وقولتله: انت لسه فاكر

هو: عمري ما هنسي اليوم دا...اليوم اللي قابلت فيه احلي واجمل وارق وابسط نغم في الدنيا

تمت

الجزء الثاني من شيكولاتة بالبندق

2010-10-05T11:45:00.000-07:00

الجزء الثاني من شيكولاتة بالبندق تجدونها علي هذا الرابط

نتمني لكم مشاهدة ممتعة اقصد قراءة ممتعة

:) :) :)

الحلقة السادسة

الحلقة السابعة

الحلقة التامنة

الحلقة التاسعة

ترقبوا الحلقة العاشرة قريباااااااااا

أشياء كانت تميزني...1

2010-09-08T18:15:00.000-07:00

كان خطي مميزا جدا.....عندما تراه ستحتار في تصنفيه..اهو نسخ أم رقعة...وإذا وقعت بين يديك ورقة بخط يدي ستجزم أنها وثيقة من مئات السنين لكنك لن تفعل لحداثة الورق والحبر

وقد حاول أصدقائي وزملائي أن يتعلموه ويكتبوه ...لكنهم فشلوا

وكان البعض يتعلل أنني استغرق وقتا طويلا في الكتابة لأنني كما كانوا يرددون كنت ارسم الكلام..لكنني كنت أثبت لهم عمليا انه يستغرق مني نفس الوقت الذي يستغرقوه في كتابة موضوع ما

لم اعرف انه مميزا إلي هذه الدرجة إلا عندما عرف أستاذي كراسة إجابتي في مادة اللغة العربية عندما كنت بالصف الثالث الإعدادي وقد جاء ليزف لي البشري أنني قد حصلت علي الدرجة النهائية في هذه المادة قبل الانتهاء من أعمال التصحيح....

لم انتبه لحصولي علي هذه الدرجة في مادة مثل اللغة العربية التي يستحيل الحصول علي الدرجة النهائية فيها بسبب موضوع التعبير –هكذا علمونا أننا مهما كتبنا أو أبدعنا في سؤال التعبير لن نحصل علي درجته كاملة- وان حصل وقيمك المصحح وأعطاك الدرجة كاملة فهناك المراجع الذي سيرفض هذه الدرجة وسينقصها درجة أو درجتان

لم اهتم بكل هذه الأشياء....بل روحت اسأله كيف عرفت أنها كراسة إجابتي وليس كراسة طالب غيري وهذا تصحيح علي مستوي المحافظة وهناك الآلاف من كراسات الإجابة...

صحيح انه أستاذي وكنت قريبة جدا منه وعلمني الكثير والكثير لكن ليس لدرجة أن يعرف كراسة إجابتي وسط الآلاف الكراسات ....وصحيح أن خطي مميزا لكن ليس لهذه الدرجة

ولكي أتأكد من أن الكراسة التي يتحدث عنها هي كراسة إجابتي...سألته عن تفاصيل صغيرة جدا بالكراسة لا يعلمها غيري.....وذهلت عندما اخبرني بهذه التفاصيل

ظهرت النتيجة بعد ذلك وحصلت علي الدرجة النهائية إلا نصف درجة

واخبرني أن نصف الدرجة هذه لأنه لايجوز أن يحصل أي طالب في مصر علي الدرجة النهائية في مادة اللغة العربية ....وقتها كان لايجوز ...اعتقد أن هذه الأيام تجوز الدرجة النهائية وأكثر من النهائية أيضا

المهم سعدت جدا أيامها ليس بسبب الدرجة التي تؤول بشدة إلي الدرجة النهائية بل بسبب خطي الذي قد صار معروفا ومميز وسط خطوط كثير من الطلاب

وقد شجعني هذا أن أبدع فيه وابتكر علامات تميزه...وقد كان

لكنني أجبرت أن أغير خطي عندما التحقت بالصف الثاني الثانوي....عندما قرأه مدرس اللغة العربية واخبرني أنه يجب أن أغيره حتى لا تدخل كراسة إجابتي لجنة خاصة وكنت أنا وأقراني نخشى هذه اللجنة جدا ...لقد اخبرونا أن من تدخل كراسة إجابته لجنة خاصة تخسف بدرجاته الأرض

لكنني أخبرته أنني كتبت بهذا الخط في الشهادة الإعدادية في جميع المواد ولم يحدث أي شيء بل علي العكس..حصلت علي ترتيب متقدم جدا وسط زملائي وأصدقائي

رد علي بأن المرحلة الإعدادية تختلف كثيرا عن الثانوية وان كنت حريصة علي كل درجة فعلي أن أدرب نفسي من الآن علي خط جديد

وفعلا روحت اعتاد خط جديد

كان خطي هو أول الأشياء التي كانت تميزني وتنازلت عنها ...

صحيح أنني قضيت شهورا كاملة أجاهد وأحاول تغييره ....لكنني فعلتها أخيرا وغيرته ...

وأقنعت نفسي وقتها انه لا بأس أن يتغير خطي ويصير مألوفا مثل باقي الخطوط مادمت لن افقد مهارتي في كتابته مرة أخري

أنا فقط سأغيره لوقت معين وسأعود أخطه وارسمه بعدما انتهي من هذه المرحلة

لكنني لم افعل ومرت السنون بعد ذلك وأنا اعتاد الخط الجديد وفقدت بعضا من مهارتي في كتابته مرة أخري

صحيح أن خطي لازال مميزا لكن ليس كما كان قبل ذلك

من وحي الواقع

2010-08-10T08:25:00.000-07:00

اعرف انك تحبني ...أري ذلك في عينيك كل يوم.. رغم توسلاتك لها ألا تفصح عما يحمله قلبك تجاهي إلا أنها لا تهتم وتفضحك..رغم أن الحب ليس فضيحة.. لكننا حين نخفيه عمن نحب يكون كذلك إذا انكشف أمرنا لهم.

أنا لا أجيد لغة العيون...لكن عيناك وحدك دون غيرها هي التي أبرع في قراءتها .

وليست عيناك فقط هي التي تخبرني بحبك لي بل أيضا كلامك...أنت تتلعثم في الكلام معي وتبذل مجهودا-ألحظه- في الحصول علي جملة مفيدة وأنت تكلمني رغم أنني اعلم جيدا انك محدث بارع ولبق...

أيضا كلامك عني معهم يصلني وجميعهم أكدوا حبك لي..لكني كنت أعارضهم وأجادلهم وكنت لا أصل معهم إلي شيء ينفي عنك حبك لي....

رغم كل هذا أنت لم تخبرني انك تحبني ..لم تفعلها ولم ينطقها لسانك

وتساءلت لماذا....رغم كل هذا الحب والشوق التي تحمله لي إلا أنني اشعر انك تعافر وتستميت حتي لا ينطق لسانك بكلمة حب تقرر وتوثق الواقع الذي تعيشه معي...ربما انت تحبني لكن تريد ان يبقي حبا فقط ولا يتطور ليصير زواجا فللزواج معايير ومتطلبات اخري يقرها العقل ولا يقرها القلب...ربما أنت تخشي تلك الحصون التي شيدتها حولي..ربما من فرط حبك لي اعتقدت انك فعلتها وأخبرتني بحبك.

في البداية تعلقت بك وأحببت اهتمامك بي..وانتظرتك تفعلها وتخبرني انك تحبني...لكنك لم تفعل وطال انتظاري ..وسئمت صمتك ومللت قراءة عينيك...

وارتبطت بغيرك وارتبطت أنت أيضا بغيري ..أصبحت مشغولة بغيرك وأنت أيضا...

ونسيت ما كان منك و ما كان مني...رغم انه لم يكن بيننا أي شيء سوي عيناك....

وانفصلت عنه وانفصلت أنت أيضا عنها..وعدت من جديد تدق أبواب قلبي بصمت عينيك

أنت كما أنت لم تتغير ...واكتشفت أنني كما أنا لم أتغير.. لازالت انتظرك تدق حصون صمتك وتعلنها أمام الجميع انك تحبني.

وكنت علي وشك الوقوع هذه المرة في بحر حبك..لكني لم افعل..وتحججت بأشياء كثيرة تمنعني عن الوقوع في حبك..وكانت كلها حجج واهية...

أتكلم فتتكلم...أمتنع عن الكلام تلتزم أنت الصمت...لا اهتم وأتجاهلك..لا تهتم وتبتعد

أعود فتعود..هكذا صرت رد فعل لي ...حتى أنني أتعمد فعل بعض الأشياء وانتظر رد فعلك الذي راهنت نفسي انك ستفعله وكثيرا ما كسبت الرهان.

ولا اعرف بعد كل تلك الجولات وكل هذه الأيام والسنين هل احبك أم أن الأمر عندي لا يعدو كونه اهتمام وانشغال بال لا أكثر ولا اقل

ربما قد اكتشف يوما ما أني حقا احبك واني لم أحب أحدا مثلما أحببتك..وقد تكون أنت مصدر هذا الحب الذي روحت انشره علي من حولي

ربما اكتشف يوما ما انك كنت ملهمي الذي تتأتي أفكاري عنده...ولو صرت كاتبة معروفة ووصلت كتاباتي عنان السماء سأنسبها إليك وسأعترف بفضلك بعد الله في نجاحي.

لكن لن يتسنى لي معرفة إذا كانت تلك الاحتمالات التي أوردتها آنفا حقائق ومؤكدات إلا إذا أعلنتها أمام الجميع انك تحبني

وان لم تفعل فـأرجوك احجب عينيك عني ...وارحل عن حياتي.

(5)....شيكولاته بالبندق

2010-07-29T11:58:00.000-07:00

مانزلتش الشغل بعدها بكام يوم وكان كل اللي طالع عليا ايامها: ليه كدا يانغم ليه كدا يانغم

كنت حاسة اني جرحته ..بس كنت برجع واقول انه هو كمان جرحني قبل كدا ورجع يجرحني تاني

وهو لما يقولك عاوز اتقدملك يبقي بيجرحك

اه طبعا...انا مش مركونة علي الرف وقت مايعوزني يلاقيني ...

انا ماغلطتش فيه...لاغلطتي..لاماغلطتش...انا قولت اللي حصل وهو حتي ماعرفش يرد عليا

وفي وسط المعمعة اللي انا فيها دي لاقيته بيتصل بيا علي الموبايل واندهشت جدا لأن دي اول مرة يتصل فيها بيا من يوم ما اخد رقم موبايلي

خير اللهم اجعله خير

انا: السلام عليكم

هو: وعليكم السلام ورحمة الله ...ازيك يانغم

انا: الحمدلله كويسة....

هو: مالك يانغم خير في حاجة....انا ملاحظ انك مابتجيش الشغل بقالك فترة

انا: لا ابدا انا كويسة بس هيا شوية ظروف في البيت

هو: خير يعني ولا ايه

انا: لا كل خير مفيش حاجة

هو: طيب انتي هاترجعي الشغل تاني امتي

انا: ليه في حاجة حصلت؟

هو:لا اصل كنت عاوز اكلمك في موضوع كدا وانتي غايبة بقالك فترة فقولت اطمن عليكي

انا: موضوع ايه خير؟

هو: لما ترجعي بقي هاتبقي تعرفي

قفلت معاه وانا بسأل نفسي ياتري موضوع ايه اللي عاوز يكلمني فيه

يكون عاوز يتقدم تاني..لا لا مستحيل...هو اتقدم مرة وانا اديتهومله تمام يعني عمره ماهيفتح معايا الموضوع تاني

يكون مثلا عاوز يعاتبني ويقولي ايه اللي قولتهولي دا...لا ما اعتقدش كان عاتبني في الموبايل وبعدين هو كان بيكلمني عادي وواضح انه مش شايل مني ولا حاجة

فات يوم واليوم اللي بعده رجعت الشغل تاني... انا لو عليا كنت رجعت تاني يوم بس مارضيتش علشان مايقولش اني ماصدقت وها اموت واعرف في ايه

و مع اول فرصة مناسبة للكلام قولتله: خير ايه الموضوع المهم اللي كنت عاوزني فيه

هو: لا هنا في الشغل ماينفعش ...آخر النهار لو ماعندكيش مانع نتكلم في أي مكان قريب من الشغل

انا سكت وماعرفتش ارد ...نخرج فين يعني ..موضوع ايه دا اللي ماينفعش يقولهولي في الشغل ...هايبقي اكتر من انه يتقدمتلي واهو كان في الشغل

هو: انا عارف ان الموضوع محرج بس اوعدك اننا مش هانكمل نص ساعة لو مش عاوزة احنا ممكن نتكلم علي الواقف في أي مكان عادي

انا: لا خلاص في كافية في آخر الشارع اللي احنا فيه عارفه؟

هو: اه عارفه..خلاص يبقي اتفقنا..ها استناكي هناك بعد الشغل

لما وصلت الكافية لاقيته قاعد مستني

قعدت وكنت متوترة جدا بس بحاول اخفي توتري دا

ماعرفش ليه كنت حاسة ان في حاجة كبيرة ..علي العموم ياخبر دلوقتي بفلوس بعد كام دقيقة هايبقي ببلاش

هو: بصي يانغم ساعات مابتعرفيش قيمة الشخص اللي قدامك غير لما بتتعاملي مع شخص غيره....

فاكرة يوم لما جيتلك وقولتلك ان انا مخنوق ومحتاج اتكلم معاكي

انا: اه فاكرة

هو: يومها انا قولتلك ان مفيش سبب معين للخنقة اللي انا فيها ...صح؟

انا: اه صح

هو:اولا الخنقة اللي كنت فيها كانت بسبب ماكنتش من الهوا يعني..كانت بسبب ظروف مادية بمر بيها ..المهم.انتي قولتيلي يومها حاول تدور علي حد تكون بتحبه وتقرب منه وتخليه يساعدك تخرج من اللي انت فيه.... طبعا انتي كنتي تقصدي خطيبتي بس انا لاقتني بقرب منك انتي وبرتاح في الكلام معاكي اكتر مابرتاح في الكلام معاها ...علي فكرة هي بنت كويسة بس مااتفقناش انا وهي فالموضوع انتهي بسرعة

لما اتقدمتلك دا كان بعد تفكير طويل ماكانش قرار متسرع ولا كان علشان اقول لخطيبتي ان اهو الحياة مش واقفة عليكي..ولو حتي كان هو دا السبب ماكنتش هااختارك انتي يانغم واعند بيها مع خطيبتي ...لسبب واحد مفيش غيره...

وبعدين سكت شوية وقالي

انك اطيب وابسط بنت انا قابلتها في حياتي....

حسيت بكلامه دخل جوا قلبي وحستني عاوزة اعيط بس مسكت نفسي بالعافية

كمل كلامه وقالي: ووقفتي جمبي في محنتي من غير ماتعرفي هيا ايه وقفتي جمبي وانا كنت عارف ومتأكد انك بتساعديني وواقفة جمبي بدون مقابل

عارف ان اللي كنت فيه مش محنة بمعني محنة ولا هيا أزمة ومشكلة كبيرة انما برده انتي وقفتي جمبي ...

نغم انا من يوم ماعرفتك وقابلتك وانتي كل حاجة بتعمليهالي وبتقدميهالي حاجة حلوة .... وصدقيني انا مهما عملت عمري ماها اقدر اقدملك نص اللي انتي قدمتهولي ....كفاية اني اتعلمت منك ان الحياة بسيطة جدا وجميلة جدا وماتستاهلش نزعل علشانها

انا عارف انك مستغرباني ومستغربة كلامي بس انتي قولتيلي آخر مرة ان في حاجات لو مااتعاملتش في وقتها ماينفعش تتعمل في وقت تاني

انتي عارفة ان الشركة فتحت فرع جديد لها في تونس وانا كنت مقدم ورقي من زمان علشان اتنقل الفرع دا والموافقة جاتلي من 3 ايام وان شاء الله ها اسافر خلال كام اسبوع ...ومش عارف اذا كنا هانتقابل تاني ولا لآ... دي حاجة في علم الغيب ...انا عارف انك شايلة مني وزعلانة علشان الطريقة اللي اتقدمتلك بيها ....بس صدقيني والله ماكنت اقصد اجرحك ولا ادايقك ..كل ماهنالك اني فعلا ماكنتش محتاج وقت افكر فيكي لأني خلاص عرفت قيمتك وعرفتك كويس بس اكتشفت اني مافكرتش غير في نفسي واعتبرت موافقتك ليا موجودة ومش فاضل بس غير اني اتقدم

انا بصراحة ادايقت جدا من كلامك وقتها ومن رد فعلك بس لما جيتيلي المكتب بعدها...فكرت تاني في كلامك ولاقتني ان زي ما من حقي ادايق منك انتي كمان من حقك تدايقي مني علشان اللي عملته معاكي

ولما جاتلي الموافقة علي قرار نقلي كان لازم اوضحلك وجهة نظري علشان تفضلي فاكراني بالخير ودورت عليكي لاقيت غايبة ...وخوفت ماالحقش اوضحلك أي حاجة واسافر ويكون ساعتها الوقت فات...بغض النظر يانغم سواء النصيب هايجمعنا تاني ببعض او مايجمعناش انتي حد مش عاوز اخسره ويهمني يكون فاكرني بخير ..عاوز لما نتقابل تاني في أي مكان تسلمي عليا وتبتسمي في وشي....

وغصب عني لاقتني بدمع ...هو اخد باله وقالي

انتي بتعيطي ليه دلوقتي؟

مسحت دموعي وقولتله: لا ابدا مابعيطش....حسام

هو: نعم

انا: انا اسفة....اسفة بجد علي سوء ظني بيك ...وسامحني علي كل كلمة قولتها في حقك

هو: لا يا نغم انا اللي آسف علي كل حاجة عملتها وزعلتك مني بقصد او بدون قصد

وبعدين لاقيته بيجيب صندوق متغلف بورق هدايا جمبه من علي الكرسي وبيدهولي

انا: ايه دا؟

هو: الحاجة الحلوة الوحيدة اللي اقدر اردهالك من ضمن الحاجات الكتير الحلوة اللي انتي اديتهالي هي الشيكولاته بالبندق

اخدتها منه وانا فعلا ها اموت واعيط بجد مش قادرة

كمل وقال: اول حاجة بينا كانت حاجة حلوة وآخر حاجة بينا حبيت برده تكون حاجة حلوة وطبعا مالاقيتش غير الشيكولاتة بالبندق...علي فكرة انا قولتلك مرة قبل كدا ان الشيكولاتة اللي اديتهالي احلي حاجة حد ادهالي وبقولهالك للمرة التانية دي فعلا احلي حاجة حلوة حد ادهالي

انا كدا خلصت كل اللي عندي يانغم ومرة تانية سامحيني ان كنت يوم زعلتك اودايقتك.....

انا: والله مسامحاك بس بلاش تحسسني بالذنب اكتر من كدا

هو: علي فكرة يانغم انتي تستاهلي احسن واحد في الدنيا

بس انا مش عاوزة احسن واحد في الدنيا.....ولو حكمت ولازم آخد احسن واحد في الدنيا يبقي هو احسن واحد في الدنيا

وقام من علي الترابيزة وقالي: انا ها امشي بقي ....خلي بالك من نفسك وربنا يوفقك في حياتك

انا: انت كمان خلي بالك من نفسك

هو:حاضر...يلا هاتعوزي حاجة مني قبل ما امشي

انا: لا ربنا يخليك

ومشي ....وانا فضلت قاعدة شوية في الكافية مسهمة وسرحانة ببص علي صندوق الشيكولاتة وساكتة مابتكلمش

لما روحت البيت ....قعدت افتكر كلامه واعيط علي اللي عملته وردود افعالي السيئة للي بوظت بيها الدنيا خالص

قعدت 3 ايام في البيت مابنزلش الشغل ....حاسة ان كل حاجة ملخبطة خالص..بعيد ترتيب حساباتي واوراقي....افتكرت صندوق الشيكولاتة اللي ادهاولي روحت شيلت من عليه ورق الهدايا اللي كان متغلف بيه.. لاقيت الشيكولاته من نقس النوع اللي عزمت عليه بيه في القطر

يااااااااااه لسه فاكر نوعها ايه ...رغم انه مابيحبش الشيكولاتة اصلا ومايفهمش في انواعها

قررت انزل الشغل من بكرة علشان اصلح أي حاجة من الحاجات اللي كسرتها

استنيت آخر اليوم واحنا مروحين ونازلين علي السلم ووروحت سلمت عليه وقولتله: انت كنت قولتلي ان اول حاجة مابينا كانت حاجة حلوة وحبيت تكون آخر حاجة مابينا برده حاجة حلوة واديتني صندوق الشيكولاته صح؟

هو : اه صح

انا: طيب بص بقي...كدا يبقي خلاص

هو:خلاص ايه؟

انا: استني بس...وقومت فاتحة شنطتي

ومطلعة منها شيكولاتة من الصندوق اللي كان ادهولي وقولتله:اتفضل

هو: ايه دا؟

انا: علشان يفضل مابينا حاجة حلوة......

ماحدش عارف الشيكولاتة دي ممكن تعمل ايه معانا بعد كدا

ابتسم واخدها مني وقالي:ماشي يانغم

في الوقت دا كنا وصلنا للطريق استأذنت منه وشاورت لتاكسي ركبت ومشيت وابتسمت وقولت لنفسي: ماحدش عارف بكرة في ايه ....يمكن تجمعنا الدنيا ببعض تاني....وكنت مرتاحة نفسيا ان الحمدلله انا وهو هانفضل فاكرين بعض بالخير

فاتت الايام بعد كدا بسرعة اوي وهو كان سافر خلاص ...

وكان طيفه بيداعبني كل وقت والتاني وكنت كل ما افتكر اللي عملته فيه وكلامي البايخ اللي قولتهوله ادايق جدا بس ارجع اقول رب ضارة نافعة

تمت....................

_________________

انتظرونا في الجزء الثاني بعد رمضان

(4)..شيكولاته بالبندق

2010-07-25T05:20:00.000-07:00

تاني يوم الصبح قابلته علي السلم واحنا طالعين

لاقيته بيقولي: علي فكرة انا سمعت الأعنية امبارح...بجد اغنية جميلة جدا

ابتسمت وقولتله: اهم حاجة تكون جابت نتيجة

قالي: والله يانغم الحمدلله ...حاسس ان الخنقة راحت شوية

انا: ربنا يزيح عنك ..عموما زي ماقولتلك لو حبيت تتكلم انا مستعدة اسمعك

آخر اليوم جه قعد معايا شوية واتكلمنا في مواضيع عامة ....بس اللي كنت مستغرباله فعلا انه ماكانش بيكلمني خالص عن خطيبته ومابيجيبش سيرتها في أي موضوع...ما اعرفش ليه ماكنتش بحس انه خاطب ومرتبط

لا ما اقصدش علشان بيكلمني وبيقرب مني فتكون الاحساس دا عندي ..انه مش مرتبط عيني...انا قولت عادي اقف جمبه في محنته اللي انا ما اعرفش هيا ايه ...وخلاص احنا بقينا اخوات وبنتعامل علي هذا الاساس

عارفة ان موضوع اخوات دا صعب شوية ..قول شويتين بس انا لازم اساعد نفسي علشان اقدر اطلع من اللي حصل بأقل الخساير الممكنة

فضلت الدنيا ماشية علي كدا بتاع كام اسبوع والأمن مستتب والحياة مستقرة وكل شيء علي مايرام

لحد ماجت زميلتي في المكتب وبتقولي: ماعرفتيش اللي حصل؟

انا: خير في ايه؟

هي: مش حسام فركش

انا: ف ايه..؟ فركش.؟!!!...انتي عرفتي ازاي

هي: النهاردا الصبح كان واقف معانا وقالنا

انا: ليه كدا ...ايه اللي حصل

هي: لا ماقالش ...كل اللي قاله مفيش نصيب

انا ساعتها ادايقت ...حتي استغربت نفسي جدا..المفروض كنت افرح يعني صحيح انا خلاص مابقاش في حاجة ناحيته مني بس علي الاقل دا حب قديم واكيد لو دورت هالاقي جوايا رغبة في الرجوع..

ماكنتش عارفة ايه رد الفعل اللي المفروض اخده دلوقتي...هل اروحله المكتب اكلمه ولا استني آخر اليوم ولا اطنش واعمل نفسي ماعرفتش

وانا قاعدة بكلم نفسي واشوف ها اعمل ايه واقوله ايه

لاقيته داخل المكتب وجاي ناحيتي

هو: ازيك يانغم

انا: الحمدلله....صحيح اللي سمعته دا ...انت فركشت

هو: اه ...مفيش نصيب

انا: ليه كدا دا انتوا مابقالكوش مع بعض كام شهر

هو: ما انا قولتلك مفيش نصيب...وبعدين الحاجات دي بتبان علي طول ...يلا حصل خير

انا: ماتزعلش نفسك ان شاء الله ربنا يكرمك

هو:لا ابدا انا مش زعلان ...المهم سيبك من كل دا ....عاوزك تبعتيلي اغنية محمد منير تاني لأن انا فرمت كارت الميموري امبارح ومسحت من عليه كل حاجة

انا: هي الأغنية عاجباك اوي كدا

هو: ماتتصوريش ازاي...لا فعلا فيها شحنة امل وتفاؤل غير عادية

بعتله الاغنية واخدها ومشي.... كان باين عليه شوية انه متأثر رغم انه كان بيتظاهر ان مفيش حاجة ...باين عليه حبها واتعلق بيها...لو دا حصل كان المفروض يعمل المستحيل علشان يتمسك بيها

لاقتني برد علي نفسي واقول: انتي غريبة يانغم بتتكلمي زي مايكون عمرك ما حبتيه قبل كدا ولا نفسك ترجعوا لبعض تاني

اه حبيته بس خلاص مابقاش ينفع نرجع لبعض....هو يخطب يفركش ..يتجوز يطلق ..خلاص خلصنا كل ماهنالك اني بتمناله الخير ...انا جوايا حلو مش وحش حتي لو الشخص عمل فيا حاجة وحشه..وانا خلاص اقنعت نفسي ان انا السبب وانا اللي اتهيألي انه كان بيحبني وعلقت نفسي بيه علي الفاضي

مشيت الأيام بعد كدا مملة موووووووووت مفيش جديد بيحصل

انا بقيت عاقلة ورزينة كدا وبقيت مستبياخاني ..نفسي اعرف العقل دا حط عليا منين...وهو بقي كلامه قليل لو حصل كلام بينا بيكون يا اما اول اليوم يا اما آخر اليوم وخلاص علي كدا

مرة لاقيته داخل عندي المكتب وبيقولي:الله امال باقي الناس فين

قولتله: 2 ماجوش اصلا النهاردا والتالتة عملت اذن ومشيت

هو: دا يبقي من حسن حظي بقي

انا: حسن حظك ازاي

هو: اصل انا بصراحة بقالي كام يوم كدا كنت عاوز اكلمك في موضوع لوحدنا ومش لاقي الفرصة المناسبة

انا : موضوع لوحدنا!!!!!!! خير ان شاء الله

هو: بصي يانغم ...بدون لف ودوران...انا عاوز اتقدملك

انا: ت ايه؟!!!!!!!!!!!!!!!!!

هو: اتقدملك ...ارتبط بيكي يعني

انا: ازاي يعني ...معلش مش واخدة بالي

هو: ايه يانغم ...مش واخدة بالك من ايه بقولك عاوز اتقدملك

رديت عليه بعصبية وقولتله: لا والله دلوقتي بقي ينفع تخطب نغم....وقبل كدا ماكانش ينفع صح؟

هو: لا يانغم مش كدا

انا ولسه النرفزة في كلامي: اقولك انا اشمعني دلوقتي..انت خطبت واحدة وقعدتوا مع بعض فترة وفجأة فركشتوا والله اعلم ايه السبب مش عاوزة اعرف المهم بقي انت عاوز ترد القلم لخطيبتك دي وتقولها اهو الحياة مش واقفة عليكي لو عاوز اخطب ها اخطب من الصبح والف واحدة تتمناني

قومت مدور في دفاترك القديمة مين اللي هاترضي بيا مين اللي هاتواقف عليا مالاقيتش غير نغم...اه دي شكلها بتحبني ...اوعي تكون فاكر اني لما وقفت جمبك في محنتك اني بحبك ...اظن كلامي كان واضح وقولتلك اننا زمايل واخوات....

هو وكان مندهش جدا من كلامي: ايه اللي بتقوليه دا يانغم ....

انا: اللي سمعته...هي دي الحقيقة اللي لازم تواجه بيها نفسك ما انا قدامك من زمان اشمعني دلوقتي فكرت ترتبط بيا

هو: خلاص يا نغم ....انا آسف

وسابني ومشي وانا قعدت واتفتحت في العياط

ايه اللي انتي قولتيه دا يانغم كان ممكن ترفضي وخلاص ....ليه قولتي كدا وليه اتكلمتي بالطريقة دي

يومها مشيت بدري من الشغل ....وعرفت ساعتها واتأكدت اني مانسيتلوش اللي عمله فيا وان حكاية العقل والحكمة اللي نزلت عليا دي كانت حاجة وقتيه لأني لو عاقلة فعلا كنت رفضت وخلاص

انا اول حاجة ها اعملها بكرة اني هااروح واعتذرله علي الكلام البايخ اللي قولته...يعني حتي لو ماحصلش نصيب احب العلاقة مابينا تكون كويسة

انما باللي قولته دا انا عجنت الدنيا خالص

وفعلا اول لما وصلت الشغل روحت علشان اتأسفله

انا: السلام عليكم ...ازيك يا حسام

هو-وكان مصدر الوش الخشب-: وعليكم السلام ...الحمدلله كويس

وسكت ...ايه دا مفيش ازيك يانغم لا دا واضح انه فعلا زعلان مني

مش مشكلة يا نغم خليها عليكي المرادي انتي جاية تعتذري عن حاجة وهاتمشي وبعد كدا هو حر مع نفسه علشان ماتبقيش غلطتي في حاجة

انا: بص انا مش هااعطلك هما كلمتين وها امشي

هو-وكان بيشتغل علي الكمبيوتر ومن غير مايرفع عينه من علي الشاشة-: خير كلمتين ايه اتفضلي قولي انا سامعك

انا: لا والله سامعني ازاي وانت مشغول في حاجة تانية.....انا مش هاآخد من وقتك كتير

هو-التفت ليا -: اوك كدا كويس

وكان بيقولها من تحت الضرس

اللهم طولك ياروح.....اه ماله حق يعمل كدا واكتر من كدا كمان...هو اكيد عارف انا جاية ليه....اه جاية اعتذرله

انا: بخصوص الكلام اللي قولتهولك امبارح...

لاقتني سكت وبقول لنفسي هاتعتذري عن ايه هو مين للي يعتذر لمين

هو ماكفاهوش انه علقني بيه كمان جاي يتقدملي بمنتهي السهولة بعد كام اسبوع من فركشته ..هو فاكر نفسه ايه...لا يستاهل اللي قولتهوله واكتر كمان

هو: ها يا نغم سكتي ليه

انا: انا كنت جاية اقولك علي حاجة كدا بس مش ها اقولها

هو: ليه؟!!!

انا: من غير ليه ...فكرت ولاقيت ان ماينفعش اقولها....مابقاش ينفع اقولك أي حاجة بعد كدا....كل اللي عاوزاك تعرفه ان كل حاجة في الدنيا دي ليها وقت معين تتعمل فيه ولو ما اتعملتش في الوقت دا ماينفعش تتعمل في أي وقت تاني

هو: حاجة ايه ووقت ايه ..انا مش فاهم حاجة

انا: لو حبيت تفهم هاتفهم.. المشكلة عندك انت

وسيبته ومشيت ....انا كنت اقصد انه المفروض كان يتقدم ليا في الوقت اللي كنت بحبه فيه ومتعلقة بيه..انما بعد ماخطب وفركش ارتباطه بيا فقد معناه وفقد فرحتي بيه.....

كنت ها اغلط غلطة عمري لو كنت اعتذرتله مش بس علشان ان انا ماعملتش حاجة غلط اعتذر عليها كل اللي عملته ان اتكلمت بصراحة وقولت اللي جوايا انما كمان علشان كان هايفسر اعتذاري دا اني موافقة علي طلبه وبفتح الطريق له انه يرجع يتقدم تاني وساعتها كان الغرور هاياخده ويفتكر نفسه حاجة وماكانش هايتقدم تاني

بقيت مستغربة نفسي ومستغربة تفكيري وسوء ظني بيه....بس ساعات كنت ارجع واقول هو دا الصح اللي انا عملته وتفكيري فيه مش سوء ظن ولاحاجة ...وان مايستاهلش اعتذاري ليه

يُتبَع.......

(3)..شيكولاته بالبندق

2010-07-21T16:11:00.000-07:00

بدأت تظهر عليا اعراض الحب ..بقيت بسرح كتير...وبسهر طول الليل افكر وبسمع في اغاني ولو اتفرجت علي فيلم والبطل كان بيقول للبطلة كلام حب تلاقيني اتنهدت

وفي يوم اتصلت بصاحبتي اطمن عليها
ومن ضمن كلام كتير لاقتني بسألها واقولها:هو في الدنيا حاجة اسمها حب؟
قالتلي:اه طبعا يابنتي الحب موجود في كل حاجة حوالينا.. في الافلام العربي والاجنبي والتركي والهندي كمان والمسلسلات والقصص والروايات خصوصا بقي روايات عبير للجيب
انا: بطلي غلاسة ....انا بتكلم بجد
هي: مش مطمنالك يا نغم ...انتي وقعتي ولا ايه
انا:اه شكلي كدا
هي: اوعي يكون اللي في بالي
انا: هو اللي في بالك
هي: طيب احكيلي احكيلي دا انتي نهارك شكله ابيض

وحكيتلها كل حاجة حصلت بينا ....

لاقيتها بتقولي: كل دا كويس اوي ....هو ليه بقي مابيقولهاش صريحة انه بيحبك
انا: ما اعرفش ...يمكن خايف مثلا ما اطلعش بحبه
هي: مفيش حاجة اسمها خايف.....المفروض يحدد موقفه افرضي ان حد اتقدملك وارتبطي بيه...هو مابيفكرش في حاجة زي دي ليه
انا: مايمكن مش جاهز ماديا انه يتقدم
هو: بدال مش جاهز يبقي مايلمحش ومايعلقش الناس بيه
انا: تصدقي بقي ان انتي غلسة فعلا وانا غلطانة اني حكيتلك
هي: يا نغم انا بفكر بالعقل دلوقتي ....انتي علشان متعلقة بيه فالدنيا مش واضحة عندك
انا: يعني اعمل ايه؟
هي: ماتعمليش حاجة ..واسمعيها مني اللي عاوز حاجة بيقولها واللي نفسه في حاجة بيعملها ولو هو زي ما انتي بتقولي بيحبك فعلا يبقي لازم يقولك ومايسبكيش تضيعي من ايديه...
انا:طيب ادعيلي بقي... ماحدش عارف بكرة في ايه
هي: ان شاء الله كل خير...

بصراحة كلام صاحبتي دايقني شوية بس هي عندها حق ..اللي عاوز حاجة بيقولها واللي نفسه في حاجة بيعملها مهما كانت الظروف

بعدها بكام يوم لاقيته جايلي المكتب وبيقولي انتي وراكي حاجة آخر اليوم
قولتله:لا ماوراييش
هو: طيب عاوزك في موضوع مهم آخر اليوم
انا: موضوع ايه؟
هو:ماهو لو ينفع اقولك دلوقتي كنت قولتلك

كانت عينيه بتلمع بالفرحة
وانا قلبي دق وحسيت اني ها اسمع خبر حلو آخر اليوم بس ماكنتش قادرة اصبر

فقولتله:طيب حتي طمني..حاجة حلوة ولا وحشة
هو:لا حلوة اطمني

وفضلت مستنية اليوم يخلص بفارغ الصبر وحسيت ان الساعة بقيت بترجع بالزمن لورا واليوم مش راضي يخلص

علي آخر اليوم جه وقالي: بصي بقي يا ستي اللي ها اقولهولك دلوقتي دا انتي اول حد اقولهوله...علشان انتي ليكي عندي معزة خاصة

دقات قلبي بدأت تزيد
انا: وايه هو دا بقي؟
هو: انا خلاص قررت استقر واكمل نص ديني وارتبط

وجوا الجون جوا الجون جوا الجون....ايوااا كدا هو دا الكلام
والله البت صاحبتي دي دمااااغ وبتفهم ....صح كدا اللي نفسه في حاجة بيقولها وهو دا اللي بيعمله دلوقتي
هو: نغم انتي روحتي فين...
طبعا انا كنت سرحانة فقولتله: معاك معاك ...كمل
هو: عقبالك كدا ان شاء الله انا خطوبتي كمان اسبوعين ....

عينيا زغللت وماكنتش عارفة اتنفس...حاسة ان الأرض بتلف بيا
خطوبته كمان اسبوعين...ازاي يعني...وامتي دا حصل...
حاولت اتماسك قولتله: والله؟!! الف مبروك..
هو: الله يبارك فيكي
انا: علي كدا بقي دي قصة حب قديمة؟
هو: لا ابدا ...دي عروسة رشحتهالي والدتي وقعدت معاها وحصل ارتياح ما بينا فقولت علي خيرة الله

كماااااان ...يعني واحدة مايعرفهاش...ومجرد ان حصل ارتياح فقرر يخطبها ..دا علي كدا بقي المفروض انا وهو نكون متجوزين بدال زي مابيقول ليكي عندي معزة خاصة....طيب والكلام اللي كان بيقولهولي كان اييييييييه.....واغنية "انا شكلي ها احبك " كان يقصدها هيا...امال بيقولي اسمعيها وانتي تفهمي ليه...ها افهمها ازاي يعني

انتبهت علي صوته وهو بيناديني:نغم نغم....ايه يا ابنتي انتي بتروحي فين

انا: ها اروح فين يعني انا معاك اهو....بس بجد الف مبروك
هو: الله يبارك فيكي....علي فكرة ماحدش في الشغل لسه عرف ..انتي اول حد اقوله واعرفه
انا: ربنا يتمملك علي خير.. معلش انا لازم امشي ...ومرة تانية مبروك

روحت البيت وقفلت علي نفسي الأوضة وقعدت أعيط
ازاي ...ازاي يرتبط بواحدة غيري...وانا؟ !!وكلامه ليا ومعاملته وتلميحاته!!!
المشكله اني حبيته فعلا....واستغربت علي الدنيا اللي خلتني اقابل واحد ما اعرفوش وتقربنا من بعض لحد ما احبه وبعد كدا يحب غيري ويرتبط بيها

كنت مخنوقة في اليوم دا جدا.....اول مرة احس بقلبي انكسر ودموعي اللي بكيتها يومها كان ليها طعم الوجع والجرح

كلمت صاحبتي وحكيتلها اللي حصل
قالتلي: ما انا قولتلك يانغم اللي عاوز حاجة بيعملها
انا:صعبان عليا نفسي اوي
هي:وتصعب عليكي نفسك ليه.....انتي احساسك كان بريء و نقي وانتي خبتيه جواكي احمدي ربنا انك ماقولتيش له بحبك
انا: بس اكيد شاف حبي له في عينيا
هو: وحتي لو شاف دا سبب ادعي يخليكي تحمدي ربنا انه انقذك منه...يعني كان عارف انك بتحبيه ومع ذلك تمادي في كلامه وتلميحاته علشان تتعلقي بيه اكتر
بصي يانغم مهما كان اللي حصل انتي برده غلطانة....ماتزعليش من اللي ها اقوله....هو صحيح قال كلام كتير حلو بس دا مش معناه انه بيحبك عادي يعني الشباب بيقولوا اكتر من كدا للبنات علشان يعلقوهم ...وهو ماوعدكيش بحاجة بعينها ....في ناس بتبقي مرتبطة وبتحب ومع ذلك بيغدروا وبيخلوا باللي بيحبوهم...انما في حالتك دي يعتبر مفيش قصة حب من الأساس وعزاءك الوحيد في اللي حصلك ان دي اول تجربة في حياتك واول احتكاك ليكي بالجنس الآخر علشان كدا وقعتي
ان شاء الله يانغم ربنا هايكرمك وماتزعليش والله مافي حد يستاهل دموعك

انا: ها اطلب نقلي لفرع الشركة اللي في وسط البلد
هي: اوعي تعملي كدا....كدا هااتأكديله انك فعلا بتحبيه وانك ياعيني زعلانه انه هايرتبط بواحدة تانية
انا:مش ها اقدر اشوفه ادامي كل يوم وانا عارفة انه مرتبط بغيري ...
هي:بالعكس دا انتي تشوفيه وتكلميه زي الأول وأكتر كمان علشان تثبتيله انكوا زمايل وان الموضوع مفرحك وباسطك
انا:ما افتكرش اني ها اقدر اعمل كدا...صعب جدا عليا
هي:نغم لازم تبقي قوية وتواجهي جرحك وتتغلبي عليه
انا:ادعيلي ...

لما اتكلمت مع صاحبتي ارتاحت شوية وحسيت النقط اتحطت فوق الحروف...اه هي عندها حق ...انا اللي علقت نفسي بيه بدون داعي
هو كان بيعاملني بذوق مش اكتر ...انا اللي فهمت كلامه غلط
الحمدلله حصل خير
يارب اقف جمبي في اللي انا فيه وساعدني انساه وابطل احبه

روحت الشغل تاني يوم وكان اسوء يوم شغل في حياتي....كنت بحاول اتفادي الكلام معاه وعاملة نفسي مطحونة في الشغل...بجد مش قادرة

فاتت الأيام بعد كدا وزمايلنا كلهم عرفوا انه خلاص هايخطب
وبيباركولوا وانا عمالة اراقب الموقف ...هو كان فرحان ومايفرحش ليه ربنا يهنيه ويسعده
ومابقيتش اتعمد اتفادي الكلام معاه لأنه خلاص مابقاش فاضيلي ...في واحدة تانية في حياته دلوقتي....مابقيتش طالباني

اتصلت بيا صاحبتي تشوفني مالي ..لاقيت حالتي النفسية وحشة جدا وقالتلي اقدم علي اجازة واروح اقضي معاها كام يوم عندها في اسكندرية

مافكرتش كتير انا فعلا محتاجة اغير جو وسافرت وحسيت معنوياتي ارتفعت جدا ...
بجد الاصدقاء دول كنز... يعني لو انا لوحدي دلوقتي من غير اصحاب كان زماني مدمرة

رجعت من اسكندرية نغم بتاعة زمان ...اللي بتحب الدنيا والناس

رجعت الشغل وسألت عليه خطب ولا لسه
واحدة زميلتي قالتلي: ان حفلة خطوبته كانت من يومين ..حمدت ربنا اني ماكنتش موجودة وقتها

بدأت اتأقلم علي الوضع واتعامل بشكل طبيعي

ساعات كنت بحس ان خلاص نسيته ونسيت اللي حصل وساعات تانية الاقيني برجع لنقطة الصفر وافكر فيه من تاني ولا كأن أي حاجة حصلت
فضلت علي النظام دا بتاع تقريبا شهر

لحد ما في يوم لاقيته جايلي وبيقولي: نغم انا مخنوق ومدايق ومحتاج اتكلم معاكي شوية

كان باين اصلا علي وشه وباين في صوته وعينيه انه بجد مخنوق

انا : مالك في ايه؟
هو:صدقيني لو قولتلك ما اعرفش...انا بجد زهقت من الدنيا دي وحاسس اني ماليش لازمة ولا ليا هدف في الحياة

انا: كلنا زهقانين من الدنيا مش انت لوحدك...بس الفرق بقي ان كل واحد مننا بيدور علي حاجة كويسة في حياته ويتمسك بيها علشان الحاجة دي تساعده انه يكمل حياته بأمل وحب

طبعا انا كنت اقصد خطيبته...يعني يحاول يتمسك بيها ويحبها وهي دي اللي هاتساعده يتجاوز محنته
وما اعرفش ازاي انا قدرت اعمل حاجة زي دي...حستني فجأة اتحولت لملاك ومش مهم قلبي واللي حصله قد ما مهم انه يقرب من خطيبته ويحاول يتجاوز بيها أي محنة بيمر بيها...لأني عارفة كويس ان وجود شخص بنحبه في حياتنا بيفرق معانا جامد في أي أزمة بنمر بيها

كملت كلامي وقولتله: بص بدال انت ماعندكش سبب واضح للخنقة اللي انت فيها يبقي دا شيطان ..استعيذ بالله وان شاء الله هاتبقي كويس

هو: ونعم بالله
انا: بقولك ايه ...افتح البلوتوث بتاعك ها ابعتلك اغنية حلوة اوي ..دايما اسمعها لما ببقي مخنوقة

هو: اغنية ايه دي
انا: "بحر الحياة" لمحمد منير
هو: لا ما اعرفهاش
انا:اسمعها ومش هاتندم دي اغنية جميلة اوي

وبعتله الاغنية وقالي انه هايسمعها لما يروح البيت وبعدين استأذن وقالي قبل مايمشي: متشكر جدا يا نغم انك سمعتيني

موضوع انه مخنوق بدون سبب دا ما اقتنعتش بيه لأن كان باين عليه فعلا انه شايل حمل او هم..ربنا يفرج عنه

انا: لا ماتقولش كدا...احنا زمايل واخوات ووقت ماتحتاج تتكلم انا موجودة ومستعدة اسمعك

انا قولت خلاص خلينا اخوات احسن ومفيش داعي آخد منه موقف ..الدنيا أبسط من كدا.....ما اعرفش العقل اللي حط عليا مرة واحدة دا جالي منين بس خير خير ...كدا احسن بكتييييير

......يُتبَع

(2)..شيكولاته بالبندق

2010-07-19T01:12:00.000-07:00

بعدها بكام يوم كنت نازلة الحسابات اخلص شوية ورق لاقيته هناك ..قاعد علي مكتب وبيشتغل علي كمبيوتر ...طبعا اندهشت وفضلت فترة واقفة مكاني بستوعب اللي انا شايفاه

مشيت ناحية مكتبه براحة وقولتله: انت بتعمل ايه هنا؟
بصلي وقالي: ازيك يا نغم اخبارك ايه؟
انا: تمام الحمدلله....ماقولتليش برده انت بتعمل ايه هنا؟
ابتسم وقالي: الله يسلمك يا ستي انا الحمدلله كويس
انا: اه معلش اصل انا اندهشت لما لاقيتك هنا
هو: انا بشتغل هنا محاسب ودا اول يوم ليا في الشغل
انا: ايه دا بجد ؟!!!
هو: لا بهزر...اه بجد بس انا كنت في الفرع اللي في حلوان...و طلبت نقلي في الفرع اللي هنا
انا: اممممممم ماشي ..يارب تتبسط معانا.....
هو: ربنا يسمع منك

مشيت من عنده ....وانا بقول فعلا فعلا سبحان الله ...يعني بقينا زمايل في الشغل كمان

آخر اليوم قابلته وانا خارجة سلمت عليه ...خلاص بقي احنا بقينا زمايل دلوقتي وماينفعش اطنش واعمل نفسي مش شايفاه زي ماعملت قبل كدا

انا: السلام عليكم
هو: وعليكم السلام ....مش معقول نغم هانم بذات نفسها بتقولي سلام عليكم
ابتسمت وسكت
كمل وقالي: بس تعرفي ان اسمك حلو اوي
انا: اه ما انت قولتلي مرة قبل كدا
ابتسم وقالي: امممممم .... مش ملاحظة انك بتحرجيني كتييير
انا: انا؟!!!!!!! لا والله ما قصدي انت ادايقت ولا ايه
هو: لا طبعا ...انا عمري ما ادايق منك

اوباااااااااا هو في ايه بالظبط انا مش مطمنة

استعبطت وقولتله: شكرا

هو: برده؟!!...ماعلينا ياستي...يعني ما سألتنيش علي اسمي
انا: فعلا ما سألتكش؟

وكان باين اوي اني بكدب

ابتسم – وانا عارفة ان ابتسامته دي معناها انه فاهمني وعارف اني بكدب-
قالي: اه ما سألتنيش...تحبي تعرفي ولا مش مهم
انا: لا خلاص ماشي..اسمك ايه
هو:حسام..
انا: اهلا وسهلا
هو: اهلا بيكي يافندم

ما اعرفش ليه يومها انا نمت فرحانة اوي وصحيت تاني يوم لبست واتزوقت وكنت حاسة ان الدنيا احلوت فجأة وحلتني معاها

اول لما شافني في الشغل قالي: ماشاء الله
انا بااستغراب كدا: ماشاء الله علي ايه؟
هو: قوليلي صحيح هو القمر بيطلع بالنهار
حسيت بخدودي بتطلع نار وقولتله: قمر ايه؟
قالي:لالا ماتاخديش في بالك

اتظاهرت كأن موبايلي بيرن واستأذنت منه قال ايه برد علي الموبايل
اصلا انا كنت ساعتها مرتبكة جدا وكنت مكسوفة خالص

مشيت وانا قلبي فضل يدق يدق مش قادرة....دخلت المكتب واحدة زميلتي لاحظت اني مش علي بعضي قالتلي: مالك يانغم وشك احمر كدا ليه؟
انا: لا والله.... احمر اوي؟
هي: اوي اوي
انا: لا اصل في عربية فرملت عليا وانا جاية فا اتخضيت بس
هي: طيب انتي حصلك حاجة
انا: لالا الحمدلله جت سليمة انا كويسة زي ما انتي شايفة اهو

وما اعرفش ليه في اليوم دا حسيت احساس بالسعادة زي اللي بحسه بعد ماباكل شيكولاته

روحت البيت واتصلت بصاحبتي وحكيتلها كل حاجة ......
قالتلي انه بيحاول يتقرب منك بس الله اعلم ايه نيته ... ونصحتني اتجاهل الوضع واعمل نفسي مش واخدة بالي لحد مايفصح عن نواياه
انا: لا اطمني خااااالص .....انا بعامله في حدود انه زميلي وبس

تاني يوم في الشغل ....جه المكتب عندي واتعرف علي باقي زمايلي ..وبقي بييجي المكتب عندنا كتيير كل مرة بحجة شكل بس انا كنت بحس انه بييجي علشاني حتي زمايلي في الشغل اخدوا بالهم وبدأوا يلمحوا كدا بس انا كنت بقولهم علشان احنا معرفة من زمان فا انا اكتر واحدة بيتكلم معاها هنا في الشغل خصوصا انه لسه جديد يعني

مرة في يوم واحنا مروحين لاقيته بيقولي :تعرفي ان انا مبسوط اوي اني نقلت في فرع الشركة اللي هنا
انا: ربنا يبسطك كمان وكمان...بصراحة الناس هنا محترمة ويتحبوا
هو: ايواااا عليكي نور ..هيا يتحبوا دي

سكت وابتسمت وماعرفتش ارد حسيت انه بيلمح لحاجة

بعدين كمل كلامه وقالي: بس انتي اتغيرتي شوية عن اول مرة قابلتك فيها في القطر

اختفت الابتسامة من علي وشي وقولتله: تقصد ايه با اتغيرت دي؟
هو: ايه مالك ادايقتي ولا ايه؟...انا اقصد انك كنتي في القطر متحدثة وبتتكلمي علي راحتك معايا وماكنتيش تعرفيني...انما دلوقتي حاسس انك بتحاولي تقللي الكلام معايا مع اننا خلاص بقينا نعرف بعض كويس

انا بنرفزة: كلام ايه اللي انا بقلله معاك...وبعدين في القطر انا ماكنتش متحدثة ولا حاجة كل الحكاية اني عزمت عليك بشيكولاته عادي يعني وانت بعدها اللي فضلت تتكلم وتسألني

هو: انا ليه حاسس انك بتفهمي كلامي غلط...او انك متصورة انك لما كلمتيني في القطر انك بنت مش كويسة

قاطعته وقولتله: ما اسمهاش كلمتيني اسمها اتكلمنا

ابتسم وقالي: ولا تزعلي نفسك...اسمها كلمتك..حلو كدا
قولتله: انا بس اتعودت لما اكون باكل حاجة اعزم بيها علي الناس
هو: تعرفي بقي ان الشيكولاته اللي انا اخدتها منك دي احلي حاجة حد ادهالي
انا والنرفزة كانت راحت : بجد؟
هو: اه طبعا بجد..وخصوصا انها كانت من بنت زي القمر زيك

ينفع كدا يعني..اعمل ايه انا دلوقتي وارد عليه اقوله ايه
لا ويقولي اصلك بقيتي بتقللي من الكلام معايا ...ماهو مش ذكي ومايعرفش اني بتكسف من كلامه وانا لما بتكسف الدم اللي في جسمي كله بيتجمع في وشي وبرتبك وبيبان عليا

قولتله: اه صحيح انت ايه رأيك في الكلام اللي المدير قال عليه النهاردا في الاجتماع

كان باين موت اني بتوه وبغير الموضوع

ابتسم وقالي: تعرفي يا نغم اني بحب بساطتك دي جدا

استغربت وقولتله: بساطة ايه....انت ليه بتقول كدا
هو: اصلي لما قولتلك انتي زي القمر انتي اتكسفتي بس اتظاهرتي انك ما اتكسفتيش ولا حاجة وغيرتي الموضوع
انا: ولنفرض ان دا اللي حصل...ايه علاقة دا بالبساطة
هو:ان أي حاجة بتعمليها وبتقوليها لو مش هي اللي جواكي او اللي بتعبر عنك بتبان وبتبقي واضحة
انا: تقصد يعني ان انا كتاب مفتوح
هو: مش للدرجادي يعني ...بس انتي انسانة بسيطة وتلقائية ودي اكتر حاجة بحبها فيكي

وبعدين بقي ياجماعة الكلام دا مايتسكتش عليه انا ما اقدرش استحمل كلامه دا....

قولتله طيب بعد اذنك ارد علي الموبايل..وطبعا الموبايل ولا كان بيرن ولا حاجة بس انا قولت آخد فاصل اعلاني من كلامه وزوقه

لما رجعت لاقيته بيقولي: انا ملاحظ حاجة غريبة
انا: خير...؟
هو: موبايلك بيرن ومابسمعلوش صوت ليه؟
انا وكنت حاسة انه كشفني بس انا تماسكت وقولتله: اصل انا عاملاه فايبريشين
هو: فعلا؟؟
انا: مش مصدق يعني ..طيب رن عليا وانت تشوف بنفسك

ايه اللي انا قولته دا ...فعلا علي راسي بطحة...افرضي رن دلوقتي هاتعملي ايه...

هو: لا طبعا مصدقك...ممكن اسألك سؤال؟.
انا: اتفضل
هو: انتي ليه دايما بتفترضي سوء النية في كلامي
انا: لا ابدا .....انا بس تلاقيني مابعرفش ارد او اتكلم
هو: فين دا...امال في العلاقات العامة ازاي

طبعا هو عنده حق في اللي بيقوله انا ما اعرفش ليه بعمل معاه كدا .....وقررت ابطل الحوارات الداخلية اللي مع نفسي واحسن النية فيه وفي كلامه خصوصا انه حد محترم وزوق

انا: طيب خلاص لو انت حسيت دا من كلامي حقك عليا دا بدون قصد مني
هو: انا بس عاوزك تعرفي انك ليكي عندي معزة خاصة
انا: ربنا يخليك ..

انا بعد كدا بطلت مشاكسة مع نفسي وبقيت حد وديع ومسالم جدا حتي هو اخد باله اني اتغيرت...بصراحة انا بقيت بفكر فيه كتيير وبقيت بحب الشغل جدا وخصوصا وقت المرواح واحنا نازلين من علي السلم

كان هو في مرة عندنا في المكتب وموبايل واحدة صاحبتي رن وكانت حاطة رنتها اغنية لتامر حسني اسمها"انا شكلي هااحبك ولا ايه"
لاقيته بيقول" الله الأغنية دي حلوة اوي...وطلب من زميلتنا تبعتهاله علي البلوتوث

قولتله: بس دي لتامر حسني
هو:طيب ودي فيها ايه
انا: اصل انتوا بتكرهوا تامر
هو:انتوا اللي هوا مين؟
انا: الشباب يعني
هو:ومين قالك اني بحبه...بس اصل الاغنية عجبتني وبعدين الظروف بقي انتي عارفة
انا: ظروف ايه؟
هو: ابقي اسمعي الأغنية وانتي تعرفي

اول لما مشي اخدت الأغنية من زميلتي وسمعتها
"انا شكلي ها احبك ولا ايه
في حاجة في قلبي جديدة عليه
قلبي مسهرني...قلبي محيرني
انا ايه غيرني وبسأل عنك ..بسأل ليه
حالي مش حالي...ايه اللي جرالي
سهرني ليالي وانا كان مالي اسهر ليه"

انا فضلت اسمع في الأغنية دي طول اليوم
ولائتني بسأل نفسي: ياتري ايه الحاجة الجديدة اللي في قلبه
ومين دي اللي شكله هايحبها
طيب هو يقصد ايه ب اسمعيها وانتي تعرفي

دا واضح كدا ان انا اللي شكله ها احبه ان ماكنتش حبيته فعلا

.....يٌتبَع

(1)..شيكولاته بالبندق

2010-07-15T07:33:00.000-07:00

اتصلت بيا واحدة صاحبتي تعزمني اقضي كام يوم معاها عندهم في اسكندرية
قالتلي تعالي غيري جو القاهرة ومواصلاتها وزحمتها ومش هاتندمي ووافقت وقضيت معاها وقت جميل.... كانت وحشاني بشكل فظيع ماشوفتهاش من يوم ماخلصنا جامعة

واقترحت عليا اركب القطر وانا راجعة واترددت اصل دي اول مرة في حياتي اركب قطر بس هيا اقنعتني وقالتلي افضل من بهدلة المواصلات... تنزلي من الميكروباص دا للبيجو دا ..انما القطر مفيش أي بهدلة
وحجزت درجة اولي وقعدت استني القطر يتحرك

بعدها بكام دقيقة جه قعد في الكرسي اللي ادامي شاب شكله بيقول انه لسه في العشرينات..الله اعلم ممكن يطلع في التلاتينات في ناس كدا مابيبانش عليها السن ...وبعدين انا مااااااااالي مايطلع زي مايطلع

كان معاه كتاب فتحه وبدأ قراية فيه

قولت لنفسي ايه دا هو هاينشغل في القراية ولا ايه طيب وانا ....هايسيبني كدا ... دي السكة طويلة انا عاوزة حد اتكلم معاه او أي حاجة انشغل فيها...المشكلة ان بطارية الموبايل ضعيفة جدا ومش ها اعرف اسمع عليه أي حاجة
التفت ورايا أدور علي بنت زيي كدا تكون قاعدة لوحدها اقوم اقعد معاها ونتعرف سوا ..مالاقيتش قومت قولت لنفسي ما خلاص بئي يا بنتي في ايه هو انتي مسافرة العراق كلها ساعة زمن وتوصلي اقعدي ساكتة بقي

كان معايا شيكولاته طلعت وعزمت عليه بواحدة

انا: اتفضل
هو: ايه دا؟
انا: شيكولاته
هو:متشكر اوي ..مابحبهاش
انا: دي بالبندق هاتعجبك

طبعا اخدها مني بعد ما حس بالحرج من اصراري علي انه ياخدها وبصراحة ما اعرفش ايه اللي انا عملته دا بس قولت عادي يعني انا قولت اعزم

وبعد دقايق قليلة لاقيته بيقولي:انتي بتحبي الشيكولاته؟
انا: ومين مابيحبهاش دي بتدينا احساس بالسعادة اينعم مؤقت بس اهو احسن مما فيش
هو: معظم البنات بيحبوا الشيكولاته علي اختلاف انواعها
انا: انا بحبها سادة بدون أي اضافات

بص علي الشيكولاته اللي في ايده وايدي وكأنه بيقولي ازاي والشيكولاته بالبندق

قولتله: اااااااااه علي فكرة دي اول مرة اشتريها....اصلي مالاقيتش في السوبر ماركت شيكولاته سادة فا اشتريتها بالبندق اصلي بصراحة مابمشيش من غير شيكولاته... لازم تكون في شنطتي
بس هي طعمها جميل ولا انت ايه رأيك؟

قام فاتحها وبدأ ياكل منها وقالي :عندك حق هي طعما حلو فعلا
....متشكر اوي
انا: لا علي ايه...
بعدها بشوية قالي: مالك سكتي ليه؟
انا: لا عادي علشان ما اصدعكش وبعدين واضح انك مشغول
ابتسم وقالي: لا ابدا مين قال إن عندي صداع.....أنتي أصلا من القاهرة ولا زيارة؟
انا: أنا قاهرية بس كنت بزور واحدة صاحبتي
هو: وخلصتي جامعة ولا لسه بتدرسي
انا: خلصت السنادي ولسه مستنية النتيجة تظهر...ادعيلي
هو: ان شاء الله تنجحي وبتفوق كمان....انتي كلية ايه؟
انا: السن....قسم فرنساوي
هو: ماشاء الله ...ربنا يوفقك
انا: متشكرة
وبعدين رجع فتح الكتاب وكمل قراية

إيه داااااااااا أنا ماشوفتش تقل كدا في حياتي

علي فكرة بقي اقطعي الكلام معاه ليفتكر حاجة في نفسه ولا يفتكر اني معجبة بيه ولا حاجة هو اينعم وسيم وحاجة كدا طول بعرض بس ولو انا زي القمر برده وكل ماهنالك اني بحاول اضيع وقت لحد ما نوصل

وقومت مطلعة الموبايل اللي بطاريته ضعيفة وحاطة فيه السماعات وقال ايه شغلته وقاعدة بسمع اغاني....يلا بقي خلي الكتاب ينفعه

وخلاص داخلين علي المحطة
اخيرااااااا وصلنا الحمدلله....اول وآخر مرة اركب فيها قطر

قلعت السماعات من وداني وبنستعد للنزول
لاقيته بيقولي: اه صحيح انا ما اعرفتش اسمك ايه
ونبرة صوته اتغيرت وكان بيبتسم ابتسامة حلوة كدا

قولتله: اسمي نغم
هو: الله اسمك حلو اوي
حسيتني اتكسفت كدا واتبسطت وقولتله: متشكرة

وانا في التاكسي وفي طريقي للبيت حسيت ان اللي عملته في القطر دا كان غلط ..ماينفعش اتكلم كدا مع واحد ما اعرفوش.... دلوقتي يقول عليا بنت زي باقي البنات ويفتكرني مش محترمة
فرديت علي نفسي وقولت بقولك ايه مش محترمة ليه ان شاء الله وهو يعني احنا اتكلمنا في ايه دا هما كلمتين وخلاص وبعدين هو اللي كان بيسألني والمعلومات اللي انا قولتهالوا عني الناس كلها تعرفها مش اسرار يعني وكمان انا ما سألتوش أي حاجة عنه ولا حاولت اعرف سنه ولا دراسته ولا هو منين يعني مايفرقش معايا في حاجة
وبعدين يفتكر اللي هو عاوز يفتكره ...انا يعني ها اشوفه فين تاني بعد كدا
اصلا دي اول وآخر مرة ها اركب فيها قطر

لاقيت موبايلي بيرن كانت صاحبتي بتطمن عليا تشوفني وصلت ولا لسه
طمنتها وسألتني ايه رأيي في ركوبة القطر مش احسن من بهدلة المواصلات
قولتلها: اه احسن اوي ......احسن جدا ......احسن خالص
هي: مالك يابنتي في ايه
انا: مفيش متغاظة بس
هي: ليه ايه اللي حصل؟
انا: استني مني تليفون بالليل ها اتصل واحكيلك

فاتت الأيام بعد كدا ونتيجتي ظهرت والحمدلله نجحت وأخيراااااااا تنفست الصعداء

بدأت رحلتي في البحث عن شغل ولأن الشغل عندنا في القاهرة شيء غالي ونفيس ولا يقدر بثمن فا انا قعدت بالظبط بتاع 6 شهور بدور علي شغل لحد ما ربنا كرمني واشتغلت في العلاقات العامة في شركة متخصصة في مجال الأستيراد والتصدير
اينعم مجال الشغل بعيد شوية عن مجال دراستي ...يعني كنت احب اشتغل في الترجمة بس الحمدلله كل اللي يجيبه ربنا كويس
وكنت مبسوطة اوي بالشغل وبالناس اللي كانوا معايا

وفي يوم كنت خارجة من مكتب المدير لاقيت واحد بيوقفني
وبيقولي :ازيك يا انسة نغم؟
بصيت كدا
انا ماكنتش مصدقة نفسي.. دا هو دا الشخص اللي ركبت معاه القطر من 8 شهور تقريبا....

قال: انتي مش فاكراني؟
انا: لا فاكراك ازيك اخبارك ايه ؟..
هو: تمام الحمدلله ...انتي بتشتغلي هنا ولا ايه؟
انا: اه بشتغل في العلاقات العامة
هو: اممممم بصراحة انتي ممتازة في العلاقات العامة

ايه دا هو يقصد ايه ...يكون فاكر اني لما كلمته في القطر اني فاتحاها كدا لكل الناس طيب ماشي

رديت عليه بثقة كدا : مش العلاقات العامة بس...انا ممتازة في حاجات كتير

هو: يا سلاااااام ....حاجات زي ايه بقي
انا: معلش انا ورايا شغل ولازم اخلصه

ومشيت من غير حتي ما اسأله هو بيعمل ايه هنا ومش عاوزة اعرف بصراحة كان دمي محروق...يعني ايه ممتازة في العلاقات العامة

قعدت علي مكتبي وانا بفكر اد ايه الدنيا دي صغيرة حد يصدق اني ممكن اقابله تاني ....بس اه صحيح هو هنا بيعمل ايه؟

آخر اليوم واحنا مروحين وانا نازلة من علي السلم كان نازل ادامي بس انا عملت نفسي مش شايفاه
فلاقيته بيقولي: وعليكم السلام ورحمة الله وبركاته
بصيتله وقولتله: ايه دااااااا معلش مش واخدة بالي
هو: ولا يهمك.........تعرفي ان انا كان قلبي حاسس اني ها اشوفك تاني

انا وكنت مندهشة بصراحة: قلبك حاسس؟!!!!! اشمعني يعني
هو: بصراحة ما اعرفش....بس اصل انتي روحك حلوة
انا: يا سلااااام رغم اننا ما اتكلمناش كتير يعني
هو: لا بس بيبان .......اه صحيح انا لما قولتلك انتي ممتازة في العلاقات العامة ما كنتش بتريق عليكي انتي فعلا في العلاقات العامة ممتازة

انا بدهشة واستغراب: انا ادايقت؟!!!!! فين دا ...لالا ماحصلش.. انت ليه بتقول كدا؟

هو: لا كان باين في عينيكي وردك عليا

كان باين في عينيا !!!!! ايه دا هو بيقرا العيون ولا ايه
وبعدين الكلام دا كبير جدا ... روحك حلوة وقلبي كان حاسس انه هايشوفك
مش خير ولا ايه

رديت عليه : لا انت بيتهيألك

كنا وصلنا للشارع ووقفت علشان آخد تاكسي
لاقيته طلع علي الطريق ووقفلي تاكسي وقالي اتفضلي

ركبت التاكسي وانا دماغي متلخبطة كل شوية استعيد الحوار اللي مابينا وكلامه وتعليقاته.... امال التقل اللي كان في القطر راح فين...سبحان مغير الأحوال

برده ماعرفتش اسمه ايه ولا كان في الشغل بيعمل ايه......ياتري ها اشوفه تاني ولا لآ......
ايه يا ست نغم عاوزة تشوفيه تاني ولا ايه؟؟
لا عادي.. اشوفه ولا ما اشوفوش مش فارقة
بس بصراحة اتمني اشوفه تاني...ما اعرفش ليه

.......يٌتبع

سابع تاج

2010-07-01T14:04:00.000-07:00

عثرت علي هذا التاج أثناء تجولي بين المدونات

وكم أعجبني كثيرا وفكرت في اقتنائه واضافته الي التاجات القليلة التي اقتنيها

وأكثر شيئ أحبه في عالم التدوين والبلوجر هو التاجات لأنها تمنحني فرصة حقيقية لأن أتحدث عني وعن نفسي وعن أشياء تخصني بحرية ووضوح دون الحاجة الي قصص وحكايات أخبيء فيها بعض مشاعري وأحاسيسي

كما اننا نبدو أكثر جمالا حين نتحدث عن أنفسنا

والتاج كما يلي: اذكر ستة أسرار تتعلق بك

1- أنا كتاب مفتوح للجميع ...لكن لا أحد يجيد قراءته ويفهم مابين السطور...فقط أصدقائي المقربين

2- يولد الحزن كبيرا ثم يتضاءل بعد ذلك.....عندي الوضع يختلف.. يولد الحزن صغيرا ثم يكبر ويكبر حتى يشيخ وبعدها يموت لكن ذلك يستغرق معي وقتا طويلا جدا ....

3- لدي صورة أحب أن أحافظ عليها أمام الجميع كي لا تهتز وذلك يكلفني كثيرا...رغم أني في أحيان كثيرة لا أبالي الآخرين مهما كانوا ومهما كانت آرائهم أعرف أن في ذلك تناقض إلا أني أحب هذا التناقض ولا يزعجني.

4- عقلانية ...حكيمة...صاحبة رأي سديد..هكذا يرددون _وأنا معهم_طول الوقت لكني رغم كل ذلك اعشق الخيال وأعيش فيه أكثر مما أعيش في دنيا الواقع وأسير وراء إحساسي في كثير من الأحيان وأتفرد في رومانسيتي مع نفسي ومع من أحب.

5- اعتز بأشيائي جدا وبكلماتي وحكاياتي كثيرا وأحب ابتسامتي وأعشق نظرتي للأشياء من حولي لأنها مختلفة وتستحق عشقي لها.

6- هادئة...حتى انه قد يستفزك هدوئي.... ورد فعلي تجاه مواقف كثيرة هو الصمت والصمت عندي كما يقول نزار قباني كبرياء وليس ضعف أو استسلام واقدر جدا الانفعال وملحقاته من غضب وكره وبرأيي أن لا احد بهذا العالم يستحق أن انفعل لأجله.

ملحوظة:صورة التاج تعبر عني ...حتي انني كلما نظرت اليها رأيت نفسي ...هذه الصورة من الكتاب المفتوح الذي يتصفحه الجميع